Génesis 33:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Qam so Jacob 'ue da lepagaxallic piltalec da la'qaatec, 'naaco': —'E', qouaquiric. No'm chaqaiyi quiyim yi'xoriñi', ca' 'maxaraic quiyim coñichiguit na ỹame. Ma' quiyim seuañiraxaua' shiiquiaxam seuana ñi qota'olec, ma' mashic quira'guit aỹim.

Génesis 33:10 Iomraidhean Croise

Génesis 19:19

Qamiri mashic 'xoic da rqouagaxahi caỹim, chaqai qamiri huagaxaraqa caỹim, ma' yca'laxachiuec. Qam ỹim re'qoota se sovijta'a yi qoỹoqoshi'megue 'laua. Ca ma' qanopoxoỹaxajñi najo, ca qaỹoviralgoto qomi' quena nayic, ca qai'neete' qomi' qareleu.

Génesis 32:30

Ca' so Jacob ỹanegue leenaxat Penuel, loqo'm qota'olec lashic, yijo 'laua, ma' 'naaco': Ỹaatqajam seuanchigui na lashic ñi qota'olec, qam qaiyiita ñaq yca'leetauec.

Génesis 33:11

Vichiguiño' 'ue da ipagaxallic quiyim coñichiguit ná'maq ỹame ñoda'a qami', ma' ñi qota'olec chicqo'ot da quiyim ỹim nesallaxanec, ca' qaica ca souentaque. Ca' so Jacob ỹaatqajam 'ue da lepagaxallic, vire'ta na' so Esaú icoñiguit so neme.

Génesis 33:9

Ca 'naaco' so Esaú: —'E', qami' ỹaqaỹoolec, naloosañi yauá'maq iloo, yi le'neetari' ná'maq qalo'e'ipi.

Génesis 43:3

Qam so Judá 'naaco': —Ñi ỹale na' seuqata'quera ỹaatqajam ỹaatqate'uegue da la'qaatec coqomi', 'naac: No'm se naviguii ca rqaỹahi na'aasa, ca 'maxaraic quiyim se noviriua'.

Génesis 47:29

Ca 'uo' so na'xa'a so Israel nauata'guito' quiyim tot qaỹaloq ileu. Ca roỹaxane'oga so llaalec José, ma' ỹahotaque 'naapega: —No'm llic vi'saque qouaquiric, ca' shichitot na rqai'laxachi' na ỹoteleta'. Ca 'ỹaañitot ca ra'qaachiqui' ñi qota'olec, quiyim shichi' 'viichi' cá'maq sashiilaxanaque. ¡Qouaquiric, se yishiñiriño' ma'le quena Egipto!

Génesis 50:4

Ca co'na' ime'ueque saua na'xata' nasouaxaqui', ca' so José eeco' quepegue' só'maq nashillipi neeta'ñi yi la'a' so Faraón. Ca 'naaco': —Quiyim ỹaatqajam llic rqo'chiiua', ca qouaguiic quet quiyim 'ñiỹapega ñi Faraón,

Jeremías 31:2

Ñi qara'gaxala' 'naac: Quiyi 'laua qaica qom ñachaxan quiyim ỹim huagaxaraic quená'maq qomyipi qohit queso nelauaxa. Na' so Israel idaantaque ca nco'matqa',

Mateo 18:10

Mesqaica ca liỹoxoỹa'piguit quená'maq 'ec sqaica ca lemaqachic. Ma' ỹim shinac caqamiri queda piguim ná'maq neloxoỹaripi quena'maxare ỹoviretacot naua'que naua na'xata' ñi ita'a qota'olec neeta'gue da piguim.

Apocalipsis 22:4

Ca' ỹaatqajam neuane'e' ñi'maxare, chaqai ná'ogue qoỹeretalec na latap na leenaxat.

Rut 2:10

Ca' aso Rut ỹa'chi'iñi naua le'cootal, ỹoviraxata'guit na latap na 'laua. Ca inato' so Booz: —¿Chi'neco' ma' ỹaatqajam lamaxachichirigui aỹim quiyim yi'xoriñi' quiyim ỹoqa'a ca sachicqa'gue?

1 Samuel 20:3

Qam so David lotqai liỹa pilalec da la'qaatec, 'naaco': —Ñi qataa'i' ỹaatqajam ỹa'deenta quiyim ỹim rqo'itaxachi', ca' peeta'a se ỹa'deenaxanaxanegue dajo qami', ma' sqoue quiyim sqa 'maxariñi'. Qam saanem qami' da ỹa'qaatec, 'qaachigui ñi qara'gaxala', quiyim sqaỹaloq yime.