Génesis 36:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca' so Esaú liỹaaterec saua loua' chaqai so llaalqaipi chaqai so llaallipi chaqai sá'ogue so lauoraripi. Ca' eec ỹoqa'a ca quepegue' 'laua, qaiyi qoỹoqo'ta nqai'en so lqaỹa Jacob. I'xat sá'ogue so iseripi chaqai sá'ogue só'maq louenqaipi ỹachigoxota'ñi yi Canaán.

Génesis 36:6 Iomraidhean Croise

Génesis 12:5

Ca' liỹaatec aso loua Sarai chaqai so leteesec leenaxat Lot. Chaqai qai'neeta i'xat sá'ogue so louenqaipi chaqai so la'aquipi ỹachigoxota'ñi yi Harán. Ca co'na' ỹovita yi Canaán,

Génesis 13:11

Ca' so Lot nca'au'a sá'ogue so ca'megue quena lahi aso lachiugue Jordán, ca' taigue da lqodoigue quecá'maq neesa'ñi. Ca' chaqaida 'neeto' na' neuagaxate' so Abram chaqai so Lot.

Génesis 13:6

Qam so 'laua neesalec sqa logoñi, ca' tot nalolec quiyim qaiqui'ỹaxanlec so 'xoic neloipi. Ca' tot ỹa'maxañi quiyim neuora' saua'maxare.

Génesis 17:8

Ca' qami' chaqai ca qachaalaxai'pi saanem ma'le ná'ogue najo 'laua Canaán ná'maq ñi'salec nagui. Ca' ỹaatqajam ralamaxarichii ra'aari, ca ỹim ná'maq ỹim qota'olec ma'le caqamiri.

Génesis 25:23

Ca' ñi qara'gaxala' 'naaco': Na qavilli' hueesagui yaua dos qomi' chicqaugui ma'le ca ỹoreta'oguit qomyipi; dos yaua neuo' lase' saqa' ne'qa'iñi, qala' reloquitecta'. 'Óna yi paguec lquesaxanaxa ma'le quiyi liỹa, yí'maq na'aasa ỹapacauec ma'le quiyí'maq ỹi.

Génesis 28:4

Chaqai quiyim ỹaanem qami' chaqai ca qachaalaxai'pi qai'neeta ca lqouagaxa ỹachaxanem na'le so Abraham, qaiyi ralamaxarichii na 'laua senqatalec nagui, shinqatari' ca ỹoqa'a ca chicqa'gue, ma' ñi'maxare ỹachaxanapeguem quiyim ỹaanem so Abraham.

Génesis 32:3

Ca' so Jacob ỹa'vio' saua lelaatqa quiyim querepegue' yi 'laua Seir, da liỹa leenaxat Edom, quiyim ỹa'ue la'xaỹaxac so Esaú quiyim sham novi' so lanoq.

Génesis 36:5

Chaqai aso Aholibama qai'neeta ne'qaaño' so llaalec Jeús, Jaalam chaqai so Coré. Ca' 'ena na llaalqaipi so Esaú ne'qaaño' na' ñaqai neeta'ñi yi Canaán.

Apocalipsis 18:13

chaqai na liỹa li'ỹaac na canela, chaqai ná'maq ỹaleque'ejta' lo'daxaraic na lahita, chaqai na nichiinaxanaxat, chaqai na qo'paq louaq mirra, chaqai na coraxat, chaqai na lataxa, aceite, chaqai lo'yaxanec 'aríña, chaqai na trigo; chaqai na iseripi ni'ỹaaquioxola', qagreta, shipgaq, nahoglena, vire'ta na na'ac ná'maq re'qoochigui qom.