Génesis 33:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Vichiguiño' 'ue da ipagaxallic quiyim coñichiguit ná'maq ỹame ñoda'a qami', ma' ñi qota'olec chicqo'ot da quiyim ỹim nesallaxanec, ca' qaica ca souentaque. Ca' so Jacob ỹaatqajam 'ue da lepagaxallic, vire'ta na' so Esaú icoñiguit so neme.

Génesis 33:11 Iomraidhean Croise

Génesis 30:43

Ca chi ỹovireto'o' quiyim ỹaatqajam nesallaxanec so Jacob, chaqai vire'to' na' 'xoic aso lalo qagreta, chaqai so lelaatqaipi, chaqai aso lelaataipi, chaqai lalo nauaanaxanaxa late'ellipi, chaqai 'ashinyipi.

Génesis 32:21

Ca' chaqaido' 'neeta na'le so nameripi 'aueta, ca' so'maxare no'ueenañi la'qaañi queso pe quiyi nco'matqa'.

Génesis 33:10

Qam so Jacob 'ue da lepagaxallic piltalec da la'qaatec, 'naaco': —'E', qouaquiric. No'm chaqaiyi quiyim yi'xoriñi', ca' 'maxaraic quiyim coñichiguit na ỹame. Ma' quiyim seuañiraxaua' shiiquiaxam seuana ñi qota'olec, ma' mashic quira'guit aỹim.

Génesis 33:12

Qam 'naaco': —Hua', qam qolqa'e najo, ỹim sa'aueto' caqami'.

Génesis 33:9

Ca 'naaco' so Esaú: —'E', qami' ỹaqaỹoolec, naloosañi yauá'maq iloo, yi le'neetari' ná'maq qalo'e'ipi.

2 Reyes 2:17

Qam ỹaatqajam 'xoic da nepagaxallic, ca vire'to' na' qaila' so cincuenta ỹalliripi. Ca' so qomyipi idaantaque so Elías quesaua tres na'xata', qam se qoỹanata.

2 Reyes 5:23

Ca' so Naamán 'naaco' queso'maxare: —Qouaquiric coñichiguit ana seis mil chiróla chicqaugui ana plata. Ca' so Naamán 'ue da lepagaxallic quiyim icoñiguit. Ca ishichiguilo saua dos soguel chaqai saua dos noho naloochiriñi. Ca ỹaanoto saua dos lelaatqa quiyim ỹauegue' so Giezi.

Lucas 14:23

Ca' so 'co' 'naapego' so lelaatec: “Mo'e', quiteguelo ma'le naua nayico leta'al chaqai naua nayicolqai' chaqai repaquira'a na liỹa quiyim nenoxono, qaiyi no'xagui na iuo'.

1 Corintios 3:21

Vichiguiño' qaica ca nemaqajan caqamiri quiyim ỹa'queetalec ca chaqai qom, ma' ná'ogue nanchaqaina huelecna chi ralamaxachii:

2 Corintios 6:10

'Eno'm sachicoqota, qam ñaqai qara'maqachiguiñi. 'Eno'm se'xorqata, qam 'xoic na 'ue nqaiyi nqaishinaq. 'Eno'm qaica ca yi coqomi', qam qaica cá'maq souenqataque quená'ogue.

Filipenses 4:18

Ma' ỹim mashic shi'gue paguec ana secoñiguit quecá'maq ñotauanaxac quet, ca cá'maq qanela' na'le queso Epafrodito aso'maxare ỹaatqajam nalau'a ná'ogue ná'maq souentaque. Ca' sojo rotaanaxanqachii aso'maxare 'nejem ca nichiinaxanaxat lo'daxaraic lahita quiyim qaỹavigaxat, ca' qoỹaanot ñi qota'a, ca ỹa'maxarenta ñi'maxare.

1 Timoteo 4:8

Ma' dá'maq lpa'ataxaric na qaroshicmaxa 'ue da 'negue, qam qailligueme'. Qam no'm ỹaatqajam qoyiquejlec ñi qota'a, ca' ỹaatqajam 'ue da 'negue. Ma' ỹaatqajam chicqaugui da 'aachicyaxac queda qanachaalataxac nagui, chaqai quecá'maq chaalataxac ñaqa naata.

1 Samuel 25:27

Ca' nagui ñi'xoresene'tot qami' quiyim najo ỹame ñodouec, ca neuagaxachigui nqai'ñi' na relaataxai'ipi riỹa'isac,