Génesis 37:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ca' saua lqaỹa' 'neraco': —¡Ca' quedajo, ca 'ñirac quiyim qami' qarashi ma'le, ca' 'viiquiñisa'pe qomi' ma'le! Ca co'na'le, ca' paguec qanoquii'a queso le'guemataxac chaqai quedá'maq 'neeto' na' ỹa'xat.

Génesis 37:8 Iomraidhean Croise

Génesis 27:41

Ca' queco'na'le, ca' so Esaú noquii'a so Jacob sauaxat da nqouagaxa qoỹaanem queso leta'a. Ca ra'deenataxantac, ca 'naaco': Mashic tot qaỹaloq ime ñi qareta'a, ca ma' ỹovita da lqodoc. Ca ma'le, ca' salauat ñi ỹaqaỹa Jacob.

Génesis 37:4

Qam saua lqaỹa' co'na' retane' quiyim só'maq leta'a' paguec nqo'ta quesaua'que saua'maxare, ca' qanoquii'a chaqai vire'ta tot qaiquin.

Génesis 37:9

Ca co'na' ime, ca' so José lotqai 'uo' so liỹa le'guemataxac. Ca lotqai ra'qaataxanalo' saua lqaỹa', 'naaco': —'Yiiñii lotqai 'ue so liỹa ỹi'guemataxac, ca queso'maxare, ca ya'iita'a añi ra'aasa chaqai ñi shiraigo chaqai saua once huaqajñi huaqaishiguim caỹim, ca' nqouagaxaintot aỹim.

Génesis 42:10

Ca' saua'maxare 'neraco': —¡'E', qami' qara'gaxala'! Qomi' relaataxahi', qomi' ñanaguinaq, qam chi seshiujnaxanqataque na trigo.

Génesis 44:18

Co'na'le, ca' so Judá nqo'not so José, ca 'naaco': —Ỹim ñi'xoresene'tot, qami' qara'gaxala', quiyim 'maxariñi' 'ue ca sa'xat caqami' ñimoote'tot. Qam qouaquiric, sqai 'o'iriua', ma' qami' chaqai 'ec 'ñiisari' ñí'maq Faraón.

Génesis 49:26

Na qataa'i' ỹapacauec nqai'en ca lqouagaxanaxat caqami' quedá'maq lqouagaqa' saua ita'al caỹim. Napaqueralec ca lqodoc naua quemaralgoto qa' ladocai 'ec qaica ca lqodoc nauajo qouagaxaco hueetalgoto ma'le na lqahic da José, dá'maq qanca'au'a na'le quena lqaỹaripi.

Génesis 50:18

Co'na'le, ca ỹovirero sauá'maq lalamaxarete' lqaỹa', ca ỹa'chi'iñi naua le'cootal, ỹoviraqta'guita naua lataapi' na 'laua. Ca 'neraco': —'Viiquiñisa'pe nagui qomi', qomi' relaataxahi'.

Salmos 118:22

Só'maq qa' lañijnec na 'imec lo'ollipi, ca' chaqaiso só'maq 'auaxaic qailliguiñi caso lasogue so 'imec.

Éxodo 2:14

Ca só'maq hebreo le'ec 'naaco': —¿Negue' cá'maq ỹanagui qami' quiyim qarelachi', chaqai quiyim 'ñirapegalo qomi' queca ỹa'maqachiguiñi chaqai queca se ỹa'maxañi? ¿Loqo'm vi'saque quiyim yalauachi', 'ñitetegue aỹim dá'maq 'ñitetegue na' lauachi' so Egipto le'ec? Ca co'na' 'xaỹa dajo so Moisés, ca' 'ue da lqolonaxa, ma' retano' quiyim mashic qaỹa'den quiyim ỹalauat so Egipto le'ec.

Lucas 19:14

Qam so qomyipi chi la'a' sojo 'laua ỹaatqajam ro'ỹa so'maxare. Ca' qaỹa'vio' saua qailate' coỹaresalec so'maxare quiyim qohinac: “Qomi' se sa'maxarenaq quiyim qarashi najo ỹale.”

Lucas 20:17

Qam so Jesús ra'ỹaugui so qomyipi, ca 'naaco': —¿Negue' ca reloqo'tegue yi naneretañi la'qaatec ñi qota'olec? Ma' 'naac: So qa' lañijnec ná'maq ỹo'ueetac na 'imec, ca chaqaica ca ỹovira'a quiyim ra'ñichiguiñi nqai'en ca 'imec.

Hechos 7:35

Qam saua'maxare shi'co' se ỹa'maxarene' so Moisés co'na' qohinapega: “¿Nega'ỹo' ca ỹanagui quiyim qami' qarashi chaqai quiyim michiraque ca qarasauaxaset?” Qam ñaqaiyiita ñi qota'olec ila' quiyim nashi chaqai quiyim ỹosouec so lauo' Israel laseripi, chaqai viichigui nqai'en co'na' nachaxan nqai'en so lelaatec chicqashiguim 'maqatougui aso qo'paqo'lli'.

Hebreos 10:29

Ca ¡huose'quet sqai hueetapigui qavillii quiyim paguec lecaic ca nouaxanaxaset cá'maq 'eco' co'ueetapigui so llaalec ñi qota'a, chaqai liỹoqa'piguita saua leuo', chaqai quiyim ishiuentac so ne'Espíritu ñi qota'a ñí'maq re'xorenataxantac! Sauajo neuo' chaqaisaua sauá'maq i'taxachiriñi da 'maqataxac, chaqai chicqochiguilo quiyim co'teete' nqohine' saua'maxare.

1 Samuel 10:27

Qam sqoue ná'maq se no'viiñi naua la'qaatqa queso qomyipi. Ca 'naaco': —¿Ca chaqaido' dajo dá'maq qarca'laxatec ma'le? Ca' qaỹañijintac chaqai se qaimaqachin. Qam so Saúl se na'xaỹaxana dajo queso qomyipi.

1 Samuel 17:28

Qam so Eliab só'maq lopiichi so David, co'na' 'xaỹa na' retaqatecto saua ỹale', ro'ỹa so'maxare. Ca 'naaco': —¿Negue' cá'maq naquito' quenajo? ¿Negue' cá'maq reloxoỹa'o' nqai'ñi' ca qagretaipi quiyi 'laua qaica qom? Ỹim sa'den dá'maq 'neeta dá'maq renataxanaxaqui' chaqai dá'maq ra'deenataxanaxaqui' se no'uen, ma' naqui', qam chaqai vi'saque 'ajñi' na lauataq.

1 Samuel 18:8

Ca' quedajo, ca' se ỹa'maxagui lauel nqai'en so Saúl. Ca co'na' ro'o, ca 'naaco': —So David imaalec nqohin quiyim ỹalauat so diez mil qomyipi, qam caỹim, ca qaisauate' saua mil. Ca ¡saqa'leca cocho'qui', ca' qoỹano nashi!