Génesis 37:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Ca saua'maxare ñaq qoỹoqo'chiguit, qa' idaanda'guit. Ca co'na' saqa' ỹoviro, ca chaqa'ma' na'deenta' quiyim ỹalauate' ma'le.

Génesis 37:18 Iomraidhean Croise

Génesis 27:41

Ca' queco'na'le, ca' so Esaú noquii'a so Jacob sauaxat da nqouagaxa qoỹaanem queso leta'a. Ca ra'deenataxantac, ca 'naaco': Mashic tot qaỹaloq ime ñi qareta'a, ca ma' ỹovita da lqodoc. Ca ma'le, ca' salauat ñi ỹaqaỹa Jacob.

Génesis 37:19

Ca 'neraco' saua'maxare: —Ñaq ra'iiguit naỹa'quena na 'guemataxaic.

Génesis 50:15

Ca co'na' mashic ileu so Jacob, ca' saua lqaỹa' so José 'ñiichiriquio' lauele': Sqoue ro'ỹalo qomi' nagui ñi José. Ca' ỹa'ue lovi' quedá'maq se no'uen shinqa'tegue na'le.

Génesis 50:20

Ma' qamiri se no'uen dá'maq 'ñii'tegue na'le caỹim, qam ñi qota'olec dá'maq se no'uen nimiiñiguit nqai'en da lo'yaxanec dá'maq seuanaxa nagui: ma' ỹahotaco' quiyim nca'laxatec na 'xoic qomyipi.

Salmos 31:13

Sa'xaỹa na qomyipi nemootetecta': Ná'ogue hueetaugui da nqolonaxa. 'Xoic, qam 'oonoqui' da la'deenataxanaxac quiyim na'xalentapigui aỹim; ¡na'xalentapigui aỹim quiyim ỹahotaque yalauat!

Salmos 31:14

Qam ỹim spe'eetapega qami' ỹa'gaxala', ma' ỹim shinac: ¡Qami' qota'olec caỹim!

Mateo 21:38

Qam co'na' qaiuañi'chiguit só'maq llaalec, ca na'deento'o' so 'ueenataxanaxairipi, 'naaco': “Najo ná'maq taalec ma'le dá'maq lesallaxa so qana'co'. Salauataq, qaiyi taalgoto qomi' ma'le najo na'a'.”

Mateo 27:1

Ca co'na' richiguiñi, ca sá'ogue so lashi na netaxaỹaxanqajanqaipi chaqai so lqo'xonqaipi na judioipi mashic na'deenta' quiyim ỹa'ue ca la'maqa' quiyim qaỹalauat so Jesús.

Marcos 12:7

Qam so no'ueenataxanaripi na'deenta', ca 'naaco': “'Ena richi'guit ná'maq qaỹahotaque quiyim taalec nqohin na 'laua. 'Maxaraic salauataq, qaiyi taalgoto qomi' ma'le quiyim qaralamaxaret najo 'laua.”

Marcos 14:1

Co'na' saqa'lecaua dos na'xata', ca ỹovire'oga so na'xa'a quena' qaỹo'leente na' qoyique'e yi Egipto. Queso na'xa'a, ca' qaỹa'ic quen na pan, qam le'en ana lpe'taqate. Ca sauá'maq la'gaxalate' ná'maq netaxaỹaxanqajanqaipi quena' qaretaxaỹa'pegue' ñi qota'a chaqai na rapaxaguinataxanta'pegue na naqataxaquipi idaantaque ca la'maqa' quiyim iconlec so Jesús, ca' ỹalauat.

Juan 11:53

Ca' quesojo na'xa'a so judío lashillipi queetalec idaantaque ca la'maqa' quiyim ỹalauat so Jesús.

Hechos 23:12

Ca queso liỹa nete'e 'vio' saua judío lase' na'deenta' quiyim ỹalauate' so Pablo. Saua'maxare 'neraco': —Qomi' ñallitqalta' quiyim se squi'ỹaq chaqai se ñi'taq quiyim saqa' salauataq so Pablo.