Génesis 37:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ —Hua' —'naaco' so Israel—, mo'e', 'ajñi' negue' cá'maq 'neesari' caua rqaỹachi' chaqai ca 'neetari' ca qagretaipi. Ime, ca' rapilli', vite ca ỹa'xaỹaxac. Ca' so Israel ila' so José chicqochi'ñi so ca'megue quiyi 'laua Hebrón. Ca' so José co'na' ỹovita yi Siquem,

Génesis 37:14 Iomraidhean Croise

Génesis 13:18

Ca' so Abram napoc so lauo' na'daañi. Ime, ca' quepegue' yi 'laua hua'ñi ana qo'paq leenaxat encina, lalamaxaret so ỹale leenaxat Mamre, sqoỹoxa quiyi na'a' lodegaxat Hebrón. Ca no'xonshiguim aso lcopatoxonaxalate, ca' nqouagaxainot ñi qara'gaxala'.

Génesis 23:19

Ca na' ime dajo, ca' so Abraham ishinñi aso Sara quiñi lauac na'ñi yi Macpela. Yi'maxare pa'ỹa'gue da lqodoigue quiyi Mamre. Yi'maxare qaiyiita qaỹa'den quiyim qohinac Hebrón, chaqai huaugui yi 'laua Canaán.

Génesis 23:2

Ca' ileu quiyi Quiriat-arba, yí'maq nagui na'a' leenaxat Hebrón, huaugui yi 'laua Canaán. Ca' so Abraham noỹen na' ileu aso Sara, ca ỹadenaxachichigui da no'ueenataxac ná'maq 'ue ca lasauaxanec.

Génesis 29:6

Lotqai 'naaco' so Jacob: —¿Ỹa'maqatari' ca Labán? —Ajá'a, ỹa'maqatari' —'neraco' saua neloxoỹa'—. 'Ajñi', 'ana ana llaale Raquel no'deetaxasom na lalo qagretaipi.

Génesis 35:27

Ca' so Jacob quepegue' so leta'a Isaac ra'ajnaxana quiyi Mamre yí'maq na'a' leenaxato' quen qai'neeta da Arba, loqo'm Hebrón. Yi nera'ño' quen saua Abraham chaqai so Isaac.

Génesis 37:15

ca ỹo'maaco' queso no'ueenaxa. Co'na'le, ca qaiuanejlco' queso ỹale. Ca qainato': —¿Negue' cá'maq daañisaque?

Génesis 41:16

Ca' so José 'naaco': —Qam mesqaỹim chicqochigui. Qam ñi qota'olec ỹaañiraxarom ca leloxoỹaxac, qam da'maxare chi ra'maxa'e'.

Génesis 43:27

Ca' so José inate'o' saua'maxare negue' cá'maq 'neesari', chaqai qai'neeta renataxan: —¿Negue' cá'maq 'neetari' ca qataa'i cá'maq qo'xoicolec 'xachitac? ¿Ñaqa 'ue?

2 Samuel 11:7

Ca co'na' ỹovira'a so David so Urías, ca' qainatetac quiyim negue' cá'maq 'neetari' so Joab chaqai so nalliripi, chaqai negue' cá'maq 'neeto' na'le so lauataq.

2 Samuel 18:32

Ca' so nashi inato' so Etiopía le'ec: —¿Ỹa'maqatari' ca ne'nec Absalón? Ca' so Etiopía le'ec 'naaco': —Ná'maq rpa'guiñi'sac, qami' qarashi, chaqai ná'ogue ná'maq se ỹa'maxata'gue qami' chaqai ỹahotaque ca se no'uen caqami', saxanchi' ma' ỹovita ca lqodoc aca lqauaxaqui, 'nejem dá'maq 'neeta sojo ne'nec.

Ester 2:11

Chaqai so Mardoqueo naua'que naua na'xata' ỹouoxontac yi naloote'oga yi nasoxoc ñi lauo' lodegaxat so 'aallipi, ma' ỹahotaque ỹa'den cá'maq 'neetari' aso Ester chaqai quiyim qaỹa'maxate'tegue.

Jeremías 29:7

'Ueenataxañii qaiyi nqo'neuec cá'maq na'a' lodegaxat cá'maq selateguelo qamiri, chaqai yashiilahi nqouagaxaiñilec ca'maxare, ma' no'm ỹa'maqachiguiñi ca'maxare, ca' qai'neeta qamiri ra'maxaichiguiñi.

Números 13:22

Taaterou'a yi Néguev, ca chi ỹoviresa'a yi Hebrón. Ca' yí, nera'ño' saua Ahimán, Sesai chaqai so Talmai, saua'maxare llaalqa so Anac. Ca' sojo Hebrón qano'xonshiguimo' na' saqa'lecaua siete ñaxari quiyim 'ue yi Zoán quiyi Egipto.

Lucas 19:42

Ca 'naac: —¡Quetaxan 'yiiñi'o' quenajo na'xa'a'e', quecá'maq ishit ỹaañiraxarom ca na'maxa! Qam nagui dajo nañoxotetañi, ca sqai huañita.

1 Samuel 17:22

Ca' so David po'aano'ot so li'ỹaac so neloxoỹaq quena na'ic chaqai na no'goxonaxat, ca' ne'guenta nalecqajnougui so nalauataxairipi, ma' ỹahotaque inate' saua lqaỹa' negue' cá'maq 'neesari'.