Génesis 35:2 - La'qaatqa ñi qota'olec Qota'olec & Qota'olec Novita Na Qomyipi

² Co'na'le, ca 'naaco' so Jacob queso llaalqaipi chaqai quesá'ogue so liỹaripi: —Naqachiuec ná'ogue na nqolaqaipi hueeto'oto qamiri. Nachillii, chaqai dalaxachii' naua qatoohi.

Génesis 35:2 Iomraidhean Croise

Génesis 18:19

Ma' ỹim ica'acsec na'maxare, qaiyi 'naapega ca llaalqaipi chaqai ca lauaripi quiyim huelec da ỹapaxaguinataxanaxac, chaqai quiyim ỹo'uet ná'ogue ná'maq ỹa'maqachiguiñi chaqai da no'uen ñicyaxac, qaiyi sepacqajanchigui ná'ogue ná'maq shinac na'le.

Génesis 31:19

Ca co'na' so Labán ñaqai ỹoqa'a da hueeta'gue repetegaxantac caso lalo qagreta, ca' aso Raquel rocachalo' saua lqolaqa so leta'a.

Génesis 31:30

Qam quiyim mashic paguelec ca riyaxa'e' quiyim pillita ca la'a' ca qataa'i', ca' vichiguiño' qui', qam ¿chi'negue ma' cuachitalo' caua ỹashiilqa iqolaqa?

Génesis 31:34

Ca aso'maxare iconalo' caua nqolaqa, ca illauguilo saua laualate' caso lañaxalate, ca' icanlgoto saua'maxare. Ca' so Labán imitetapougui sá'ogue so lauo' na'daañi, qam se ỹanatalo saua lqolaqa.

Génesis 34:2

Qam so llaalec so Hamor só'maq nashi heveo le'ec, leenaxat Siquem, iuane'ta aso'maxare. Ca' quepegue', 'eno'm se nasen, qam qaiyiita lapa'ñi', ca' chi iualaxain.

Génesis 35:22

Ca co'na' ñaqai neetalec yijo 'laua so Israel. Ca 'uo' so na'xa'a co'na' so Rubén lapa'ñi' aso Bilha só'maq leloxoỹaxanata so leta'a. Ca co'na' ỹa'den so'maxare, ca' ỹaatqajam ro'o. Ca' saua llaalqa so Jacob ỹovite' doce.

2 Samuel 7:23

Chaqai quena Israel ná'maq ralamaxarichi', ¡na'maxare qaica nqai 'nejem, ma' najo qomyipi ỹaatqajam qainaata quena 'laua! Qami' qota'olec, na'maxare naqachira'a na'le, ma' vi'saque ralamaxarichi'. Ca' 'viichi' da lichoxoric quedá'maq chalego lecaic 'viichi' quena'maxare. Qami' o'yirauec nanchaqaina quedá'maq taata'gue na ralamaxarichi'ipi ná'maq nca'laxachirec na'le quiyi Egipto, chaqai quená'ogue na liỹa qomyipi chaqai quena lashiilqaipi lqolaquipi.

2 Reyes 17:29

Qam quiñi 'óna queso ỹoreta'oguit qomyipi ỹo'uet ná'maq chi lashiilec quená'maq na'a' neeta'ñi, ca ỹanauguilo naua nqouagaxainaxaqui' naalgoto naua qoỹoqoshi'mque 'lauari, quená'maq no'xonshiguimo' na'le so Samaria laseripi.

2 Reyes 5:10

Qam so Eliseo ỹa'uo' so lelaatec quiyim 'naapega: —Mo'e', siete homiriñi caso lachiugue Jordán, ca' imeuec ma'le na roshicmaxa'e' quena ri'ñichi'.

Job 1:5

Ca quena' ỹomate' da lqui'ỹaxague', ca' so Job roỹaxanouguilo saua llaalqa. Ca co'quena' nete'etam, ca' ne'laxashiguim, ca' ỹavigaxat añi lachitaxanataxanqate, 'onatac nqai'en quiñi 'óna llaalec, qaiyi co'it quena lasauaxaset. Ca' so Job se neme 'neeta'gue dajo, ma' sqoue quiyim 'ue ca llaalec se no'uen ca la'qaatec quiñi qota'olec pa'xantauo quena lauel.

