Génesis 4:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Qam ñi qara'gaxala' 'naaco' queso'maxare: —¿Chi'neco' ma' 'viichi'o' dajo? Na leuoripi ca rqaỹa'e' coraxachira'pe na'le quena 'laua ỹaualqaso'ot aỹim, ỹahosaque quiyim seuejlgoto.

Génesis 4:10 Iomraidhean Croise

Génesis 18:20

Ca ñí'maq qara'gaxala' ra'qaataxano' na'le, ca 'naaco': —Yi qomyipi na'ñi yi Sodoma chaqai yi Gomorra ỹaatqajam se no'uen da na'qaataxac, chaqai chalego lecaic da lasauaxaset.

Génesis 3:13

Co'na'le, ca' ñi qara'gaxala' qota'olec inato' aso 'aalo: —¿Chi'neco' ma' 'viichi' dajo? Ca' aso'maxare 'naaco': —So nanaic só'maq yayin, ca' sa'ic aca la ada qo'paq.

Génesis 9:5

Ca ỹim silliitalec ca lasauaxaset ca 'óna qom chaqai quiñi 'óna isecỹac caua leuo' caqamiri. Chaqai quiñi 'óna qom silliitalec ca lasauaxaset quiyim naqat ca nachaalataxac ca 'nejemalam.

Salmos 50:21

Ca ná'ogue najo 'viichi'sac, qam ỹim yi'maqata, 'neetapigui qavilli' quiyim shintam aqami'. Qam nagui seloxoiqata'ta', ca soviraxachiraxaua', ca' ¡nagui sa'maxajta' naua rasauaxashichichi'!

Éxodo 3:7

Qam ñi qara'gaxala' queetalco' dá'maq ỹa'xatetac, 'naaco': —Ỹim ỹaatqajam seuanchigui da le'xoric yi ỹalamaxareteripi neeta'ñi yi Egipto. Sa'qaatapega quiyim se nqo'ta dá'maq qohinta'gue quená'maq neloxoỹaq quena no'ueenataxanaq, chaqai sa'deenta dá'maq le'xoric.

Isaías 5:7

Yi lanaxanqa' ñi qara'gaxala' ñí'maq qaica lqalanec, yí'maq lqo'itaxat lanaxanqa', chaqaiyi yi 'laua neetalec na llaalqaipi so Israel, chaqai na lauo' so Judá. Ñi qara'gaxala' 'neetapega quiyaua'maxare se napaqueralec da naqataxac, qam qainaata iuantapega na nalauataxanaxac; nauaantaque ca 'maxaraic 'ueenataxac, qam qainaata 'qaataque na naualaxac queda nqui'ic.

Hechos 5:3

Qam so Pedro 'naaco': —Ananías, ¿chi'neco' ma' inoxono' so na'ỹaapec cañi re'taxanata'e' quiyim ỹo'uet quiyim na'majñitot so Espíritu Santo, ca sectaqchirigui aca laseuete so na'lauahi?

Hechos 5:9

Ca' so Pedro 'naapego' aso'maxare: —¿Chi'neco' na'yiiñigui quiyim viitaque 'guiñii so Espíritu chicqo'ot ñi qara'gaxala'? Queda pa'aauec chita'gue novirero dauá'maq ỹodoorec ishiñiñi ca roua'e'. Ca' naquita qai'neeta qarodo'irec.

Hebreos 11:4

Ma' 'uo' da lpi'ỹaxac so Abel, ca' paguec loyac so lachitaxanataxanaxat caso lachitaxanataxanqate so Caín. Ca' ñi qota'a icoñiguit 'neeta'gue ca lo'yaxanec ca no'ueenataxac na' icoñiguit so lachitaxanataxanaxat. Ca 'eno'm tot qaica so Abel, qam da lpi'ỹaxac ñaqai queeta ra'qaataxantac.

Hebreos 12:24

Ca mashic nqo'ñiu'a so Jesús ma' chaqaiso só'maq qaretaxaỹaxanqajnec quedá'maq dalaxaic 'maqataxac quiyim ña'maxataxa'e' ñi qota'a, chaqai quecá'maq hua'ñi ca qareletaxanalo saua leuo' so Jesús. Saua'maxare ỹaatqajam napacalgoto saua leuo' so Abel quiyim ra'qaataxanalo qomi'.

Santiago 5:4

Añí'maq rishiuetenaxanqachii se ipaguigui nqai'ñii quena qomyipi quená'maq ro'ueenataxantac naqatetac na la na qadañicshiguii, chaqañi añí'maq ro'laxanta'pegue' caqamiri. Ca' ñi qota'a ma' la'gaxala' ná'ogue na piguim laseripi, ca ñi'maxare 'qaatapega da laualaxac na 'ueenataxanaxairipi.