Génesis 38:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Ca co'na' mashic ỹovirerec saua tres shiriguiri, ca 'uo' so la'xaỹaxac so Judá. Qohinaco': —Añi rachi'i' Tamar 'uo' ca lapaatapi'ñi' liỹa ỹale, ca' nagui 'manaxai. Ca' so Judá ỹaualaq, ca 'naaco': —Vigue'oguiyi, ca' copachiu'a.

Génesis 38:24 Iomraidhean Croise

Génesis 20:3

Qam queso pe so Abimelec 'uo' so le'guemataxac quiyim qohinapego' quiñi qota'olec: Rillivi' ma'le, ma' ñí'maq 'aalo coñita 'ue loua.

Génesis 20:7

Qam nagui pilaxachireco' añi loua cajo ỹale, ma' ñi'maxare ỹa'qaataxanqajnec, qaiyi nqouagaxainlec qami' ñi'maxare, qaiyi rca'llirec. Qam no'm sqo pilaxachirec, ca qami' chaqai ná'ogue ná'maq neeta'ñi najo ileu ma'le.

Génesis 20:9

Co'na' ime, ca' so nashi Abimelec roỹaxane'oga so Abraham. Ca 'naaco': —¡'Ajñi' dá'maq 'ñiteteguelo qomi'! ¿Negue' cá'maq se ỹa'maxañi shine'tegue qami', quiyim taalec nqai'ñi' aỹim chaqai ná'ogue na ñalliripi da chalego lecaic nasauaxaset?

Génesis 34:31

Qam saua'maxare 'neraco': —Ca' ¿ỹa'maqachiguiño' quiyim so'maxare 'neeta'gue quiyim 'ec aca nanatqa lo'o' añi qarqaỹa?

Génesis 38:23

Ca 'naaco' so Judá: —Hua', ca chaqai hueeto'oto' caua ỹouenqa aca'maxare, qaiyi qaica cá'maq i'neeta'pe qomi', qam qaiyi qaỹa'deenta quiyim aỹim mashic sela' so quetaq, qam qami' sqa nachita.

2 Samuel 12:5

Ca' so David ỹaatqajam ro'o' na'le quedá'maq 'neeto' na'le so ỹale. Ca 'naaco' queso Natán: —¡Ỹim saanec da ỹa'qaatec, 'qaachigui ñi qota'olec, quiyim cajo ỹale ỹo'ueeto' na'le dajo ỹa'maqachiguiñi qaỹalauat!

2 Samuel 12:7

Co'na'le, ca 'naaco' so Natán: —¡Sojo ỹale, chaqaiqami'! Ca' dajo dá'maq la'qaatec ñi qara'gaxala' ñí'maq qota'olec quena Israel: Ỹim ñca'au'a quiyim qami' lashi na llaalqaipi so Israel chaqai ñca'laxatec qami' na'le queso nashi Saúl;

Jeremías 3:6

Quesaua na'xata' na' nashi so Josías, ca 'naac ñi qara'gaxala' caỹim: —¿Huañita dá'maq 'neetari' ana npa'guenaxai Israel? Eec quelec da nedequenaxac quenaua'que naua quemarelgoto chaqai cana qo'paq 'oochaxarai.

Jeremías 3:8

chaqai iuana qai'neeta quiyim ỹim salat aso npa'guenaxai Israel, chaqaida da nedequenaxac sougui. Qam añi Judá ñí'maq se na'maxat lqaỹa añi Israel, se no'chi, lama'xa que'uegue da nedequenaxac.

Ezequiel 16:15

Qam neta'iseguelec dá'maq royaaqui', ca' nquipichira'pegue' dá'maq richoxoriqui', ca vire'ta na' vichirau'a quiyim qami' nanatqa lo'o', ca 'ỹaañirec na roshicmaxa'e' quená'ogue ná'maq ỹovira'a qami'.

Ezequiel 16:25

Ca' quena lqodoco na nayic, ca 'viichi' naua lomaate' da qatoiqui'. Ca' quedá'maq royaaqui', ca' ñigui nqai'ñi' quiyim se yqo'ta da no'ueenataxaqui', ma' ỹaxañisalec na roshicmaxa'e' quená'ogue ná'maq ỹoviro, ca' ỹaatqajam se neme da nedequenaxaqui'.

Ezequiel 16:26

'Au niyiquiñichiguit na ra'aayaxaua'e' Egipto laseripi nedequenaxairipi, ca 'viichi' quiyim so'o, ma' mashic tot neme da nedequenaxaqui'.

Ezequiel 16:28

Qam se ỹa'maxagui qavilli' quedajo, ca' niyiquiñichiguit na Asiria laseripi. Qam qaiyiita se ỹa'maxagui na qavilli'.

Ezequiel 16:41

Ca' qaicopata'a ma'le ca qauochi', ca' qaỹo'uet ma'le ca nouaxanaxashichi', qaỹa'ajnaxanaxantac ca 'xoic 'aallipi. Ca' lqodoc nqaishin da nedequenaxaqui', ca' totqai shivichiñi' ná'maq qami' lqo'itqate.

Oseas 2:5

Aso late'e nedequen; na'laxatañi quiyim qaimaqachin na' 'naac: Ỹim shic, sedaanaque cá'maq nqo'ta aỹim, cá'maq nañaañim ca noq pan chaqai ca ỹaquip huaxaỹaq, ca qagreta laue chaqai ca lino, ca aceite chaqai ca ñi'taxat lataxa.

Oseas 3:3

Ca ma'le, ca' shinac: Ỹaatqajam shi'gom qami' ỹalamaxarete ma'le; totaxan niyiquiñi' chaqai se nañaañichiguit ca liỹa ỹale, chaqai ỹim qai'neeta saqamaxateta qami'.

Romanos 14:22

Da rpi'ỹaxaqui' vi'saxauot quiyim 'viichi'sac ná'ogue najo, 'maxachitetegue caqami' chaqai quiñi qota'a. Ma' ¡chalego la'maxa ca qom no'm 'ue ca ỹa'maxarenta, ca sqai pilac quiyim 'ec se ỹa'maxagui na lauel!

Deuteronomio 24:16

Ná'maq neta'allipi quená'maq 'ue na llaalec se pa'aauec nqohin quiyim qaỹalauat quiyim 'ue ca lasauaxaset ca llaalec, chaqai cá'maq ñaalec se pa'a'guit ca lelauaxa nqohin sauaxat ca lasauaxaset ca leta'a. Ta'ta'a quiyim quiñi 'óna ileualec nqohin cá'maq chi lasauaxaset.