Génesis 39:2 - La'qaatqa ñi qota'olec Qota'olec & Qota'olec Novita Na Qomyipi

² Qam ñi qara'gaxala' liỹaatac so José, ca' sqaica canchaqaica na' ñaqai hueeta'ñi yi la'a' so na'co' Egipto le'ec.

Génesis 39:2 Iomraidhean Croise

Génesis 21:20

Ca' ñi qota'olec ỹotauantac so ne'nec, ca so'maxare nqo'neetashiguim da llaqtaxac quiyi neetalec 'laua qaica qom leenaxat Parán. Ca' chi ỹovireta'a quiyim ỹaatqajam 'ichqaic quena' rahinaxana ana no'xoso. Ca co'na' ncopa, ca' aso late'e ỹo'naxañiguit aso 'aalo Egipto lase.

Génesis 21:22

Ca' quesauajo na'xata', na' so Abimelec quepegue' ỹahotaque quiyim retaxaỹa'pegue' so Abraham, liỹaatac so Ficol, lashi so nalliripi. Ca' so Abimelec 'naaco' queso Abraham: —Qomi' seuanaxa quiyim ñi qota'olec ỹotauantac qami' quená'ogue ná'maq 'viichi'sac.

Génesis 26:24

Ca' queso pe, ca qanachaxana so'maxare quiñi qara'gaxala'. Ca 'naaco': Ỹim ná'maq ỹim qota'olec queso qataa'i' Abraham. Qaica ro'chiraque; ma' qami' iỹaatac. Ma' chicqochigui nqaishin so ilaatec Abraham, ca 'xoic da iqouagaxa ma'le caqami', chaqai 'xoic nqaishin ca qachaalaxai'pi.

Génesis 26:28

Ca saua'maxare 'neraco': —Seuanaxa quiyim ñi qara'gaxala' liỹaatac qami', ca 'ue da qana'deenaxac quiyim ña'deenaxa'e' qami'. Ca dá'maq qana'deenaxac ma'le 'neetasa':

Génesis 28:15

Ca' ỹim iỹaatac qami' scochi'sapegaxaua' quecanchaqai 'itegue, chaqai yapilaxata qami' ma'le najo 'laua. Se salachi'sac chaqai somachichigui dá'maq sachaxantac quiyim saanem qami'.

Génesis 39:23

Ca só'maq lashi añi ncoñiitaxanaxaqui tot ỹouen quiyim liỹa ỹa'ajan ná'maq mashic leloxoiqateguesec so José. Ma' ñi qara'gaxala' na'deeta'guit so'maxare, ca ỹa'ue quiyim ỹa'maqachiguiñi ná'ogue ná'maq ỹo'uet so'maxare.

Génesis 39:3

So na'co' retan quiyim so José na'deeta'guit ñi qara'gaxala', vichiguiño' quecá'maq ỹo'uet so José, qam ỹa'maqachiguiñi.

2 Reyes 18:7

Ca' vichiguiño' ñi qara'gaxala' ỹaatqajam qoshiiteguelec so'maxare ỹotauantac, ca ipaquichiguilo nqai'en nauá'maq ỹo'ueete'. Ca' so Ezequías ca'e so lashi na Asiria laseripi, tot nomatalta' quiyim na'xaỹaxana so'maxare.

Salmos 1:3

Cajo qom 'ec aca qo'paq neeto'ot na lahi aca lachiugue, ca' se napacalec yi laloqo' quiyim 'ue aca la chaqai se ỹaso ana laue. ¡Chaqai quená'ogue ná'maq ỹo'uet ỹaatqajam ỹa'maqachiguiñi!

Salmos 46:11

¡Ñi qara'gaxala' ñí'maq qaica ca lqalanec ỹalequetauguilo qomi'! ¡Ñi qota'olec queso Jacob chaqaiñi ñi quepaqataxanteguelgoto qomi'!

