Génesis 37:29 - La'qaatqa ñi qota'olec Qota'olec & Qota'olec Novita Na Qomyipi

²⁹ Ca co'na' so Rubén liỹa ỹovita añi ni'ỹa, qa' totqai hueeta'ñigui so José. Ca nasectaqta'ahi saua loho queda lqui'ic nqai'en.

Génesis 37:29 Iomraidhean Croise

Génesis 34:13

Qam quiyim so Siquem chi iualaxain aso Dina, ca saua llaalqa so Jacob saachichiguito' saua'maxare, qam ỹayine'.

Génesis 37:34

Co'na'le, ca' so Jacob nasectaqta'ahi saua loho, ca' ỹañiñi saua noho nasouaxaqui'. Ca' dajo lasouaxac so llaalec mesqai chita'gue ca ỹapalaxat.

Génesis 44:13

Ca saua'maxare quiñi 'óna nasectaqta'ahi naua loho paguec nqui'ic. Ca na' ime, ca quiñi 'óna inaxashiguim ca li'ỹaac queca lalo 'ashin, ca pilda'a yi na'a'.

2 Samuel 1:11

Co'na'le, ca' so David chaqai sauá'maq liỹareta'pe nasectaqta'ahi naua loho queda nqui'ic.

2 Reyes 19:1

Ca co'na' 'ue da la'xaỹaxac so nashi Ezequías, ca' nasectaqta'ahi saua loho queda nqui'ic, ca ỹañiñi saua nachicoxoqui' noho. Ca' quepegue' ñi qouagaxainaxaqui quiñi qara'gaxala'.

2 Reyes 5:7

Ca co'na' so nashi quiyi Israel retaqalec aso nelaata, ca nasectaqta'ahi saua loho queda nqui'ic. Ca 'naaco': —Ca ¿ỹimo' ná'maq ỹim qota'olec quiyim ỹaanec da nca'laxa chaqai quiyim ỹacona da chaalataxac quiyim cajo nelata ỹim na ỹale quiyim ñataren na le'ne' na loshicmaxa? ¡Ỹaatqajam 'ajñita, ca' 'yiiñii ma'le quiyim ỹahotaque ca lligo queca ño'ueenataxac quiyim yiloquin!

Job 1:20

Ca' so Job mashic paguec da nqui'ic, ca ne'laxashiguim, ca nasectaqta'ahi saua loho, ca ỹoselaxajlec na lqahic, ca ỹa'chi'iñi naua le'cootal, ca nqouagaxainot ñi qara'gaxala'.

Jeremías 36:24

Ca' so nashi chaqai vire'ta so lotauaripi, só'maq 'qaatapega sá'ogue só'maq qaretaqateguelec, ỹaatqajam qaica ca lqolonaxa chaqai ñaqai 'ue quet ca nqui'ic nqai'en.

Joel 2:13

¡Pilliu'a qamiri ñi qara'gaxala', ñí'maq qota'olec caqamiri, ỹaatqajam 'chiichiguiñi nqai'ñii ca netacochaxahi cañi re'taxanatahi, qam se nasectaxachiỹa'ahi naua qatoohi! Ma' ñi qara'gaxala' sotaxaraic da lo'ueenataxanaxac chaqai qouagaxanqachaqaic, hualaxauaic chaqai imaañi da le'xorenataxanaxa, 'eco' se nqo'ta quiyim 'ue ca ỹa'ue ca nouaxanaxaset.

Números 14:6

Ca' so Josué chaqai so Caleb, ma' qai'neeta ra'ajnaxanta sojo 'laua, nasectaqta'ahi saua loho queda nqui'ic.

Hechos 14:14

Qam co'na' so Pablo chaqai so Bernabé retane' dajo, ca nasectaqta'ahi saua loho, ma' se ỹa'maxarene' dajo. Ca' taaringui yi lavinñi so qomyipi, ca' nelamaxarene', 'neraco':