Génesis 39:3 - La'qaatqa ñi qota'olec Qota'olec & Qota'olec Novita Na Qomyipi

³ So na'co' retan quiyim so José na'deeta'guit ñi qara'gaxala', vichiguiño' quecá'maq ỹo'uet so José, qam ỹa'maqachiguiñi.

Génesis 39:3 Iomraidhean Croise

Génesis 21:20

Ca' ñi qota'olec ỹotauantac so ne'nec, ca so'maxare nqo'neetashiguim da llaqtaxac quiyi neetalec 'laua qaica qom leenaxat Parán. Ca' chi ỹovireta'a quiyim ỹaatqajam 'ichqaic quena' rahinaxana ana no'xoso. Ca co'na' ncopa, ca' aso late'e ỹo'naxañiguit aso 'aalo Egipto lase.

Génesis 21:22

Ca' quesauajo na'xata', na' so Abimelec quepegue' ỹahotaque quiyim retaxaỹa'pegue' so Abraham, liỹaatac so Ficol, lashi so nalliripi. Ca' so Abimelec 'naaco' queso Abraham: —Qomi' seuanaxa quiyim ñi qota'olec ỹotauantac qami' quená'ogue ná'maq 'viichi'sac.

Génesis 21:23

Vichiguiño' nagui saanqot da qara'qaatec ñi qota'olec quena seuqate'e quiyim sqo 'viichi' ca se ỹa'maxañi caỹim, chaqai quena ỹaalqaipi, chaqai na iuaripi. 'Ỹaañirec nagui ca ra'qaachiqui' quiyim 'maxachiteteguelo qomi', 'ñitetegue dá'maq qara'maqataxanaxac caqami', chaqai quiyim chaqaida 'ñitetegue ná'ogue na qomyipi quená'maq 'laua ñi'sa'ñi nagui.

Génesis 26:24

Ca' queso pe, ca qanachaxana so'maxare quiñi qara'gaxala'. Ca 'naaco': Ỹim ná'maq ỹim qota'olec queso qataa'i' Abraham. Qaica ro'chiraque; ma' qami' iỹaatac. Ma' chicqochigui nqaishin so ilaatec Abraham, ca 'xoic da iqouagaxa ma'le caqami', chaqai 'xoic nqaishin ca qachaalaxai'pi.

Génesis 26:28

Ca saua'maxare 'neraco': —Seuanaxa quiyim ñi qara'gaxala' liỹaatac qami', ca 'ue da qana'deenaxac quiyim ña'deenaxa'e' qami'. Ca dá'maq qana'deenaxac ma'le 'neetasa':

Génesis 30:27

Qam so Labán 'naaco' queso'maxare: —Qouaquiric, ro'viiñirañi, chaqai 'ñi'sari' ñiiso'ot aỹim, ma' mashic senataxanteguelec qami', ca' sa'den quiyim ñi qara'gaxala' 'ue da lqouagaxa caỹim chicqochigui qami'.

Génesis 30:30

Ma' sqo vito'olli' caua qalohi' na' saqa' ñovi', chaqai quiyim chaqa'ma' nqo'neuec na' ñovi', ca ñi qara'gaxala' nqouaguegue qami', qam ¿laquio' chi so'ueenataxanlgoto nauá'maq ỹalamaxarete' ỹaalqa?

Génesis 39:2

Qam ñi qara'gaxala' liỹaatac so José, ca' sqaica canchaqaica na' ñaqai hueeta'ñi yi la'a' so na'co' Egipto le'ec.

Génesis 39:21

qaiyiita ñi qara'gaxala' na'deeta'guit so José, ichoxotetac da lqouagaxa. Ca ỹo'uet quiyim qanqo'ta queso lashi añi ncoñiitaxanaxaqui.

Génesis 39:23

Ca só'maq lashi añi ncoñiitaxanaxaqui tot ỹouen quiyim liỹa ỹa'ajan ná'maq mashic leloxoiqateguesec so José. Ma' ñi qara'gaxala' na'deeta'guit so'maxare, ca ỹa'ue quiyim ỹa'maqachiguiñi ná'ogue ná'maq ỹo'uet so'maxare.

2 Reyes 18:7

Ca' vichiguiño' ñi qara'gaxala' ỹaatqajam qoshiiteguelec so'maxare ỹotauantac, ca ipaquichiguilo nqai'en nauá'maq ỹo'ueete'. Ca' so Ezequías ca'e so lashi na Asiria laseripi, tot nomatalta' quiyim na'xaỹaxana so'maxare.

Nehemías 2:20

Qam ỹim shinac na'le quesaua'maxare: —Ñi qota'olec queda piguim ỹo'uet ma'le quiyim somataq, ma' qomi' lelaatqa. Ca so'ueenataxanaq, ca' qamiri sqa 'iỹapegueu'a na Jerusalén. (3.1-32 Qaneuagaxachigui da no'ueenataxanaxac na' qano'xonshiguim so nquepaqataxanaxat.)

Salmos 1:3

Cajo qom 'ec aca qo'paq neeto'ot na lahi aca lachiugue, ca' se napacalec yi laloqo' quiyim 'ue aca la chaqai se ỹaso ana laue. ¡Chaqai quená'ogue ná'maq ỹo'uet ỹaatqajam ỹa'maqachiguiñi!

Mateo 5:16

Ca' chaqaida 'neeta nqai'ñii da no'ueenataxaguii, ỹaatqajam ỹaviquetauguilo nqai'ñii' naua rcoỹeraxanaxaquillii, qaiyi coỹarelec na qomyipi, qaiyi na'maxare iuana ma'le dá'maq 'viichitac ỹa'maqachiguiñi, qaiyi na'maxare imaqachin ma'le ñi qota'olec ñí'maq viilec neeto'ot na piguim.

1 Corintios 16:2

Ca quena' ỹovire'oga ca 'auaxaic na'xa'a cayi semana, ca' quiñi 'óna caqamiri ỹa'ue aca ỹoỹoote'oga cacá'maq chi nalootau'a. Ca' ỹa'maxat, qaiyi se qaỹo'uet quiyim 'ue aca qalapon notaanaxanqate ma' sovitalo qamiri.

Josué 1:9

Ỹim ná'maq selachi' quiyim na'ñaxachi' chaqai se ileuapigui qavilli'. Se ro'chi'i' chaqai se reualliriñi, ma' ỹim ra'gaxalachi' qota'olec caqami', ca ỹim ñauequeta'pegue' qami' quecanchaqa 'itegue.

Apocalipsis 3:9

Vichiguiño' ỹim ỹa'dooto nqaishine' aqami' naua le'cootal ná'maq queeta'pegue' so na'ỹaapec, ná'maq 'maatqaiquipi ná'maq 'naac judío laseripi qam sqai llic, qaiyi na'maxare ỹa'den ma'le quiyim se'xoriñi'.

1 Samuel 18:14

Ca ma' qaỹotauantac so David quiñi qara'gaxala', ca' ỹaatqajam 'ue nqai 'negue quená'ogue ná'maq ỹo'uet.

1 Samuel 3:19

Ca' so Samuel noquiiquetashiguim da ladogaxa, ca' ñi qara'gaxala' ỹaatqajam ỹotauan so'maxare, chaqai ipaquichiguilo nqai'ne' naua la'qaatqa.