Génesis 39:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca co'na' so José reloqota'a so louenqaipi so Potifar, ca so'maxare tot qaica ca ỹo'uet, ta'ta'a da lqui'ỹaxac. Ca' so José ỹaatqajam imaañi da loyac, ca' quena' qaỹa'ajan, ca' qanqo'ta.

Génesis 39:6 Iomraidhean Croise

Génesis 29:17

Aso Lea lo'yaxanqa nqote', qam aso Raquel ỹaatqajam sá'ogue lo'yaxana.

Génesis 39:23

Ca só'maq lashi añi ncoñiitaxanaxaqui tot ỹouen quiyim liỹa ỹa'ajan ná'maq mashic leloxoiqateguesec so José. Ma' ñi qara'gaxala' na'deeta'guit so'maxare, ca ỹa'ue quiyim ỹa'maqachiguiñi ná'ogue ná'maq ỹo'uet so'maxare.

Génesis 39:4

Ca' quedajo, ca chicqochigui quiyim qanqo'ta so José queso na'co', ca icona quiyim lotaua chaqai pataxalec quiyim reloxoỹa'a ná'ogue ná'maq louenqaipi hueeta'ñi yi la'a'.

Génesis 39:8

Qam so José se na'xaỹaxan, ca 'naaco' caso'maxare: —'Ajñi', so ña'co' pataxailec ná'ogue na louenqaipi. Ca' quiyim aỹim senta'ñi najo, ca ñi'maxare tot qaica ca hueetapigui lauel.

Génesis 43:32

Ca' so José qaỹoỹooteta'oga ca lqui'ỹaaqa' queca lqui'ỹaaqa' so llaalqaipi so Jacob, chaqai so liỹa ỹoqotec lqui'ỹaaqa' so Egipto laseripi, ma' na Egipto laseripi se qaỹa'maxaren lqui'ỹaxaua na hebreo laseripi.

Proverbios 31:11

Cá'maq loua ỹaatqajam pi'ỹa'a aca'maxare, chaqai se ỹauanapega quiyim qaca quet aca lauegue.

Lucas 16:10

Cá'maq ỹa'maxate'tegue quiyim sqa lo ca reloqota'a, ca chaqaida 'neeta ỹa'maxate'tegue quiyim 'xoic ca reloqota'a. Qam ca se ỹa'maxata'gue cá'maq sqo vite', qai'neeta se ỹa'maxata'gue ca 'xoic quiyim reloqota'a.

Lucas 19:17

Ca' so nashi 'naaco': “Ajá'a, maq no'uen, ỹa'maqachiguiñi, ỹaatqajam qami' no'uen nelaatec. Ma' qami' na'maxachite' quecá'maq sqa lo, ca' nagui qami' sanagui quiyim qami' nashi, reloxoiqachicshiqui' ca diez na'aateripi.”

Hechos 7:20

Ca' quesauajo na'xata' chaqaisaua huauguilo quiyim ne'qaañi so Moisés. Qam sojo noctoqui' ỹaatqajam lqo'itaxat ñi qota'olec, ca' saua leta'al cochiisapega quiyi la'aate' quesaua tres shiriguiri.

1 Samuel 16:12

Ca' so Isaí relaataxane'oga so'maxare. Ca' só'maq noctoqui' chi netoquetec na lashic, lo'yaxanec, chaqai 'maxaraic da no'ueenataxac. Co'na'le, ca' ñi qara'gaxala' 'naaco' queso Samuel: —Chaqaina najo, ca' nagui ne'laxachirishiguim, ca' cochirelec quiyim nashi.

1 Samuel 17:42

Co'na' so filisteo ra'ỹo'ot so David, iuane'ta quiyim ñaqai ne'necoqui' chaqai qoñoxoraic chaqai naloochiguiñi, 'ec qaica ca 'negue nqai'en.