Génesis 37:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Ca co'na' ime, ca nqa'xañiñi qui'ỹe'. Ca' queco'na'le, ca' iuanchichiguit so Ismael llaalqaipi no'viiquetañi chicqota'gue da Galaad, ỹahote'e ana li'ỹaaquioxolate lalo nauaanaxanaxa late'ellipi, li'ỹaac na coraxat lo'daxaraic lahita, chaqai na qo'paq louaq ỹoreta'oguit leenaxat bálsamo chaqai ana mirra, ỹodo'ogue da Egipto.

Génesis 37:25 Iomraidhean Croise

Génesis 31:21

Ca' nemootauec, liỹaatec sá'ogue so na'aateteripi. Ca chita'gue, ca' ỹapacta aso lachiugue Eufrates. Ca queeta, taỹa'a yi quemaralequipi ladocai na'ñi yi 'laua Galaad.

Génesis 31:23

Co'na'le, ca' co'uajlec, liỹaatac so lauo' laseripi. Ca co'na' ỹovite' siete na'xata' queetalec, ca' ỹovi'o' hua'ñi yi quemaralequipi ladocai quiyi Galaad.

Génesis 37:24

Ca qaiconlec, ca' qainaxa'ñigui aca ni'ỹa co'chiichigui chaqai rashivichigui.

Génesis 37:28

Ca co'na' que'tegueyi so nemeenaxaiquipi, liỹa leenaxat Madián laseripi, ca' qanaqajshiguim so José cañi ni'ỹa quesaua lqaỹa', ca qaimen queso Ismael llaalqaipi, veinte ana chiróla chicqaugui ana plata lesega'a nqohin so José. Ca' qai'xategue da Egipto.

Génesis 37:36

Ca' so Madián laseripi co'na' ỹovi' queda Egipto, ca' qaimen so José, qaimeenot so ỹale leenaxat Potifar. So'maxare neloxoỹaq queso qomyipi nalliripi so Faraón, nashi quiyi Egipto.

Génesis 39:1

Ca co'na' so José qaỹaueguegue da Egipto, ca 'uo' so Egipto le'ec, leenaxat Potifar, rishiujnaxano' quesó'maq Ismael llaalqaipi ỹaueguegue da'maxare. So Potifar lasho' só'maq neloxoỹaripi queso Faraón só'maq lashi yá'ogue yi Egipto.

Génesis 43:11

Co'na'le, ca 'naaco' so leta'a Israel: —Hua', mashic qaica quet cá'maq lata'. Ca' yí, 'viichii dá'maq shinac: ỹoxoiguilo naua qachoxoquiri queca ramii quecajo ỹale. Dohi ma'le ná'maq paguec loyac la najo 'laua. 'Viichio' ca ri'ỹaaguii quena 'ec qo'paq louaq leenaxat bálsamo, chaqai na rapic li'i, chaqai coraxat lo'daxaraic lahita, chaqai na mirra chaqai ana qo'paq ala leenaxat nueces chaqai ana almendras.

Ester 3:15

Ca' so lere lo'ollipi chaqa'ma' taate'ogalo ma' chi la'qaatec so nashi. Ca' so na'qaatec chicqochi'ñi yi Susa na' qaỹa'xat. Ca' so nashi chaqai so Amán co'na' ñaq nqa'aamsañi ne'teeta'pe, ca ná'maq neeta'ñi yi Susa ỹaatqajam se ỹa'den ca 'neeta.

Salmos 14:4

Qaica ca la'deenataxanaxac na hualoxonyipi, ná'maq ỹahotaque ỹomato na ỹalamaxareteripi, 'ec ca qom ỹa'queetac ca pan, ná'maq se ỹa'xat da leenaxat ñi qara'gaxala'.

Proverbios 30:20

Aca 'aalo nanatqa lo'o' 'neetasa': que'e, ca' quiỹogui na lap, ime, ca' 'teetegueñi 'naac: Qaica ca so'uet se ỹa'maxañi.

Cantares 5:1

Mashic shi'gue seuetaugui na ỹanaxanqa', qami' ñapiitaxauo'lli'. Mashic secona ana ñimirra chaqai na ño'daxaraic lahita, shi'gue se'guentac na rapic li'i hueetagui ana lapa, shi'gue ñi'teetapigui na lataxa chaqai naua lo'i'. Qamiri qarqo'itqate' qanauochaxaua', qui'ii chaqai ni'chii, ¡canchi lecaata cá'maq ni'chiigui!

Jeremías 8:22

¿Qaico' ca lata' dajo quiyi Galaad? ¿Qaico' ca ratarenataxan quiyi'maxare? ¿Chi'neco' ma' se imeuec na iuo' laseripi? (9.1—13.27 Da na'qaatec taỹaugui na nqolaquipi, chaqai quiyim sqaỹaloq qainaxague da ỹoqa'a 'laua so qomyipi, chaqai da na'maqataxac ñi qota'olec queso'maxare. So qomyipi ỹadentalec quiyim 'ue ca 'ne'tegue so Jeremías. Ñi qota'olec chaqai so Jeremías qatesapega so qomyipi queda lasauaxaset.)

Amós 6:4

Saxaitalec ná'maq chalego loyac qa'xanaxala' no'ueetaxat ana loue ana ladoco loue, 'ec npaloochitac quenaua remaqachigohi, qui'iitac quena qagreta llaalec chaqai na huaqui llaalec 'uegaxasaq.

Amós 6:6

Late'ogue' ana ne'taxaguii quena' ni'chi quena lataxa, viñitac ná'maq no'uen coraxat lo'daxaraic lahita, ¡chaqai 'ec qaica nqai'negue nqai'ñii dá'maq qohinta'gue quiyim qanopoxoỹaxajñi na na'lauahi!