Génesis 39:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca' quedajo, ca chicqochigui quiyim qanqo'ta so José queso na'co', ca icona quiyim lotaua chaqai pataxalec quiyim reloxoỹa'a ná'ogue ná'maq louenqaipi hueeta'ñi yi la'a'.

Génesis 39:4 Iomraidhean Croise

Génesis 15:2

Qam so Abram 'naaco': —Qami' ỹa'gaxala' qota'olec, ¿negue' quet cá'maq 'negue quiyim vite ca ñishiue'? Ma' qami' 'yiiñite' quiyim qaica ca ỹaalec. Ma' qaica ca nañaañi' ỹaalec, ca ñí'maq taalec ma'le cá'ogue ca isallaxa, ca' chaqaiñiita ñi Eliezer ñí'maq ỹaaqainatec Damasco le'ec.

Génesis 18:3

Ca 'naaco': —Qami' ỹa'gaxala', sashiila'e' quiyim sqaua' qui'.

Génesis 19:19

Qamiri mashic 'xoic da rqouagaxahi caỹim, chaqai qamiri huagaxaraqa caỹim, ma' yca'laxachiuec. Qam ỹim re'qoota se sovijta'a yi qoỹoqoshi'megue 'laua. Ca ma' qanopoxoỹaxajñi najo, ca qaỹoviralgoto qomi' quena nayic, ca qai'neete' qomi' qareleu.

Génesis 24:2

Ca 'uo' so na'xa'a, ca roỹaxano' só'maq paguec qo'xoic queso lelaatqaipi, só'maq reloqota'a ná'ogue na lalamaxareteripi. Ca 'naaco' queso'maxare: —Lli'ro'ot na rqai'laxachi' na ỹoteleta'.

Génesis 32:5

Chaqai 'ue ana ilo huaca, 'ashinyipi, qagretaipi, ilaatqaipi, ilaatallipi. Selata qami' da ỹa'qaatec, qami' ỹa'gaxala', sahotaque sa'deenta quiyim yi'xoriñi'.

Génesis 33:10

Qam so Jacob 'ue da lepagaxallic piltalec da la'qaatec, 'naaco': —'E', qouaquiric. No'm chaqaiyi quiyim yi'xoriñi', ca' 'maxaraic quiyim coñichiguit na ỹame. Ma' quiyim seuañiraxaua' shiiquiaxam seuana ñi qota'olec, ma' mashic quira'guit aỹim.

Génesis 33:8

Co'na'le, ca' renataxano' so Esaú: —¿Negue' ca vi'saque 'viichi' quesó'taq iseripi sauareta'piguit? Ca' so Jacob 'naaco': —Sahotaque quiyim yi'xoriñi'.

Génesis 39:8

Qam so José se na'xaỹaxan, ca 'naaco' caso'maxare: —'Ajñi', so ña'co' pataxailec ná'ogue na louenqaipi. Ca' quiyim aỹim senta'ñi najo, ca ñi'maxare tot qaica ca hueetapigui lauel.

Ester 2:9

Ca sojo nequetegaxai ỹaatqajam nqo'ta so Hegai, ca chaqa'ma' ỹa'men, noquiigaxatec nqai'en da loyac, chaqai ỹaanem na no'uen na'ic, chaqai ỹa'vii saua siete lelaata quesauá'maq ỹaatqajam ỹa'deene' da ledaxague' neesaugui ñí'maq lauo' lodegaxat so nashi. Ca aso'maxare chaqai saua lelaatal nqo'naxata'alo saua 'imqa paguec loyaague' quesaua lauooto' na 'aallipi.

Proverbios 22:29

Cá'maq ỹa'maqachiguiñi nqai'en ca lo'ueenatec, ca'maxare nelaatec ma'le quena nashillipi, mesqai queca qom sqailligueme' ỹaqamaq.

Hechos 20:28

Ca' nagui, ca ncochiỹalta', chaqai cochiỹa ná'ogue ná'maq mashic ỹacoñiguit da na'qaatec, quiyim so Espíritu Santo pataxalgoto qamiri quiyim loxoi'a chaqai cochiỹa, ma' na'maxare lalamqate' ñi qara'gaxala' Jesús, ma' ñi'maxare lishiujnaxanqate, rishiuetenaxanalo saua chi leuo' na' qaỹalauat.

Rut 2:6

Ca' so lashi so naqataxanyipi 'naaco': —Chicqa'gue da Moab. Ada'maxare nauegaxaua na'le aca Noemí.

1 Samuel 16:22

Ca' so Saúl ila' so la'qaatec queso Isaí, ne'xoresene'tot quiyim so David chaqa'ma' le'neetari' neeto'ot so'maxare, ma' mashic ỹaatqajam nqo'ta.

1 Samuel 2:26

Qam so Samuel mashic ne'nec, noquiiquetashiguim da llaaxa. Ca' da no'ueenataxac so'maxare ỹaatqajam nqo'ta ñi qara'gaxala' chaqai na qomyipi. (2.27-36 Qaỹa'xateta'guit da 'neeta ma'le so llaalqaipi so Elí.)