Salmos 46:7

¡Ñi qara'gaxala' ñí'maq qaica ca lqalanec ỹalequetauguilo qomi'! ¡Ñi qota'olec queso Jacob chaqaiñi ñi quepaqataxanteguelgoto qomi'!

Salmos 91:15

Ma' roỹaxanaque aỹim, ca' sasaachiguit; ¡ca chaqaỹim ná'maq iỹaatac ma'le! Ñaqata'a quenaua le'xoyaxaco, ca so'uet quiyim 'xoic na imaqachin;

Isaías 41:10

Totaxan ro'chi'i', ma' qami' iỹaatac; se ro'chi'i', ma' ỹim qota'olec caqami'. Ỹim sa'ue ca rquesaxanaxa'e', ỹim sotauañi', ỹim ñolliitañi qami' queda iqai'laxat huegaxanaxai.

Isaías 43:2

No'm quiriñigui ca huaxaỹaq, ỹim iỹaatac qami', loqo'm quiyim paquira'ta aca lachiugue, sqai homirac; loqo'm quiyim quiichiriñigui ca norec, qam se raviqui', qaica ca 'negue na lauaq caqami'.

Jeremías 15:20

Ỹim so'uet ma'le quiyim quenajo qomyipi 'ñiisari' ca nquepaqataxanaxat bronce qaican que'guenalec. Qoyiga'a qami' quiyim qanalauate'e', qam se qarishichi', ma' ỹim sento'ot aqami' quiyim ñca'laxachirec chaqai so'ootaxanlec qami'. Ỹim ná'maq ỹim na'gaxala', saanec dajo ỹa'qaatec.

Mateo 1:23

Aca nequetegaxai saqa' 'on, qam 'manaxai ma'le, ca' 'ue ca llaalec. Qam ca'maxare leenaxato' ma'le Emanuel. Ca' dajo 'naac: Ñi qota'olec ỹalequetauguilo qomi'.

Hechos 8:31

Ca' só'maq ỹale 'naaco': —¿Negue' quet cá'maq 'neeta quiyim sa'den, no'm qaica ca yapaxaguin? Ca ỹashiila so Felipe quiyim renojshiguim, huaqate'e' so'maxare.

1 Timoteo 6:1

Quená'maq nelaatqaipi se ishit quiyim se na'xaỹaxana ca na'co', qaiyi qaica ca qaỹa'xat se no'uen queda leenaxat ñi qota'a chaqai quedá'maq sapaxaguinataxanqata'pegue.

Josué 1:5

Qaica ca ishit quiyim loxonec qami' quiyim ñaq rca'lli'sauec, ca ỹim iỹaatac qami' ma'le dá'maq shinta'gue na'le queso Moisés. Se salachi'sac chaqai qaica ma' shique'e quet qami'.

Josué 1:9

Ỹim ná'maq selachi' quiyim na'ñaxachi' chaqai se ileuapigui qavilli'. Se ro'chi'i' chaqai se reualliriñi, ma' ỹim ra'gaxalachi' qota'olec caqami', ca ỹim ñauequeta'pegue' qami' quecanchaqa 'itegue.

1 Samuel 16:18

Ca 'uo' so 'óna quesaua'maxare 'naaco': —'Ue ca seuana quecaua llaalqa ca Isaí na'ñi yi Belén ỹaatqajam ỹa'den ana liviigue, chaqai nalauataxai 'ñaaxaic lauel, chaqai ỹa'den da letaxaỹaxac, chaqai 'maxaraic da no'ueenataxac, chaqai qaỹotauantac quiñi qara'gaxala'.

1 Samuel 18:14

Ca ma' qaỹotauantac so David quiñi qara'gaxala', ca' ỹaatqajam 'ue nqai 'negue quená'ogue ná'maq ỹo'uet.

1 Samuel 3:19

Ca' so Samuel noquiiquetashiguim da ladogaxa, ca' ñi qara'gaxala' ỹaatqajam ỹotauan so'maxare, chaqai ipaquichiguilo nqai'ne' naua la'qaatqa.