Génesis 37:34 - La'qaatqa ñi qota'olec Qota'olec & Qota'olec Novita Na Qomyipi

³⁴ Co'na'le, ca' so Jacob nasectaqta'ahi saua loho, ca' ỹañiñi saua noho nasouaxaqui'. Ca' dajo lasouaxac so llaalec mesqai chita'gue ca ỹapalaxat.

Génesis 37:34 Iomraidhean Croise

Génesis 37:29

Ca co'na' so Rubén liỹa ỹovita añi ni'ỹa, qa' totqai hueeta'ñigui so José. Ca nasectaqta'ahi saua loho queda lqui'ic nqai'en.

Génesis 42:38

Qam so Jacob 'naaco': —Ñi ỹaalec sqai queguelo nqaishine' qamiri. Ma' so lqaỹa José tot qaica, ca ñi'maxare qaiñiita no'ueenañi. Ca no'm 'ue ca lo'maxaset quecá'maq 'iỹa'gue nagui, ca' qamiri rasauaxashichii ma'le najo qo'xoicolec quiyim ileu, ỹalauat ca lachicoxo.

Génesis 44:13

Ca saua'maxare quiñi 'óna nasectaqta'ahi naua loho paguec nqui'ic. Ca na' ime, ca quiñi 'óna inaxashiguim ca li'ỹaac queca lalo 'ashin, ca pilda'a yi na'a'.

2 Samuel 1:11

Co'na'le, ca' so David chaqai sauá'maq liỹareta'pe nasectaqta'ahi naua loho queda nqui'ic.

1 Reyes 21:27

Ca' so Acab co'na' 'qaachigui dá'ogue dajo, ca nasectaqta'ahi saua loho, ca' ỹañiñi saua noho nachicoxoqui' chaqai nqopaaqachit. Chaqai quena' laq, ca' queeta'anto saua loho ỹansañi, chaqai rachicotam.

2 Reyes 19:1

Ca co'na' 'ue da la'xaỹaxac so nashi Ezequías, ca' nasectaqta'ahi saua loho queda nqui'ic, ca ỹañiñi saua nachicoxoqui' noho. Ca' quepegue' ñi qouagaxainaxaqui quiñi qara'gaxala'.

2 Reyes 2:12

Ca co'na' iuanchigui dajo so Eliseo, ca ỹaualqo', 'naaco': —Qami' ita'a, qami' ita'a. 'Ñiisari' quen ca 'ñaaxaic nalauataxairipi quena llaalqaipi so Israel. Ca co'na' ime dajo, ca' tot iuanegue so Elías. Ca' so Eliseo ỹaatqajam nasectaqta'ahi saua loho queda le'xoric.

2 Reyes 22:11

Ca' so nashi na' 'xaỹalo saua naqataxaco hueesalec aso lere, ca nasectaqta'ahi saua loho queda nqui'ic.

Job 1:20

Ca' so Job mashic paguec da nqui'ic, ca ne'laxashiguim, ca nasectaqta'ahi saua loho, ca ỹoselaxajlec na lqahic, ca ỹa'chi'iñi naua le'cootal, ca nqouagaxainot ñi qara'gaxala'.

Job 2:12

Ca co'na' tot qoỹoxouo, ca iuanteta so Job. Qam ma' sham tot no'uentegue, ca chaqa'ma' ỹaualaxe', chaqai noỹene', chaqai nasectaqta'ahi saua loho queda nqui'ic. Chaqai nimiishiguim na 'laua lamoxoỹaxa, chaqai nemeetere'e naua lqahigo'.

Jeremías 36:24

Ca' so nashi chaqai vire'ta so lotauaripi, só'maq 'qaatapega sá'ogue só'maq qaretaqateguelec, ỹaatqajam qaica ca lqolonaxa chaqai ñaqai 'ue quet ca nqui'ic nqai'en.

Joel 2:13

¡Pilliu'a qamiri ñi qara'gaxala', ñí'maq qota'olec caqamiri, ỹaatqajam 'chiichiguiñi nqai'ñii ca netacochaxahi cañi re'taxanatahi, qam se nasectaxachiỹa'ahi naua qatoohi! Ma' ñi qara'gaxala' sotaxaraic da lo'ueenataxanaxac chaqai qouagaxanqachaqaic, hualaxauaic chaqai imaañi da le'xorenataxanaxa, 'eco' se nqo'ta quiyim 'ue ca ỹa'ue ca nouaxanaxaset.

Mateo 11:21

—¡Ỹaatqajam chalego re'xoriguii, qamiri ñiỹa'ñi na na'a' Corazín! ¡Chaqai ná'maq neeta'ñi na na'a' Betsaida! Ma' quetqai hua'ño' yi na'a' Tiro chaqai yi Sidón ná'maq qaỹo'uet se qaiuanapega quená'maq qaỹo'uet na'le caqamiri, shi'gue quet ỹaxañiñi naua lanatqa, chaqai nachaxanta queta'le ỹañiñi caua noho nasouaxaqui', chaqai nemeetalta' quena lo.

Mateo 26:65

Co'na'le, ca' so lashi na netaxaỹaxanqajanqaipi nasectaxata'ahi saua loho. Dajo netanec quiyim chalego lauel. Ca 'naaco': —Dajo ỹale napaqueteguelec ñi qota'olec quenaua la'qaatqa. ¿Negue' quet ca liỹa qom souenaq quiyim ra'qaataxan? Ma' qamiri ỹaatqajam 'xaichigui dá'maq la'qaatec quiyim napaqueteguelec ñi qota'olec.

Hechos 14:14

Qam co'na' so Pablo chaqai so Bernabé retane' dajo, ca nasectaqta'ahi saua loho, ma' se ỹa'maxarene' dajo. Ca' taaringui yi lavinñi so qomyipi, ca' nelamaxarene', 'neraco':

Apocalipsis 11:3

Ca' ỹim selate' ma'le saua dos ỹa'qaataxanqajanqa quiyim ỹa'xatesac aỹim quecaua mil doscientos sesenta na'xata', ỹansañi caua noho ná'maq ỹañiñi ca qom quena' 'ue ca lasauaxanec.