Salmos 51:2

¡Nquiỹo'irec naua iualoxonqaishico! ¡Yco'taxachi' quenaua ỹasauaxasete'!

Salmos 51:7

Yco'taxachi', qaiyi sco'teeta; yiquiỹo'e', qaiyi paguec ỹim lalagaxaic caca loñi nacañi.

Éxodo 19:10

Ca' ñi qara'gaxala' 'naaco' na'le queso'maxare: —Mo'e', 'maxachiriñi yi qomyipi nagui chaqai nete'e quiyim imaqachin aỹim ma'le. Ca' quiỹo' naua loho,

Éxodo 19:14

Ca' so Moisés renotec caso qa' ladocai, ca 'naapega so qomyipi quiyim na'maxajñi, ca imaqachin ñi qara'gaxala'. Ca' so qomyipi ỹaatqajam quiỹoote' naua loho.

Éxodo 23:13

Ca' pacqajñichigui dá'ogue dá'maq shinac caqamiri, chaqai quiyim sqaica ma' 'ue quet ca qara'xaỹa caqamiri ca leenaxat ca liỹa nashiilec.

Isaías 1:16

¡Nquiỹohi, nco'taxachiỹalta'! ¡Loỹoochihe'oga na se no'uen caỹim! ¡Totaxan liỹa 'viichii na se ỹa'maxañi!

Isaías 52:11

¡Noxoñiuec, chaqa'ma' noxoñiuec quena Babilonia, totaxan coñiỹau'a na napio'o, chaqa'ma' noxoñiuec quena Babilonia! ¡Ỹaatqajam nco'taxachita ná'maq i'xat ma'le na louenqaipi quiñi no'ueenaxanaxaqui quiñi qara'gaxala'!

Ezequiel 18:31

'Xañiñi ná'ogue ná'maq se no'uen 'viichitac caỹim, ca' dalaxachii da no'ueenataxaguii chaqai da ra'deenataxanaxaguii. Ca ¿chi'negue queta' rillivii, qamiri lalamaxarete' so Israel?

Ezequiel 36:25

Sco'taxate' qamiri quená'maq no'uen huaxaỹaq, ñquiỹouec ná'ogue na rishillii, ñaqata'a ma'le dá'maq 'ñiitari' quena nashiilec nqolaquipi;

Daniel 5:4

Ca sá'ogue só'maq nqa'xantañi ne'teetac queso lataxa, ca imaqachintac so lashiilec nqolaquipi qaỹachigoxotaugui na 'oro, plata, bronce, fierro, qo'paq chaqai na qa'.

Hechos 19:26

Qalaxam qamiri mashic huañiỹa chaqai 'xaichigui queso ỹale, leenaxat Pablo. So'maxare ỹa'xatetac quiyim mesqai qota'a na chaqai qom lo'ueenatec nashiilec. Ca 'xoic na qom huelec so'maxare, chaqai mesqainaata quenajo Efeso, qai'neeta naua'que naua 'lauari quena Asia.

1 Corintios 10:7

Vichiguiño' qamiri se ishit denaxachii da 'ne'tegue so qomyipi, ma' 'uo' quen na nqouagaxainot na nashiilec nqolac, ma' naua naneresañi la'qaatqa ñi qota'a 'nerac: “So qomyipi nqa'xanñi. Ime, ca' ỹo'uet so lqui'ỹaxac chaqai ne'et. Ime, ca' nachajñi, ca' ỹo'uet ca lemaqachic.”

2 Corintios 7:1

Ca vichiguiño' qamiri ñauochaxaua' ỹaqaỹa', 'enaua nauá'maq qaỹachaxanta'pe coqomi'. Vichiguiño' se squeuocqau'a ná'ogue ná'maq ishit napio'xote' qomi' quena qaroshicmaxa, chaqai quena qara'al. Qaro'cha'a ñi qota'a, chaqai somatqo'ot da qanachaalataxac ñi'maxare.

Gálatas 4:8

Quesom na' saqa' huañiỹapega ñi qota'a, ca' qamiri icoñiiteguese' ná'maq se re'xogui qanqouagaxaintacot, qam mese qota'olqaipi.

Deuteronomio 6:14

'Neeto' quiita'pegue' na nqolac ná'maq nqouagaxaintacot na liỹa qomyipi qauorahi.

