Génesis 35:1 - La'qaatqa ñi qota'olec Qota'olec & Qota'olec Novita Na Qomyipi

¹ Ñi qota'olec 'naaco' na'le queso Jacob: —Ne'laxachirishiguim, ca' qui', ca ñira'ño' ma'le yi Betel. Ca' quiyi ma'le, ca' no'xoñirishiguim aca ncopatoxonaxalate quiyim ỹovita nqouagaxaiñitot ñi qota'olec ñí'maq nauanchiguit na' 'iichisa'piguit ca rqaỹa'e' Esaú.

Génesis 35:1 Iomraidhean Croise

Génesis 12:8

Ca co'na' ime, ca' quepegue' so qoỹoqoshi'megue 'laua pa'ỹa'gue da lqodoigue quiyi na'a' leenaxat Betel, ca ỹa'yiño' so la'a' na'daañi. Ca yi na'a' Betel pa'aata'gue da lauashiguim nqai'en so'maxare, chaqai pa'aata'gue nqai'en da lqodoigue yi na'a' Hai. Ca' quiyi, ca' so Abram liỹa no'xonshiguim aso lcopatoxonaxalate, ca' nqouagaxain quiichigui nqai'en da leenaxat ñi qara'gaxala'.

Génesis 16:8

Ca inato', 'naaco': —Agar, qami' la'a aca Sarai, ¿negue' ca chicqoira'gue, chaqai negue' ca 'ira'gue? Ca 'naaco' aso'maxare: —Seetetapeguem aca ña'cooro Sarai.

Génesis 22:14

Ca na' ime, ca' so Abraham ỹa'uo' da leenaxat yijo 'laua, leenaxato' nqai'en: Ñi qara'gaxala' ỹa'ue cá'maq qaỹouentaque. Vichiguiño' nagui qaiyiita qohinac: Cada quemaralec ladocai ñi qara'gaxala' ỹa'ue cá'maq qaỹouentaque.

Génesis 29:1

Ca' lotqai eec so Jacob, quepegue' yi na'laua na lqodoigueseripi.

Génesis 31:13

Ỹim ná'maq ỹim qota'olec nachaxana qami' na'le quiyi Betel. Ca' yí hua'ñi na' cochirelec ca qa' queca aceite, ca' 'ỹaañirec da ra'qaachiqui'. Nagui, ca' raqamqai' ne'laxachirishiguim, oquire'e na ñi'sa'ñi, pillita ca 'laua ne'xaỹoqsoqochi'.

Génesis 31:3

Co'na'le, ca' ñi qara'gaxala' 'naaco' queso Jacob: —Pillitegue da la'aate' caua qata'alli' yí'maq neeta'ñi yi qauochi' laseripi, ca' ỹim iỹaatac ma'le qami'.

Génesis 34:31

Qam saua'maxare 'neraco': —Ca' ¿ỹa'maqachiguiño' quiyim so'maxare 'neeta'gue quiyim 'ec aca nanatqa lo'o' añi qarqaỹa?

Génesis 35:15

Ca' sojo 'laua ỹanegue leenaxat Betel, loqo'm qota'olec la'a'.

Génesis 35:7

Ca na'le, ca' ỹo'uet aca lcopatoxonaxalate quiyim nqouagaxain. Ime, ca' ỹanegue sojo 'laua leenaxat El-Betel, loqo'm la'a' yí ñi qota'olec. Ma' na' 'eetapeguem so lqaỹa, ca' qanachaxano' na'le quiñi qota'olec quiyi'maxare.

Salmos 46:1

Ñi qota'olec quepaqataxanteguelgoto qomi' chaqai qarquesaxanaxa; chaqai quena' 'ue da qareuogoxo, ca' qarotauan.

Salmos 91:15

Ma' roỹaxanaque aỹim, ca' sasaachiguit; ¡ca chaqaỹim ná'maq iỹaatac ma'le! Ñaqata'a quenaua le'xoyaxaco, ca so'uet quiyim 'xoic na imaqachin;

Éxodo 2:15

Ca' chaqaida 'neeto', ma' co'na' ỹa'den so Faraón quiyim so Moisés ỹalauat so Egipto le'ec, ca' relaataxan quiyim qaidaanaque so Moisés, ca' qaỹalauat. Qam so Moisés shi'co' 'eet, quepegue' yi 'laua leenaxat Madián. Co'na' ỹovita, ca nqa'xanño' quena lahi aso ni'ỹa.

1 Samuel 10:3

Ca ma' liỹa quiita, ca' ma' viriỹa ada qo'paq encina na'ñi yi Tabor, ca nachiñiỹa'guita ma'le caua tres ỹale' taira'gue da Betel quiyim nqouagaxaintot ñi qota'olec. Ca 'óna i'xatete' caua tres queta', chaqai ca liỹa, ca i'xatete' caua tres paañi', chaqai ca liỹa, ca' i'xateta aca liỹoxoso loshicmaxa no'qaachigui quena lataxa.