Génesis 37:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca co'na' so José ỹa'xat dajo le'guemataxac queso leta'a chaqai quesaua lqaỹa', ca' so leta'a 'naaco' queso'maxare: —¿Negue' cá'maq 'neeto' dá'maq dajo re'guemataxaqui'? Ca' ¿peeta'a ishito' quiyim añi qachii'i', naua rqaỹachi' chaqai aỹim sa'daqoto qami' naua qare'cootal, ca' ñqouagaxainqot qami'?

Génesis 37:10 Iomraidhean Croise

Génesis 27:29

Chaqai 'xoic ca qomyipi ro'ueenataxanot qami' ma'le; chaqai na ỹoreta'oguit qomyipi ỹa'dooto qami' ma'le naua le'cootal. Ca 'viiquiñi'sac ma'le na rqaỹachi'ipi; ¡chaqai ỹa'dooto qami' naua le'cootal! Cá'maq ishiuen qami', ca' qaỹa'ue ca nouaxanaxaset, qam cá'maq re'xoriñi', ca' qai'xoren.

Génesis 37:7

Se'guematetapega quiyim qomá'ogue seuqatalec yi no'ueenaxa, sahoqotaque ana qarcoñiita quena trigo. Ca' chi qaiuane'ta aso ỹaqata nachajñi ỹalamqachiguiñi. Qam saua rcoñitahi lapoorau'a aso icoñiita. Ime, ca' qanqouagaxainot.

Génesis 37:9

Ca co'na' ime, ca' so José lotqai 'uo' so liỹa le'guemataxac. Ca lotqai ra'qaataxanalo' saua lqaỹa', 'naaco': —'Yiiñii lotqai 'ue so liỹa ỹi'guemataxac, ca queso'maxare, ca ya'iita'a añi ra'aasa chaqai ñi shiraigo chaqai saua once huaqajñi huaqaishiguim caỹim, ca' nqouagaxaintot aỹim.

Génesis 43:26

Ca co'na' so José ỹoviro quiyi la'a', ca saua'maxare ỹaane' so ne'xatete' lachitaxanataxanaxate'. Ime, ca ỹa'chi'iñi naua le'cootal, ỹoviraqta'guita naua lataapi' na 'laua.

Génesis 43:28

Ca' saua'maxare liỹa ỹa'chi'iñi naua le'cootal, ca 'neraco': —Ñi qareta'a ñí'maq relaachiqui' ỹa'maqachiguiñi, ñaqa 'ue.

Génesis 44:14

Ca co'na' so Judá chaqai saua lqaỹa' ỹovirera'a yi la'a' so José, ca so'maxare ñaqai neeta'anyi. Ca ỹa'chi'iñi naua le'cootal, ỹoviraqtera'guit naua lataapi' na 'laua.

Isaías 60:14

Na llaalqaipi ná'maq 'xoic lqa'viic caqami' nacpegue' qami', ca' neneequesenta, ná'ogue ná'maq se nqo'ta qami', nacpegue' qami', ca' ỹa'chi'iñi naua le'cootal queca loqoisa'ñi, chaqai ỹamata'gue qami' Sión, la'a' ñí'maq co'teeta qara'gaxala' qota'olec quena Israel.