Génesis 37:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' saua lqaỹa' ỹaatqajam 'ue da lpa'guenaxanqa'. Qam so leta'a ỹaatqajam 'xoic da 'neeta ỹa'deentapega cá'maq 'neeto' dajo.

Génesis 37:11 Iomraidhean Croise

Génesis 24:31

Ca' 'naaco': —Ỹala'e', qami' lqouagaxat ñi qara'gaxala'. ¿Chi'negue queta' pa'a'isauec quenajo? Ma' shi'gue sa'maxatetañi yi ỹa'a' chaqai yi lomaate' naua qalohi'.

Génesis 37:12

'Uo' so na'xa'a, ca saua lqaỹa' so José taategue da Siquem, idaansaque lqui'ỹaaqa' quena 'uaqapi saua laloo qagreta ca leta'a'.

Génesis 42:9

Co'na'le, ca' so José no'uenco' so le'guemataxac taỹauguilo saua'maxare. Ca 'naaco': —Qamiri chaqaiqamiri na'ajnaxanqajanqa, ca chi na'ajnaxañiỹa najo 'laua negue' cá'maq paguec hua'ñi quiyim qaica ca lquesaxanaxa.

Eclesiastés 4:4

Seuana qai'neeta quiyim 'xoic ca no'ueenataxanaxac chaqai quiyim nqo'neuec ca no'ueenataxanaxac chicqochigui quiyim 'ue ca npa'guenta'ta', ca' dajo qai'neeta qaica quet cá'maq 'negue, chaqai 'ec qaỹahotaque neconecsec ca nonot.

Daniel 7:28

Ca' chaqaiyi lqodoc da ỹa'qaataxanaxac. Ca' ỹim Daniel ỹaatqajam 'xoic da ỹachitachic na'le chaqai mashic ñalacqatec; qam qaica ca sa'xatem quecá'maq 'neeta dajo. (8.1—12.13 So Daniel 'ue da leuanaxanaxac, ca so nelaatec piguim le'ec ichoxot da leloxoỹaxac.)

Mateo 27:18

Ma' retano' quiyim chi npa'guenaxac dá'maq 'em qoỹaano' so Jesús.

Marcos 15:10

Ma' so'maxare retan quiyim chi lpa'guenaxanaxa so la'gaxalateripi na netaxaỹaxanqajanqaipi quiyim qoỹaano so Jesús.

Lucas 2:19

Qam aso María ỹa'maxat cañi le'taxanata dá'ogue dajo, chaqai ỹaatqajam naloqochintac da'maxare.

Lucas 2:51

Hua'ñiyi, ca pil so'maxare, queuguilo saua leta'al, taategue da Nazaret. Ca' so'maxare queetalec quiyim na'xaỹaxane'talo saua leta'al. Qam aso late'e ỹaatqajam ỹa'maxat cañi le'taxanata dá'ogue dajo.

Hechos 13:45

Qam co'na' so judioipi iuane'ta so 'xoic qomyipi, ca se ỹa'maxaren. Ca' quiyi, ca retaqata'guit da la'qaatec so Pablo chaqai qaishiuentac.

Hechos 7:9

Sojo llaalqaipi so Jacob, chaqaiso so sachigoxosoxougui. Sojo nqaỹaripi pa'guen so lanoq, leenaxat José. Ca' qaimen, ca qaỹaueguegue da 'laua, leenaxat Egipto. Qam ñi qota'olec liỹaatac so José.

Gálatas 5:21

Na'maxare pa'guenaxanaxai, lauataxanaxai, ne'taaxai, chaqai qui'ỹaaxai, chaqai 'ue na liỹa ỹo'ueetetac 'nejem dajo. Saqatalo qamiri, ma' shi'gue sa'xatetac dajo, quená'maq ñaq ỹo'ueetetac dajo, ca' se inoxona'a da lo'ueenataxanaxac ñi qota'a ma' ỹoiquentac ná'ogue najo.

Tito 3:3

Ma' qomi' qai'neete' quesom qaica ca sa'deenaq, ca' se ña'xaỹaxanaxalo naua la'qaatqa ñi qota'a. So'maqatajlec chaqai qolqata'pegue' da qarqo'itaxanqachic chaqai da qaramaanaxanqachic. Seuqataugui da se no'uen chaqai da npa'guenaxanaxa. Qomi' noquiiqate' chaqai chi ñoquiaaqata'ta'.

Santiago 4:5

'Uo' ca 'neeta, vichiguiño' yaua naneresañi na'qaatqa 'nerac: “So Espíritu Santo só'maq ñi qota'a ỹanauguilo qomi', so'maxare nqo'talo chaqai ỹauoteguelo qomi'.”

1 Samuel 18:8

Ca' quedajo, ca' se ỹa'maxagui lauel nqai'en so Saúl. Ca co'na' ro'o, ca 'naaco': —So David imaalec nqohin quiyim ỹalauat so diez mil qomyipi, qam caỹim, ca qaisauate' saua mil. Ca ¡saqa'leca cocho'qui', ca' qoỹano nashi!