Génesis 34:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ca co'na' novirero saua llaalqa so Jacob, chicqorauec queda no'ueenaxa. Ca co'na' ỹa'deene' dajo, ca' chalego lauele', ma' chalego lecaic dá'maq ne'naxac so llaalqaipi so Israel, ma' so Siquem chaqai ỹoiquentac quiyim lapa'ñi' aso llaale. ¡Dajo qaica ma' 'ue quet ca ishit 'ne'tegue!

Génesis 34:7 Iomraidhean Croise

Génesis 20:9

Co'na' ime, ca' so nashi Abimelec roỹaxane'oga so Abraham. Ca 'naaco': —¡'Ajñi' dá'maq 'ñiteteguelo qomi'! ¿Negue' cá'maq se ỹa'maxañi shine'tegue qami', quiyim taalec nqai'ñi' aỹim chaqai ná'ogue na ñalliripi da chalego lecaic nasauaxaset?

Génesis 34:6

Qam so Hamor, só'maq leta'a so Siquem, quepegue' so Jacob quiyim retaxaỹa'pegue' so'maxare.

Génesis 34:8

Qam so Hamor retaxaỹa'pegueto' saua'maxare, ca 'naaco': —Ñi ỹaalec Siquem ỹaatqajam nqo'ta añi rqaỹahi. Ca' qouaguiic, 'xañiỹac quiyim loua añi'maxare.

Génesis 46:7

Sá'ogue so llaalqaipi, llaallipi, lauaripi, ỹalliripi, chaqai 'aallipi eec, liỹaatac so'maxare.

Jeremías 29:23

Dajo 'ue na'le quesaua'maxare sauaxat se no'uen da ỹo'ueetesac quena Israel: hueesa'piguit ana loua na lauo' le'ec chaqai 'ue da ỹa'xatesac sqai llic quiyim se selarelec. Ỹim sa'den chaqai ỹaatqajam seuanchigui. Ỹim na'gaxala', se'taxajñi da ỹa'qaatec.

1 Corintios 10:8

Qai'neeta se salegaxaugui na nedequentac, sqai 'nejem da 'ne'teco' na'le so'maxare ma' 'uo' na nedequen, ca vichiguiño' ileuo' so veintitres mil qomyipi queso 'oonoqui' na'xa'a.

1 Corintios 6:18

Ca vichiguiño' 'iichiỹapeguem da dequenaxac. Canchaqaica liỹa quená'maq nasauaxaset quiyim ỹo'uet ca qom, qam se ishit pa'aauo quena loshicmaxa. Qam ca queetalec da nedequenaxac, ca ca'maxare chi ỹasauaxat ca chi lalamaxat loshicmaxa.

Efesios 5:3

Ca' mashic qamiri lalamaxarete' ñi qota'a, ca no'uen quiyim totqai 'maxauguilo qamiri ca dequenaxac, chaqai ná'ogue na liỹa se no'uen, chaqai cá'maq ipita'a ca ỹoqa'a.

Colosenses 3:5

Ca' vichiguiño' qamiri ỹaatqajam 'ec ileu nqai'ñii ná'ogue ná'maq no'ueenataxaguii hueetalec na 'laua: Ca' qaica quet cá'maq hueeta'piguit quet aca se loua, chaqai sqo 'viichii cá'maq rapio'qotaxan, chaqai sqai quiita'pegue' na rqo'itaxanqachiguii chaqai quená'maq se no'uen, chaqai se qo'itaxanqachaqaqa qamiri, ma' dajo 'ec quiyim qanqouagaxainot ca nashiilec nqolac.

1 Timoteo 5:13

Vireta'a quiyim queetaguilo naua 'imqa, ca ỹovireta'a quiyim hualai. Chaqai mesqaidaata quiyim hualai, qam qai'neeta la'axaqa lo'o', chaqai nishitaxai, chaqai ỹa'xateta'pe nauá'maq tot ỹa'machiñi.

Hebreos 13:4

Chaqai quiyim ná'ogue se napacalec da leloxoỹaxac ca nouaỹaxac. Quiitalec quiyim 'maxachii'tegue dá'maq 'neeta ca nouaỹaxac. Ma' ñi qota'a ỹa'ue ma'le ca nouaxanaxaset na nedequenaxaiquipi chaqai ná'maq ỹadalaxat aca loua.

Santiago 3:10

Quiñí'maq 'oonoqui' qodap quiyim chicqotapougui da qaremaqajnataxanaxac chaqai da qarishiuenaxanaxac. Qamiri ỹaqaỹarolqa, se ỹa'maxañi quiyim 'neetari' dajo.

1 Pedro 2:9

Qam qamiri ỹaatqajam qamiri ni'ic lca'acsec ñi qota'a, chaqai qamiri letaxaỹaxanqajanqa nqai'en na qomyipi quiyim taxaỹa'pegue' ñi'maxare ma' qota'a, chaqai co'teete' nqai'ne' qamiri chaqai qamiri lalamaxarete'. Ca dajo 'ne'tegue caqamiri, qaiyi 'xachii' nauá'maq chalego loyaague' lo'ueenataxanaxaco ñi qota'a, ñí'maq roỹaxana'alo qamiri na' viitaugui so napalaxa quiyim noxoñiu'a dá'maq chalego loyac lauaq ñi'maxare.