Génesis 33:4 - La'qaatqa ñi qota'olec Qota'olec & Qota'olec Novita Na Qomyipi

⁴ Qam so Esaú ni'guinshiguim, queeta'guit. Ca na' ỹovichiguit, ca' qa'aalegue na lqosot, ca' nqo'goq, ca' saua'que noỹene'.

Génesis 33:4 Iomraidhean Croise

Génesis 29:11

Ime, ca' iquin chaqai nqo'goq, ca' noỹentac.

Génesis 29:13

Ca' so Labán co'na' 'xaỹaque qaỹa'xat so Jacob só'maq llaalec aso lqaỹa, ca' ne'guenta ca'guit, ca nqa'aalliguit, iquin, ca' nqo'goq, ca' ỹauego queca la'a'. Ca na' ime, ca' so Jacob ỹa'xat dá'ogue dá'maq 'neeto' na'le.

Génesis 32:11

¡Ñaq qouaquiric, yca'laxachirec queca ỹaqaỹa Esaú, qaiyi se youaxan! Paguec da iqolonaxa quiyim anac, ca nalauachiñi naua 'aalo chaqai na llaalqaipioqui' chaqai quiyim yoqocac.

Génesis 32:28

Ca só'maq ỹale 'naaco': —Tot qadeenaxachi' nagui da Jacob. Ca dá'maq qadeenaxachi' nagui 'neetasa': Israel, loqo'm qota'olec leloquiaxaua, ma' loquisa'pegue' ñi qota'olec chaqai na qomyipi, qam sqaica lovi' nqai'ñi'.

Génesis 43:30

ca so José ỹaatqajam 'ue da 'neeta, ma' iuana so lanoq. Ca' se nalo'guit da noỹenaxac, ca inoxonaugui ca lauo', ca' noỹen.

Génesis 43:34

Ca' so José qui'ỹaxanataxanegue só'maq hueetalec so lqui'ỹaxala'. Qam ỹapacauec nqai'en so ỹaanem so Benjamín quesaua liỹa'. Ca' so José chaqai saua lqaỹa' saua'que ne'taxaua'. Ca saua'maxare 'xoic da laỹaague'.

Génesis 45:2

Co'na'le, ca' noỹen, ỹaatqajam nelamaxaren. Ca sá'ogue so Egipto laseripi ỹa'den, chaqai vire'ta so Faraón 'ue da la'xaỹaxac.

Génesis 46:29

ca' so José relaataxanlec aso lahi' nahoglena, ma' ỹahotaque ca'guit so leta'a. Ca na' ỹovichiguit so leta'a, ca' nqa'aalliguit. Ca shi'gom noỹentac huaqatalec na lallaac.

Nehemías 1:11

Ca ñi'xoresene'tot qami' nagui quiyim na'xaỹaxañita da nqouagaxainaxac chaqai da lashiilaxanaxac najo relaachiqui', ma' qaica ca liỹa ỹahotaque, qaidaata quiyim remaqachiñi'. Chaqai sashiila'isac quiyim seshit da sahotaque quiyim taachigui lauel nqai'ñi' ñi nashi quiyim nqouaguic. Ỹim ñaqaỹim ne'taxaqui lo'o na'le so nashi Artajerjes.

Job 2:12

Ca co'na' tot qoỹoxouo, ca iuanteta so Job. Qam ma' sham tot no'uentegue, ca chaqa'ma' ỹaualaxe', chaqai noỹene', chaqai nasectaqta'ahi saua loho queda nqui'ic. Chaqai nimiishiguim na 'laua lamoxoỹaxa, chaqai nemeetere'e naua lqahigo'.

Lucas 15:20

Ca' quiyi, ca' eec, pila yi la'a' so leta'a. Ca co'na' ñaq qoỹoqo'chiguit, ca so leta'a ỹauañi'chiguit so'maxare. Ca' ỹaatqajam 'uo' da le'xorenataxanaxa. Ca' ne'guenta ca'guit. Ca co'na' ỹovichiguit, ca' qa'aalegue chaqai nqo'goq.

Hechos 20:37

Sá'ogue noỹentagui, chaqai qa'aalegue so Pablo, chaqai nqo'goq.

1 Samuel 20:41

Ca co'na' mashic ỹoxogue so nelaatec, ca' so David nenoxonec, chicqo'tegue da lahi so lapootañi qaripi. Ca' tres ỹa'chi'iñi naua le'cootal ỹoviraqta'guit na latap na 'laua queso Jonatán. Ime, ca' nqo'goxata' chaqai noỹenta'ta', chi ỹovire'ta quiyim nimishiguim da 'neeta so David.