Génesis 37:7 - La'qaatqa ñi qota'olec Qota'olec & Qota'olec Novita Na Qomyipi

⁷ Se'guematetapega quiyim qomá'ogue seuqatalec yi no'ueenaxa, sahoqotaque ana qarcoñiita quena trigo. Ca' chi qaiuane'ta aso ỹaqata nachajñi ỹalamqachiguiñi. Qam saua rcoñitahi lapoorau'a aso icoñiita. Ime, ca' qanqouagaxainot.

Génesis 37:7 Iomraidhean Croise

Génesis 27:29

Chaqai 'xoic ca qomyipi ro'ueenataxanot qami' ma'le; chaqai na ỹoreta'oguit qomyipi ỹa'dooto qami' ma'le naua le'cootal. Ca 'viiquiñi'sac ma'le na rqaỹachi'ipi; ¡chaqai ỹa'dooto qami' naua le'cootal! Cá'maq ishiuen qami', ca' qaỹa'ue ca nouaxanaxaset, qam cá'maq re'xoriñi', ca' qai'xoren.

Génesis 37:6

Ma' 'naaco' quesaua'maxare: —Ñaq na'xaỹaxañii'ta, ñaq sa'xat da ỹi'guemataxac.

Génesis 42:6

Ca' so José só'maq idaanteguelec yijo 'laua, ca' chaqaiso só'maq imeentac na trigo quena qomyipi chicqote'ogalo ỹoviretapego. Ca co'na' ỹoviro so lqaỹaripi, ca' ỹa'dooto naua le'cootal, ỹoviraqta'guita naua lataapi' na 'laua.

Génesis 42:9

Co'na'le, ca' so José no'uenco' so le'guemataxac taỹauguilo saua'maxare. Ca 'naaco': —Qamiri chaqaiqamiri na'ajnaxanqajanqa, ca chi na'ajnaxañiỹa najo 'laua negue' cá'maq paguec hua'ñi quiyim qaica ca lquesaxanaxa.

Génesis 43:26

Ca co'na' so José ỹoviro quiyi la'a', ca saua'maxare ỹaane' so ne'xatete' lachitaxanataxanaxate'. Ime, ca ỹa'chi'iñi naua le'cootal, ỹoviraqta'guita naua lataapi' na 'laua.

Génesis 43:28

Ca' saua'maxare liỹa ỹa'chi'iñi naua le'cootal, ca 'neraco': —Ñi qareta'a ñí'maq relaachiqui' ỹa'maqachiguiñi, ñaqa 'ue.

Génesis 44:14

Ca co'na' so Judá chaqai saua lqaỹa' ỹovirera'a yi la'a' so José, ca so'maxare ñaqai neeta'anyi. Ca ỹa'chi'iñi naua le'cootal, ỹoviraqtera'guit naua lataapi' na 'laua.

Génesis 44:18

Co'na'le, ca' so Judá nqo'not so José, ca 'naaco': —Ỹim ñi'xoresene'tot, qami' qara'gaxala', quiyim 'maxariñi' 'ue ca sa'xat caqami' ñimoote'tot. Qam qouaquiric, sqai 'o'iriua', ma' qami' chaqai 'ec 'ñiisari' ñí'maq Faraón.

Génesis 44:19

Qami' na'le qarenachi' quiyim 'ue ca qareta'a, loqo'm ca liỹa qarqaỹa.

Génesis 50:18

Co'na'le, ca ỹovirero sauá'maq lalamaxarete' lqaỹa', ca ỹa'chi'iñi naua le'cootal, ỹoviraqta'guita naua lataapi' na 'laua. Ca 'neraco': —'Viiquiñisa'pe nagui qomi', qomi' relaataxahi'.

Filipenses 2:10

qaiyi ma' qara'xaỹaque da leenaxat so Jesús, ca ỹa'chi'iñi naua le'cootal ná'ogue na hueeto'ot na piguim, chaqai quena 'laua, chaqai na pa'aatañi quena 'laua,

Colosenses 1:18

Qai'neeta chaqaiso so Cristo só'maq lqahic na noshicmaxa, ca na'maxare chaqaina ná'maq mashic icoñiguit da na'qaatec. So'maxare chaqaiso só'maq ỹa'ue da lca'laxa na noshicmaxa. Ma' so'maxare 'au qanca'laxatec na'le queso lelauaxa, ca' qoỹana'ñi quiyim na'gaxala' ỹapacauec quená'ogue.