Génesis 37:2 - La'qaatqa ñi qota'olec Qota'olec & Qota'olec Novita Na Qomyipi

² Ca' dajo dá'maq na'qaataxac só'maq llaalqaipi so Jacob. Ca co'na' mashic ne'nec so José na' mashic ỹovite' saua diecisiete ñaxari, ca' reloqota'a ana qagreta, liỹareta'pe saua lqaỹa' saua llaalqa aso Bilha chaqai aso Zilpa sauá'maq chi leloxoỹaxanata so leta'a. Ca' so José ra'qaataxanem so leta'a quiyim ỹaatqajam se no'uen da no'ueenataxague' saua lqaỹa'.

Génesis 37:2 Iomraidhean Croise

Génesis 10:1

Ca' chaqaina najo na llaalqaipi so Sem, Cam chaqai so Jafet, llaalqa so Noé sauá'maq co'na' ime'uegue so huaxaỹaq lodegaxat, ca 'vii sauá'maq chi lalamaxarete' llaalqa.

Génesis 2:4

Ca chaqaido' dá'maq 'neeto' na'le na' qaỹo'uet na piguim chaqai na 'laua. Co'na' ñi qara'gaxala' qota'olec ỹo'uet na piguim chaqai na 'laua,

Génesis 30:4

Ca' chaqaido' 'neeta aso Raquel na' ỹaanem so Jacob aso lelaata Bilha quiyim leloxoỹaxanata. Ca' so Jacob lapa'ñi' aso Bilha.

Génesis 30:9

Ca co'na' aso Lea ỹa'den mashic tot co'o, ca' icona aso lelaata Zilpa, ca' ỹaanem so Jacob quiyim leloxoỹaxanata.

Génesis 35:22

Ca co'na' ñaqai neetalec yijo 'laua so Israel. Ca 'uo' so na'xa'a co'na' so Rubén lapa'ñi' aso Bilha só'maq leloxoỹaxanata so leta'a. Ca co'na' ỹa'den so'maxare, ca' ỹaatqajam ro'o. Ca' saua llaalqa so Jacob ỹovite' doce.

Génesis 41:46

So José ỹovito'o' saua treinta ñaxari co'na' qaỹauega'a so Faraón nashi quiyi Egipto. Co'na'le, ca' so José niquine'e' so Faraón, ca' eec quigui yá'ogue yi 'laua Egipto.

Génesis 42:8

So José chaqa'ma' no'ueneguelo saua lqaỹa', qam saua'maxare se no'uentegue so'maxare.

Génesis 45:6

Mashic ỹovite' dos ñaxari nagui nqopaxaqui' quenajo 'laua, chaqai saqa'lecaua caua liỹa' cinco ñaxari qaica ca qanaqat, 'eno'm 'ue ca qoỹanñi.

Génesis 46:34

ca' qamiri 'ñiỹaco' dá'maq ỹaatqajam qaro'ueenataxanaxac qaidaata da quiyim seloxoiqata'a ana qagreta shinqatam yí'maq 'auaxaic qareta'allipi. Qaiyi shichii ñiỹalec najo 'laua Gosén, ma' na Egipto laseripi se qaỹa'maxariñiguit quiyim lauora na neloxoỹaripi cana qagreta.

Génesis 5:1

Ca' anajo aná'maq lomalate so llaalqaipi so Adán. Co'na' ñi qota'olec ỹo'uet so qom, ca chi nadenaxatalta'. Ca' ỹaatqajam chaqai 'ec da no'ueenataxac ñi qota'olec nqai'en so'maxare.

Génesis 6:9

Ca' dajo dá'maq na'qaataxac so Noé. So Noé ỹaatqajam huagaxaraic chaqai ỹaatqajam na'xaỹaxane'ta ñi qota'olec, sqai 'nejem na liỹa qomyipi. Ỹaatqajam chaqaisoota na'xaỹaxane'ta ñi qota'olec.

Juan 7:7

Quená'maq qomyipi hueetalec na 'laua se ishit quiyim noquii'alo quet qamiri. Qam aỹim qanoquii'a, ma' ỹim ỹaatqajam sechoxote'tem quiyim dá'maq ỹo'ueetetac se no'uen.

1 Corintios 1:11

Shinac dajo, ỹaqaỹarolqa, ma' na lauo' añi qarqaỹa Cloé ra'qaataxañim quiyim se neuojñiỹata' qamiri.

1 Corintios 11:18

Ca' dá'maq 'neeta da 'auaxaic ỹa'qaatec 'neetasa': Sa'qaateguelec dá'maq 'ñiitari'o' quena' ỹovita quiyim lapoiỹata' 'ueenaxañii, qam se neuojñiỹata' qamiri. Ca' seuelec quiyim 'eco' lliqueta dajo.

1 Corintios 5:1

Mashic shi'gue qaỹa'den quiyim 'ue ca 'óna caqamiri o'ñiguit aca la'uale late'e. Dajo no'naxac ỹaatqajam chalego la'aaxa. Ma' vire'ta ná'maq se iuanapega ñi qota'a se ishit ỹo'uet dajo.