Génesis 32:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ca' so Jacob na' 'xaỹa dajo, ca' 'xoic da lqolonaxa, chaqai 'xoic da lachitachic. Ca iuagaxachigui só'maq lauo' liỹaatac so'maxare, dos lapooqote' nqai'en, chaqai qai'neeta so qagretaipi, huacallipi chaqai so nauaanaxanaxa late'ellipi.

Génesis 32:7 Iomraidhean Croise

Génesis 32:11

¡Ñaq qouaquiric, yca'laxachirec queca ỹaqaỹa Esaú, qaiyi se youaxan! Paguec da iqolonaxa quiyim anac, ca nalauachiñi naua 'aalo chaqai na llaalqaipioqui' chaqai quiyim yoqocac.

Génesis 32:3

Ca' so Jacob ỹa'vio' saua lelaatqa quiyim querepegue' yi 'laua Seir, da liỹa leenaxat Edom, quiyim ỹa'ue la'xaỹaxac so Esaú quiyim sham novi' so lanoq.

Génesis 32:8

Ma' 'ñiichiquio' lauel: No'm ca Esaú nanac, ca' i'guentaugui ca 'óna lapooqo', ca' ca liỹa lapooqo' ishit 'eet.

Génesis 33:1

Ca co'na' so Jacob idaana'guit quiyim so Esaú liỹaatac so cuatrocientos qomyipi, ca' iuagaxachigui so ñaaqaipioqui' quesaua Lea, Raquel, chaqai saua dos la'a.

Génesis 35:3

Se ñaỹaloxonaq quiyim saxague da Betel, ma' queda ma'le, ca' so'uet aca icopatoxonaxalate quiyim ñqouagaxainot ñi qota'olec ñí'maq yotauan na' yiuocqotac chaqai ycoỹaretegueñi quecá'maq seueta'gue.

Salmos 107:6

Qam na' neuocqotac, ca ỹaualqot ñi qara'gaxala', ca ñi'maxare naqata'a queda leuogoxo.

Salmos 31:13

Sa'xaỹa na qomyipi nemootetecta': Ná'ogue hueetaugui da nqolonaxa. 'Xoic, qam 'oonoqui' da la'deenataxanaxac quiyim na'xalentapigui aỹim; ¡na'xalentapigui aỹim quiyim ỹahotaque yalauat!

Éxodo 14:10

Ca co'na' so Israel llaalqaipi retan quiyim so Faraón chaqai so Egipto laseripi tot qoỹoxoguit, ca' chalego da lqolonaxa. Ca' ỹashiila ñi qara'gaxala' quiyim qaỹotauan.

Mateo 10:16

¡Ñaqai 'ajñii! Ỹim selate' qamiri, 'nejme' aqamiri aca qagreta, quiichicñigui nqohin na lavinñi ca iseripi toxonaxairipi. Qam na'deenaxanqachiñii, 'ñiitari' ca nanaic, qam sqa vii ca rovirii, 'ñiitari' ca coviguiñic.

Mateo 8:26

Ca' so Jesús 'naaco' quesaua'maxare: —¿Chi'negue ma' 'xoic na rqolonaxahi? ¡Ỹaatqajam cocho'qui' da rpi'ỹaxaguii! Ca co'na'le, ca ne'laxashiguim. Ca' nelaxa so nonot chaqai aso huaaxai, ca chaqa'ma' sá'ogue nayaarichiguiñi.

Juan 16:33

Dá'ogue dajo shinac caqamiri, qaiyi 'ue ca ra'maxahi quiyim na'yiitau'a ỹim. 'Ue da re'xoriguii ma'le quena viitalec 'laua. Qam 'neeto' reualliñi, ma' ỹim mashic shi'gue ỹoxonec da 'ueenataxac hueetalec na 'laua.

Hechos 14:22

Ca' saua'maxare ỹa'ñaxatesac sauá'maq neesalec yi 'laua so mashic icoñiguit da na'qaatec quiyim na'ñaxate'tegue da lpi'ỹaxac. Chaqai 'neraco' quiyim ỹouen 'xoic le'xoric ca qom, ca' qaigueme inoxoneu'a da lo'ueenataxanaxac ñi qota'a ma' ỹoiquentac ná'ogue najo.

2 Corintios 1:4

Ñi qota'a ñí'maq lo'daxachiguilo qovilli' quenaua'que naua qare'xoyaxaco, qaiyi qomi' seshitaq quiyim llo'daqainaq cá'maq 'ue ca le'xoric, saanqaem dá'maq 'nejem da lo'daqainataxanaxac ñi qota'a coqomi'.

2 Timoteo 3:12

Qam ỹaatqajam lliqueta quená'maq quejlec so Cristo Jesús, qai'neeta ỹovirau'a da le'xoric queda nocanaxac.