Hebreos 10:22

Ca' vichiguiño' ñoquiigaxau'a quet ñi qota'a, qam ỹaatqajam selloqochigui ca qaneneequesenaxac añi qare'taxanata chaqai ỹaatqajam 'chichiguiñi nqaishinaq ca qarpi'ỹaxac. Ma' ñi'maxare nachinñi nqai'en añi qare'taxanata, qaiyi totqai 'ec ñaqa 'ue ca qarasauaxaset, chaqai mashic nquiỹogoñi na qaroshicmaxa quená'maq no'uen huaxaỹaq.

Santiago 4:8

Nqo'ñiỹot ñi qota'a, ca ñi'maxare nqo'ñiguita qamiri. Chaqai qamiri sauaqhuaiquipi nquiỹoiuec ná'maq mashic coñigui se no'uen. Chaqai qamiri ma' viitaque rqo'chiỹa ñi qota'a chaqai qai'neeta na huelec na 'laua, ca' co'taxachii' naua re'taxanatahi.

Josué 24:14

—Ca' vichiguiño' quedá'ogue dajo, ỹaatqajam ro'chiỹa ma'le ñi qara'gaxala', chaqai ỹaatqajam quiijlec. Ca' ỹaatqajam 'xañiñi na nqouagaxaintacot nqolaquipi so 'auaxaic qataa'illipi queda lahi yi Eufrates chaqai quiyi Egipto, ca' ỹaatqajam quiilec ñi qara'gaxala' qota'olec.

Josué 24:15

Qam no'm sqai 'maxariñii quiyim quiilec ñi qara'gaxala', ca' nagui, ca' nca'aiua'a cá'maq viitaque quiilec, na nqolaquipi ná'maq imaqachintac na'le so 'auaxaic qataa'illipi na' neetalec da lahi aso lachiugue Eufrates, loqo'm na lqolaquipi na amorreoipi, ná'maq ñiitañigui qamiri nagui. Qam ỹim chaqai na ỹaalqaipi qolaxalec ñi qara'gaxala' qota'olec.

Josué 24:2

Ca 'naac quesá'ogue so qomyipi: —Da la'qaatec ñi qara'gaxala', ñí'maq qota'olec quena Israel, 'neetasa': Nallaaqo' quesaua 'auaxaqa qata'allii Taré chaqai saua llaalqa Abraham chaqai so Nacor neeso'ot na lahi aso lachiugue Eufrates, nqouagaxainsacoto' quen na nashiilqaipi.

Josué 24:20

Qam no'm qamiri tot qoquiilec lachii ñi qara'gaxala', ca' quiigue na nqolaquipi, ca' ñi'maxare ishit ỹo'uet ca se no'uen caqamiri. 'Eno'm 'xoic da re'qoochigui lqouagaxa caqamiri, qam qaiyiita nalauachiñi qamiri ma'le.

Josué 24:23

Ca lotqai 'naaco' so Josué: —Cha'regue naxaiuec ná'ogue na nqolaquipi hueeto'oto qamiri ná'maq nqouagaxaiñitacot, qaiyi ỹaatqajam nachinchiriñi naua re'taxanatahi quiyim maqachiñitac ñi qara'gaxala' qota'olec quena Israel.

Judas 1:23

Nca'laxachiuec, coñiỹa'pegue' quiyi taatañigui ca norec sham ỹavic. Chaqai 'xoriñii ná'maq liỹaripi, qam richilliỹaño', raqaiquia'guita naua loho, ma' qai'neeta ỹovirauguilo dá'maq se no'uen no'ueenataxac na'maxare.

Rut 1:15

Co'na'le, ca' aso Noemí 'naaco' caso'maxare: —'Ajñi', aso ro'naxaua'e' pil, pila ca la'a' quiyi 'laua chaqai na nqolaquipi quiyi'maxare. Mo'e', quitegue, pillira'a ca ra'aachi'.

1 Samuel 16:5

Ca' so Samuel 'naaco': —Ajá'a, chaqaida. Ỹim ñanac, qam saanot aca ỹachitaxanataxanqate ñi qara'gaxala'. Nco'taxachiỹalta', ca' ñauecqatecta', qaiyi lliguitau'a ma' savigaxat ca ỹachitaxanataxanaxat. Ime, ca' nco'taxat nqai'en so Isaí chaqai so llaalqaipi, ca' 'naapega quiyim ỹalequetaho ma' ỹo'uet ca lachitaxanataxanaxat.