Génesis 36:2 - La'qaatqa ñi qota'olec Qota'olec & Qota'olec Novita Na Qomyipi

² So Esaú o'neuguilo saua 'aalo quiyi Canaán: loua aso Ada, llaale so Elón hitita le'ec, chaqai aso Aholibama, llaale so Aná chaqai laual so Zibeón heveo le'ec,

Génesis 36:2 Iomraidhean Croise

Génesis 27:46

Co'na' ime, ca' aso Rebeca 'naaco' queso Isaac: —Mashic tot yalo'guit da shinta sauaxate' nauajo hitita lase quenauá'maq o'ñiguita ñi Esaú. Ca no'm ñi Jacob 'ue aca loua quena hitita lasellipi 'neete'm yauajo quená'maq na'ñi najo Canaán, ca' paguec la'maxa quiyim yileu.

Génesis 28:9

Ca' quiyo' na'le, ca' quepegue' so Ismael, llaalec so Abraham. Ca' loua aso llaale, leenaxat Mahalat, so'maxare lqaỹo' so Nebaiot, 'eno'chaqai 'vii saua loua' nera'ñi yi Canaán.

Génesis 36:14

Ca' aso liỹa loua so Esaú, Aholibama. Saua llaalqa leenqate'o' Jeús, Jaalam chaqai so Coré. Aso'maxare llaale so Aná chaqai laual so Zibeón.

Génesis 36:24

Ca' daua leenqate' saua llaalqa so Zibeón: Aja chaqai so Aná. Ca' so Aná chaqaiso' só'maq iuanejlec ca huaxaỹaq ne'paxantashiguim quiyi 'laua qaica qom co'na' reloqota'alo saua laloo 'ashiñi' so leta'a Zibeón.

Génesis 36:25

Ca' so Aná 'uo' so llaalec leenaxat Disón chaqai aso llaale leenaxato' Aholibama.

Génesis 36:3

chaqai aso Basemat, llaale so Ismael, lqaỹa so Nebaiot.

Génesis 9:25

Ca 'naaco' queso'maxare: ¡Ỹaatqajam nishiuenec ma'le ñi Canaán! ¡Ca ñi'maxare chi na'ac ma'le quenaua dos lqaỹa'!