Génesis 39:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca aso'maxare ỹaconaho', nolliisañi saua loho. Ca 'naaco': —Ñinanaxañi, sahoqe qaranatec. Qam so'maxare 'eet, no'ueenaqtetañi so lapo' caso'maxare.

Génesis 39:12 Iomraidhean Croise

Génesis 39:10

Qam aso'maxare ỹaatqajam 'ue da lepagaxallic queso José quenaua'que naua na'xata' quiyim viguit aso'maxare chaqai quiyim huaqate'e', qam so José se na'xaỹaxana.

Génesis 39:11

Ca 'uo' so na'xa'a, ca' so José inoxonougui so 'imec quiyim ỹo'uet so lo'ueenatec. Qam qaico' na'le ca hua'anyi.

Génesis 39:13

Ca aso'maxare co'na' ỹa'den inoxonec, qam no'ueenaqtetauo so lapo',

Génesis 39:8

Qam so José se na'xaỹaxan, ca 'naaco' caso'maxare: —'Ajñi', so ña'co' pataxailec ná'ogue na louenqaipi. Ca' quiyim aỹim senta'ñi najo, ca ñi'maxare tot qaica ca hueetapigui lauel.

Proverbios 1:15

¡Qami' ỹaalcolec, totaxan riỹa'isegueñi quenaua llico na'maxare! Totaxan quire'ueguelo naua'maxare,

1 Corintios 15:33

Sqai 'xañiigue quiyim 'ue ca nayinaxaguii. 'Nejem da 'neeta da na'qaatec: “Ca qom se no'uen ishit na'axat ca no'uen no'ueenataxac ca liỹa.”

2 Timoteo 2:22

'Iichirapeguem na lqo'itaxanqachic na nocchishic. Quiisalco' da lalamaxa da chaalataxac queda npi'ỹaxac, chaqai da ne'xorenataxanaxa chaqai da neuagaxa, 'neeta ná'maq ỹaatqajam co'teeta añi le'taxanata, roỹaxantacot da leenaxat so qara'gaxala' Jesús quena' nqouagaxain.

1 Pedro 2:11

Qamiri ỹaqaỹarolqa, ñi'xoresentouguilo qamiri, 'ec ỹoqa'a ca chigoxoỹa'gue nqaishin, quiyim sqai quii'uegue da se no'uen lamaanaxanqachic na roshicmaxahi, ma' na'maxare nco'uaata'pegue' da nachaalataxaguii.

1 Samuel 15:27

Ca' so Samuel naqalgoxoñi quiyim eec, qam so Saúl ỹacona'gue na lahi so napoxoqui, ca' ỹasectaqta'gue.