Génesis 35:11 - La'qaatqa ñi qota'olec Qota'olec & Qota'olec Novita Na Qomyipi

¹¹ ca 'naaco' queso'maxare: Ỹim ná'maq ỹim qota'olec sqaica lqalanec; 'xoic ma'le ca qachaalaxai'pi chaqai ca qauachi'ipi. Qami' chicqochigui ma'le ca 'xoic ỹoreta'oguit qomyipi, ca' queca qachaalaxai'pi 'ue ma'le ca chicqaugui nashillipi.

Génesis 35:11 Iomraidhean Croise

Génesis 12:2

Ca' queca qachaalaxai'pi, ca' sachigoxochichigui ca ni'ic lodegaxat; chaqai saanem qami' da iqouagaxa, chaqai so'uet quiyim qami' choxoraic ma'le, chaqai chicqochigui qami' ma'le ca la'maxa na liỹaripi.

Génesis 13:16

Ỹim ỹaatqajam 'xoic nqaishin ca'maxare, 'nejem na lamoxoỹaxa na 'laua. Ca 'nejem quiyim se qaishit qanaloqochin na namoxoỹaxa, ca' qai'neeta se qaishit qanaloqochin ma'le ca qachaalaxai'pi.

Génesis 15:5

Co'na'le, ca' ñi qara'gaxala' ỹauegueco' so Abram. Ca 'naaco': —Ỹaatqajam 'ajñite' na piguim, ca naloqochiñi' ana huaqajñi, no'm shichi' naloqojñi'. Ca chaqaica ỹorete' caua qachaalaxahi' ma'le.

Génesis 17:1

Ca co'na' so Abram ỹovite' saua noventa y nueve ñaxari, ca' ñi qara'gaxala' nachaxana so'maxare. Ca 'naaco': —Ỹim ná'maq qota'olec sqaica lqalanec; 'neeto' napio'xochi' da nachaalataxaqui' quiyim ñiiso'ot aỹim.

Génesis 17:16

Ỹaatqajam yqouaguegue añi'maxare, ca' sa'ue ca qachaalqui' chicqochigui nqaishin añi'maxare. Ajá'a, ỹaatqajam yqouaguegue ma'le. Ca añi'maxare late'e ma'le na ỹoreta'oguit qomyipi, chaqai ca llaalqaipi nashillipi ma'le quena ỹoreta'oguit qomyipi.

Génesis 17:4

—Da ña'maqataxac nagui caqami' 'neetasa': Qami' leta'a ma'le ná'ogue na ỹoreta'oguit qomyipi,

Génesis 18:14

¿'Uo' ca lqalanec ñi qara'gaxala' quiyim ỹo'uet? Quena liỹa ñaaxa, ca lotqai liỹa ñovita qami', ca mashic 'ue ma'le ca llaalec añi Sara.

Génesis 18:18

Ma' na'maxare leta'a ma'le ca 'xoic qomyipi chaqai quesaxanaxaic. Chaqai mashic shinac quiyim chicqochigui nqaishin da'maxare quiyim yqouaguegue ma'le ná'ogue na ỹoreta'oguit qomyipi quena 'laua.

Génesis 22:17

ỹaatqajam 'xoic ca iqouagaxa caqami' ma'le. Chaqai 'xoic nqaishin ma'le ca qachaalaxai'pi, 'nejem ana huaqajñi hueeto'ot na piguim; chaqai 'nejem na lo'uaxanaxa hueeto'oto naua lahil ana lachiugue. Chaqai ca'maxare sqaica lovi' nqai'en na npa'guenaxauaripi.

Génesis 28:14

Ca ca'maxare ỹovireta'a ma'le quiyim ỹaatqajam 'xoic, 'nejem na lamoxoỹaxa na 'laua, ca' neuagaxajlec ma'le da rapiguim chaqai da 'guiñi chaqai da lqodoigue chaqai da lauashiguim, chaqai ná'ogue na qomyipi quena 'laua chicqochigui da nqouagaxa qami' ma'le chaqai na qachaalaxai'pi.

Génesis 32:12

Ma' qami' ỹaatqajam re'qoote'uegue na'le dá'maq 'ñirac quiyim no'ueenaxachi' ca ỹicyaxac, chaqai quiyim tot qaica ca naloqochin ca ỹaalqaipi, 'ec na lo'uaxanaxa quenaua lahil ana huaaxai.

Génesis 36:31

Ca' 'ena ná'maq nashillipi ỹoiquentac yi Edom na' saqa'leca ca nashi quena llaalqaipi so Israel:

Génesis 43:14

Ca' ñi qota'olec ñí'maq sqaica lqalanec ỹo'uet quiyim qare'xoriñii ma'le, qaiyi qaỹosouec ca liỹa rqaỹahi chaqai ñi Benjamín. Chaqai caỹim, no'm taachigui quiyim qaica ca ỹaalec, ca' ¡chaqaida qaica ca ỹaalec!

Génesis 46:3

Co'na'le, ca ñi qota'olec 'naaco' queso'maxare: —Ỹim qota'olec, nqota'olec so qataa'i', qaica ca ro'chi'saque quiyim 'itegue da Egipto. Ma' chaqaiyi hua'ñi ma'le quiyim ñoquiigaxatec na qachaalaxai'pi, ỹaatqajam 'xoic nqaishin.

Génesis 47:27

Ca' so Israel llaalqaipi naalec yi Egipto, ỹa'ue la'a' quiyi 'laua leenaxat Gosén. Ca quiyi'maxare, ca' nqo'neuec, ca ỹaatqajam 'xoic.

Génesis 9:1

Ñi qota'olec ỹaaneco' da no'uen la'qaatec queso Noé chaqai quesaua llaalqa, 'naaco': —Ỹaatqajam 'xoico' nqai'ñii ca qachaalguii, no'xataxachijlco' na 'laua.

Génesis 9:7

Qam qamiri 'xoico' nqai'ñii ca qachaalguii, ca' no'xataxachilec na 'laua.

Éxodo 1:7

Qam só'maq Israel llaalqaipi co'o, ca ỹaatqajam 'xoic na llaalqaipi noquiiquetauec, vire'to' na' 'ue da lquesaxanaxa. Ca sham yá'ogue yi 'laua no'xalec quena'maxare.

Éxodo 2:24

Ca na'xaỹaxana da rashiilaxantaque, ma' no'ueena'co' da na'maqataxaco' na'le queso Abraham, Isaac chaqai so Jacob.

2 Corintios 6:18

qaiyi ỹaatqajam ỹim qataa'i. Chaqai qamiri, ca' qamiri ỹaalqaipi chaqai ỹaallipi, 'naac ñí'maq qara'gaxala' ñí'maq sqaica ca lqalanec.