Génesis 38:9 - La'qaatqa ñi qota'olec Qota'olec & Qota'olec Novita Na Qomyipi

⁹ Qam so Onán ỹa'den quiyim ne'qaañi ca llaalec, ca 'ec se lalamaxaret llaalec. Ca' vichiguiño' quena' viguit aso pa'ỹe ỹahotaque ca la'maqa' quiyim sqai 'man aso'maxare, qaiyi cá'maq lqaỹa qaca aca llaqtaxai chicqaugui so'maxare.

Génesis 38:9 Iomraidhean Croise

Génesis 38:10

Ca' ñi qara'gaxala' se nqo'ta qai'neeta dá'maq 'neetari' so Onán, ca' qai'neeta icona da nachaalataxac.

Job 5:2

Nañaañichiguit da nqui'ic loqo'm da ne'xoric, da'maxare ỹaatqajam qaica ca 'negue, qam ỹaueca'a qami' da nelauaxa.

Deuteronomio 25:5

Ca no'm 'vii caua dos nqaỹa' quiyim cá'ogue ca la'aate', ca' quiyim 'óna ca ileu quecaua'maxare, qam saqa'leca llaalec, ca' acá'maq pa'ỹe sqai ỹoqa'a ca loua quiyim 'on. Ta'ta'a quiyim chi reloqo'chiguit cá'maq lqaỹa cá'maq loua sou, ca' ipaquichigui nqai'en dá'maq leloxoỹaxac ca ni'ỹoxoua.

Deuteronomio 25:6

Ca cá'maq 'auaxaic llaalec ne'qaañi, ca ỹanegue da leenaxat cá'maq lqaỹa sou, qaiyi sqai pal ca leenaxat quena Israel.

Tito 3:3

Ma' qomi' qai'neete' quesom qaica ca sa'deenaq, ca' se ña'xaỹaxanaxalo naua la'qaatqa ñi qota'a. So'maqatajlec chaqai qolqata'pegue' da qarqo'itaxanqachic chaqai da qaramaanaxanqachic. Seuqataugui da se no'uen chaqai da npa'guenaxanaxa. Qomi' noquiiqate' chaqai chi ñoquiaaqata'ta'.

Santiago 3:14

Qam no'm 'ue caqamiri ca hueetagui añi le'taxanata ca lauelgaxanaxac chaqai quiyim 'ue ca naquitetaque, ca sqa taiguit quiyim nemaqajan queda la'deenaxanaxa, ma' no'm 'neetari' dajo, ca chi rayinaxantac chaqai se icoñiguit dá'maq lliqueta.

Santiago 3:16

Ma' cá'maq hueeta'ñi ca npa'guenaxanaxa chaqai cá'maq 'ue ca naquitetaque, ca' chaqaica hua'ñi ná'ogue na se no'uen, chaqai qaica ca na'maxa.

Santiago 4:5

'Uo' ca 'neeta, vichiguiño' yaua naneresañi na'qaatqa 'nerac: “So Espíritu Santo só'maq ñi qota'a ỹanauguilo qomi', so'maxare nqo'talo chaqai ỹauoteguelo qomi'.”

Rut 1:11

Ca' so Noemí lotqai 'naaco': —¡Pilliuo quet, qamiri ỹaalole! ¿Negue' quet cá'maq 'neeta quiyim viitaque quiigue aỹim? Ma' ỹim nagui, ca' tot qaica ca ỹaalec quiyim o'ñiiguita quet qamiri.

Rut 4:10

Chaqai qai'neeta 'yiiñichigui quiyim aỹim secona aso Rut quiyim ỹoua, só'maq pa'ỹe Moab lase, qaiyi yijo 'laua chaqai 'neetari' hueetalec leenaxat so Mahlón só'maq loua shi'gue sou, qaiyi sqai pal da leenaxat so Mahlón quená'ogue ná'maq qouo' laseripi chaqai quená'ogue ná'maq na'ñi najo. Qam qamiri 'yiiñichigui aỹim quenajo na'xa'a.