Génesis 39:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ ca roỹaxane'oga so lelaatqaipi quiyi la'a', ca 'naaco': —Ñaqai 'ajñii, so ỹoua nauego so hebreo le'ec quena qara'a'. Ca' nagui, ca' qare'naari'. Ma' so'maxare inoxonau'a aỹim, ca' sham yocaat, qam ỹaatqajam ñitenegue quiyim yaualaq.

Génesis 39:14 Iomraidhean Croise

Génesis 10:21

So Sem só'maq lopiichi so Jafet qai'neeta 'ue so llaalqaipi. Sá'ogue so llaalqaipi so Heber chaqaiso só'maq chigoxougui so Sem.

Génesis 14:13

Qam 'uo' so ỹale ñitec, ca eec quepegue' so hebreo le'ec, leenaxat Abram, neeta'ñi yi 'xoic ana qo'paq leenaxat encina, lalamaxaret so Mamre, so amorreo le'ec. So Mamre lqaỹo' so Escol chaqai Aner, ca saua'maxare chi lotaua' so Abram.

Génesis 39:13

Ca aso'maxare co'na' ỹa'den inoxonec, qam no'ueenaqtetauo so lapo',

Génesis 39:15

Ca na' 'xaỹa quiyim ỹaatqajam ñitenegue da ỹaualaxac, ca 'eet, ta'oguiyi, ca vire'ta na lapo' no'ueenaqtañi.

Génesis 39:17

Ca co'na' noviro so loua, ca lotqai ra'qaataxana, 'naaco': —So qara'ac hebreo le'ec inoxonau'a aỹim quiñi 'imec, ca sham yocaat.

Génesis 39:7

Ca co'na' mashic shi'gom neeta'anyi, ca asó'maq loua so na'co' ỹaatqajam nqo'to' so José. Ca 'uo' so na'xa'a, ca isecna'a, 'naaco': —Sahoqe qaranatec.

Génesis 40:15

Ma' chaqaỹim nocataxat quiyi qana'laua qomi' hebreo laseripi. Ca' sqa saiguit quiyim sentaugui ana ncoñiitaxanaxaqui, ma' sqaica quet cá'maq so'uet se ỹa'maxañi.

Mateo 26:59

So lashillipi na netaxaỹaxanqajanqaipi chaqai so lqo'xonqaipi na judioipi chaqai sá'ogue só'maq nashillipi ỹo'ueetegueñi na leloxoỹaxaquipi, idaantaque ca la'maqa' quiyim ỹo'uet ca lasauaxaset so Jesús, 'eno'm sqai llic, qaiyi qoỹaañiguit ca lelauaxa.

Mateo 5:11

Ỹaatqajam chalego la'maxa caqamiri, ma' qaishiuenta'pe, chaqai se qaỹa'maxata'que qamiri quena qomyipi, chaqai ma' qaiỹoxolgoto qamiri quena se no'uen qaro'maqajñitac, sovitapigui quiyim viilec aỹim.

Lucas 23:2

Ca' quiyi, ca qaỹa'uo' na qaimaxalec, qohinac quiyim lasauaxaset, ca qohinac: —Qomi' seuanqajlec dajo ỹale quiyim ỹaatqajam se i'maxañi nqai'en na qouo' laseripi. Chaqai 'neetapega quiyim se seshiuetenaq ñi lashi na nashillipi neeta'ñi yi Roma, chaqai 'naac quiyim chaqaida dá'maq nashi nca'laxaqui.

2 Corintios 6:8

'Ue quen yi na'xa'a qaimaqachinta'pe qomi', chaqai 'ue quen yi na'xa'a se qaichira'pe qomi', chaqai 'ue quen yi na'xa'a 'maxaraic da qana'qaataxac, chaqai 'ue quen yi na'xa'a se no'uen da qohinac coqomi'. 'Ue quen 'ec qomi' 'maatqaqa nqohine', chaqai 'ue quen quiyim 'ec lliqueta nqohin dá'maq sa'xatqatac.

1 Pedro 2:20

Ma' no'm qamiri 'ue ca 'viichii se no'uen, ca' chaqaica ca ñiichigui quiyim qaỹo'uet ca nouaxanaxashichii, ca' sqaica quet cá'maq 'negue quiyim na'ñaxachiita'piguit. Qam no'm 'ue ca re'xoriguii quiyim 'viichitac cá'maq ỹa'maqachiguiñi, ca' na'ñaxachiguit, ca' dá maxasa' ỹaatqajam ỹa'maxarenta ñi qota'a.