Génesis 35:8 - La'qaatqa ñi qota'olec Qota'olec & Qota'olec Novita Na Qomyipi

⁸ Chaqai qai'neeta hua'ño' yi na'le na' ileu aso Débora; sojo 'aalo reloqoto'o' quen na'le aso Rebeca. Ca' qaishiñi'ñoto' na'le aca qo'paq leenaxat encina quiyi sqoỹoqaque yi Betel. Ca' so Jacob ỹanco' leenaxat yijo 'laua Ada encina hua'ñi yi oỹenqa'.

Génesis 35:8 Iomraidhean Croise

Génesis 24:59

Co'na'le, ca' qoỹaxanec quiyim eec aso Rebeca, chaqai asó'maq 'aalo chaqai'en neloxoỹaxa caso'maxare, chaqai qai'neeta so lelaatec so Abraham, chaqai saua nauegaxaua'.

Jueces 4:5

Aso Débora chaqai 'neetari'o' quen quiyim nqa'xantañi, neeto'ot ca la'al aca lanecse chaavic (ca qaỹamata'gue leenaxat chaavic lanecse aso Débora). Sojo chaavic na'ñi yi 'xoic ana quemaralec qa' ladocai quiyi Efraín quena lavinñi' yaua Ramá chaqai yi Betel. Ca' na Israel llaalqaipi quepegue'o' quen aso 'aalo quiyim ỹa'ue ca la'maqa' canchaqaica se ỹa'maxañi.

1 Samuel 10:3

Ca ma' liỹa quiita, ca' ma' viriỹa ada qo'paq encina na'ñi yi Tabor, ca nachiñiỹa'guita ma'le caua tres ỹale' taira'gue da Betel quiyim nqouagaxaintot ñi qota'olec. Ca 'óna i'xatete' caua tres queta', chaqai ca liỹa, ca i'xatete' caua tres paañi', chaqai ca liỹa, ca' i'xateta aca liỹoxoso loshicmaxa no'qaachigui quena lataxa.

1 Samuel 31:13

Ime, ca' qaishinñi so lpi'naqaipi quiyi Jabes, qaishino'oto aca qo'paq. Ca co'na' ime dajo, ca' ỹovi' siete na'xata' quiyim so qomyipi nqopaaqachit.