Génesis 35:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Ca co'na' ime, ca' quere'e yi Betel, qam ñaqai ỹoxauc yi Efrata co'na' aso Raquel co'o, qam 'xoico' lqalaic so lco'oxoc.

Génesis 35:16 Iomraidhean Croise

Génesis 3:16

Chaqai 'naaco' caso 'aalo: —Ñoquiigaxatec nagui da re'xoriqui' ma' ỹovita quiyim 'ue ca qachaalqui', chaqai ỹaatqajam 'xoic da nqui'ic ma' co'i'. Qam qami' pacqajñirauec da roua'e' chaqai da'maxare ỹoiquentac aqami'.

Génesis 35:19

Ca' chaqaido' da 'neeta co'na' ileu aso Raquel. Ca qaishinñi quena lahi so nayic quiyi Efrata. Ca' nagui yi'maxare leenaxat Belén.

Génesis 48:7

Ca na' sachicqota'gue da Padan-aram, ca sou ayi qachii'i' Raquel quiyi Canaán na' sepalqata'a yi Efrata. Ca seshinñi na'le queso nayic lahi taỹau'a yi Efrata yí'maq nagui leenaxat Belén.

2 Reyes 5:19

Ca' so Eliseo 'naaco' queso'maxare: —Mo'e', qaica huapigui qavilli'. Ca' so Naamán ca'e yi'maxare. Ca co'na' mashic qoỹoqo'tegue,

Miqueas 5:2

Qam caqami' na'a' Belén Efrata, paguec qami' cocho'qui' quená'maq chigoxougui so Judá, chicqotougui qami' ma'le ca nashi ỹoiquentac ma'le na Israel. Ca'maxare chigoxougui so 'auaxaic qomyipi.

Mateo 2:1

Ca' so Jesús ne'xaỹoqsoqo' yi na'a' leenaxat Belén, huaugui yi 'laua Judea, co'na' so Herodes nashi quiyi'maxare. Ca ỹovirera'o' yi na'a' lodegaxat Jerusalén saua ỹale' chicqora'gue da lqodoigue. Saua'maxare ỹaatqajam ỹa'deene' retane' ana huaqajñi.

Mateo 2:16

Co'na' so Herodes retan quiyim saua 'deenaxanqachaqaqa ỹayine' so'maxare, ca' ỹaatqajam ro'o. Ca relaataxanlec quiyim qaỹalauat ná'ogue na ñaaqaipioqui' na'ñi yi Belén chaqai quenaua'que naua lahil, chicqochi'ñi quiyaua dos ñaxari. Ca taỹa'nquira ipaquichigui nqai'en dá'maq la'qaataxanaxague' saua 'deenaxanqachaqaqa.

Mateo 2:18

Qara'qaataque da nivillaxac 'maxa'ñi yi Ramá, oỹenaxac chaqai da naualaxac. Chaqaño' añi Raquel noỹenteguelec na llaalqaipi, chaqai se ỹa'maxaren qaicochaq, ma' mashic shi'gue ileue'.

1 Timoteo 2:15

Qam aca 'aalo nca'leuec no'm netela'a da lco'oxoc quiyim queetalec da lpi'ỹaxac chaqai da le'xorenataxanaxa, chaqai quiyim co'taxateta da nachaalataxac, chaqai netelalta'.

Rut 4:11

So qo'xoiquipi chaqai sá'ogue só'maq ỹalequetaho 'naaco': —Ajá'a, qomi' seuanqachigui. Ca' ¡ñi qara'gaxala' quiyim ỹo'uet cacajo 'aalo inoxona'a ca ra'aachi', 'nejem nqai'en aso Raquel chaqai aso Lea sauá'maq sachigoxosoxouguilo qomá'ogue qomi' llaalqaipi so Israel! Chaqai qami' ỹaatqajam qami' choxoraic chaqai ỹaataxaraic quena qara'a' Efrata, da liỹa leenaxat Belén.

1 Samuel 10:2

Ca' nagui ma' mashic noỹoochirec caỹim, ca huañiterelgoto ma'le caua dos ỹale' quiyi leseeque'ta yi nishinqa' na'le aso Raquel, quiyi Selsa quiyi 'laua huaugui yi Benjamín. Caua'maxare 'nerac ma'le quiyim shi'gue qaỹanatalo cauá'maq daañisapigui 'ashiñi', chaqai ñi qataa'i' qaica huapigui lauel quecaua'maxare, ta'ta'a caqamiri. Ca' 'naac negue' cá'maq 'neeta caqami' ma'le.