Génesis 4:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Ca' so Caín eeco', ca'e yí'maq hua'ño' na' retaqata'pegue' ñi qara'gaxala'. Ca naalco' yi 'laua leenaxat la'a' na se ỹo'viijñi. Yi'maxare pa'a'gue da lqodoigue quiyi Edén.

Génesis 4:16 Iomraidhean Croise

Génesis 3:8

Ca' so ỹale chaqai aso loua 'xairaque ñi qara'gaxala' qota'olec ỹouoxontac yi lanaxanqa' hueetaugui so nonot 'oom queso avit. Ca' saua'maxare nqañoxoterapeguem, tarougui yi qo'paxasat quiyi nanaxanqa'.

Génesis 4:14

Nagui, ca' yo'yirauec quenajo seuetalec 'laua, ca chaqa shiqueteguelec na 'laua qaica ca ỹa'a', qoỹoqo'ta qami' caỹim, sqaica ca ñco'matqa'. Ca' canchaqaica iuanejlec aỹim, ca' yalauat ma'le.

Génesis 4:17

Ca' so Caín co'na' viguit aso loua, ca aso'maxare 'mano', ca ne'qaaño' so llaalec Enoc. Ca co'na' ime, ca' so Caín no'xonshiguimo' so 'imqaipi, ca leenaxato' nqai'en Enoc, leenqashaxaua so llaalec.

2 Reyes 24:20

Ca' ñi qara'gaxala' ỹaatqajam ro'ỹa yi Jerusalén chaqai yi Judá, ca' ỹaatqajam ỹo'derauec. Ime, ca' so Sedequías npa'guene'e' so nashi quiyi Babilonia.

Job 1:12

Ca' ñi qara'gaxala' 'naaco' queso na'ỹaapec só'maq viraqataxanaxai: —Ỹa'maqachiguiñi. Cha'regue, 'viiquiñi'sac quecá'maq 'ñi'sa'gue ná'ogue ná'maq louenqaipi ñi Job. Qam ñi'maxare, ca' 'xañisac, se qa'vi'ra'gue. Ca co'na'le, ca' so na'ỹaapec ca'e ñi qara'gaxala'.

Job 2:7

Ca' só'maq viraqataxanaxai ca'e ñi qara'gaxala', ca ilata so Job so nalolaxa chalego la'aaxa, quelec na loshicmaxa, chicqochi'ñiguilo naua lapiaate', ỹoviragui na lqahic.

Éxodo 20:18

Ca sá'ogue so Israel llaalqaipi ỹaatqajam iuanchigui so soxonaxallipi, chaqai so nqai'legaxaripi, so lelamaxa aso npe'tellipi, chaqai aso quemaralec qa' ladocai pojlec queso nesalaxaripi. Ca' ỹaatqajam 'ue da lqolonaxa, ca' se ishit nqo'neuo.

Jonás 1:3

Qam so Jonás se na'xaỹaxan, ta'ta'a quiyim ỹahotaque 'eetapeguem ñi qara'gaxala' qota'olec. Ca' quepegue' yi ñigaxasom leenaxat Jope. Ca' quiyi, ca' natenejlec aso qom lahi' huaxaỹaqse mashic sham taigue da na'a' lodegaxat Tarsis. Ca so'maxare ishiueten aso renotaxaqui, ca' renoto, huotaque taigue da Tarsis.

Mateo 18:20

Ma' cá'maq hueesa'ñi caua dos loqo'm tres lapoosagui da ỹeenaxat, ca' ỹim seuetañiguilo lavilliñi' caua'maxare.

Lucas 13:26

Ca' quiyi, ca qamiri 'ñiỹac: “Qomi' qami' qarqui'ỹaxaua, chaqai qane'taxaua quen, chaqai qami' paxaguinataxañisac quena' senqata'ñi yi qara'a'.”

Juan 1:10

Ca' só'maq qohinaco' quen na'qaatec mashic hueetalec na 'laua. Chaqai 'eno'm ñi qota'olec ỹachigoxochichigui so'maxare na' ỹo'uet na 'laua, qam ná'maq hueetalec na 'laua se ỹa'den so'maxare.

Juan 1:3

Ca' ñi qota'olec ỹachigoxochichigui so'maxare na' ỹo'uet ná'ogue nanchaqaina, chaqai quená'ogue ná'maq mashic 'ue, qaica quet cá'maq sqa chicqaugui so'maxare.

1 Tesalonicenses 1:9

Ma' chaqaina na'maxare ỹa'xatetac dá'maq 'neeta na' sovitaxalo qamiri, chaqai ỹa'xatetac dá'maq 'neeta da rquelolaxahi coqomi', chaqai dá'maq 'neeta na' quiỹa'ahi na nashiilec nqolaquipi, ca' quiilec 'ueenataxañiỹot ñí'maq ỹaatqajam qota'a nca'leetauec, mesqai chi nadenqatec.