Génesis 37:4 - La'qaatqa ñi qota'olec Qota'olec & Qota'olec Novita Na Qomyipi

⁴ Qam saua lqaỹa' co'na' retane' quiyim só'maq leta'a' paguec nqo'ta quesaua'que saua'maxare, ca' qanoquii'a chaqai vire'ta tot qaiquin.

Génesis 37:4 Iomraidhean Croise

Génesis 27:41

Ca' queco'na'le, ca' so Esaú noquii'a so Jacob sauaxat da nqouagaxa qoỹaanem queso leta'a. Ca ra'deenataxantac, ca 'naaco': Mashic tot qaỹaloq ime ñi qareta'a, ca ma' ỹovita da lqodoc. Ca ma'le, ca' salauat ñi ỹaqaỹa Jacob.

Génesis 37:11

Ca' saua lqaỹa' ỹaatqajam 'ue da lpa'guenaxanqa'. Qam so leta'a ỹaatqajam 'xoic da 'neeta ỹa'deentapega cá'maq 'neeto' dajo.

Génesis 37:5

Ca 'uo' so na'xa'a, ca' so José 'uo' so le'guemataxac, ca ra'qaataxanalo' saua lqaỹa'. Qam saua'maxare nqo'neuco' da loquiiqa' queso'maxare.

Génesis 4:5

Qam sqai 'ne'tegue dajo na' ra'ỹa'a so Caín chaqai aso lachitaxanataxanqate. Co'na'le, ca' ỹaatqajam ro'o so Caín, ca' ỹoqa'a na lashic.

Génesis 49:23

Na no'xoshic lo'ollipi noquii'a, ỹahintapeguec na lovic, chaqai se neme se qaỹo'daxat;

Marcos 3:25

Chaqai cá'maq chi neuo' laseripi no'm noỹojchi, ca' npa'guenta'ta', ca' da 'neetari' sqai queeta.

Tito 3:3

Ma' qomi' qai'neete' quesom qaica ca sa'deenaq, ca' se ña'xaỹaxanaxalo naua la'qaatqa ñi qota'a. So'maqatajlec chaqai qolqata'pegue' da qarqo'itaxanqachic chaqai da qaramaanaxanqachic. Seuqataugui da se no'uen chaqai da npa'guenaxanaxa. Qomi' noquiiqate' chaqai chi ñoquiaaqata'ta'.

1 Juan 2:11

Qam cá'maq ñaq noquiaatapega ca lqaỹa, hueetaugui chaqai ñaqai queetaugui na napalaxa, chaqai se ỹa'den cá'maq taigue, ma' na napalaxa se neuanñi nqai'en ca'maxare.

1 Juan 3:10

Chaqai qaỹa'den negue' cá'maq ỹaatqajam llaalec ñi qota'a chaqai negue' cá'maq llaalec so na'ỹaapec, ma' canchaqaica quiyim se ỹo'uet ca ỹa'maqachiguiñi, loqo'm quiyim se i'xoren ca lqaỹa, se lalamaxaret ñi qota'a.

1 Juan 3:12

Ca' qomi' sqai shinqata so Caín, ma' queeta'pegue' so na'ỹaapec, ca' ỹalauat so lqaỹa Abel. Qam ¿chi'neco' ma' ỹalauat? Ma' so Caín ỹo'ueetetac da se no'uen, qam so lqaỹa ỹo'ueetetac dá'maq no'uen.

1 Juan 4:20

Qam no'm 'ue ca 'naac: “Ỹim se'xoren ñi qota'a”, qam ñaq noquiaatapega ca lqaỹa, ca' ca'maxare 'maatqaic. Ma' no'm se i'xoren ca lqaỹa quiyim ra'iito'ot, ca ¿huose'quet i'xoren ñi qota'a ma' se iuana?

1 Samuel 17:28

Qam so Eliab só'maq lopiichi so David, co'na' 'xaỹa na' retaqatecto saua ỹale', ro'ỹa so'maxare. Ca 'naaco': —¿Negue' cá'maq naquito' quenajo? ¿Negue' cá'maq reloxoỹa'o' nqai'ñi' ca qagretaipi quiyi 'laua qaica qom? Ỹim sa'den dá'maq 'neeta dá'maq renataxanaxaqui' chaqai dá'maq ra'deenataxanaxaqui' se no'uen, ma' naqui', qam chaqai vi'saque 'ajñi' na lauataq.