Génesis 32:5 - La'qaatqa ñi qota'olec Qota'olec & Qota'olec Novita Na Qomyipi

⁵ Chaqai 'ue ana ilo huaca, 'ashinyipi, qagretaipi, ilaatqaipi, ilaatallipi. Selata qami' da ỹa'qaatec, qami' ỹa'gaxala', sahotaque sa'deenta quiyim yi'xoriñi'.

Génesis 32:5 Iomraidhean Croise

Génesis 30:43

Ca chi ỹovireto'o' quiyim ỹaatqajam nesallaxanec so Jacob, chaqai vire'to' na' 'xoic aso lalo qagreta, chaqai so lelaatqaipi, chaqai aso lelaataipi, chaqai lalo nauaanaxanaxa late'ellipi, chaqai 'ashinyipi.

Génesis 31:16

Ca' llic quiyim dá'ogue dá'maq lesallaxa ñi qareta'a rouootaxana'gue ñi qota'olec, chaqai qaralamaxaret chaqai naua qochaalqa. Ca' 'viichi' cá'ogue cá'maq 'naac ñi qota'olec caqami'.

Génesis 31:3

Co'na'le, ca' ñi qara'gaxala' 'naaco' queso Jacob: —Pillitegue da la'aate' caua qata'alli' yí'maq neeta'ñi yi qauochi' laseripi, ca' ỹim iỹaatac ma'le qami'.

Génesis 33:11

Vichiguiño' 'ue da ipagaxallic quiyim coñichiguit ná'maq ỹame ñoda'a qami', ma' ñi qota'olec chicqo'ot da quiyim ỹim nesallaxanec, ca' qaica ca souentaque. Ca' so Jacob ỹaatqajam 'ue da lepagaxallic, vire'ta na' so Esaú icoñiguit so neme.

Génesis 33:15

Ca' so Esaú 'naaco': —'Maxariñite' quiyim 'vii caua ño'ueenaqterañi quena ỹalliripi ñauequeta'pegue'. Qam so Jacob 'naaco': —'E', yi nalootañi dá'maq rquelolaxa'e'.

Génesis 33:8

Co'na'le, ca' renataxano' so Esaú: —¿Negue' ca vi'saque 'viichi' quesó'taq iseripi sauareta'piguit? Ca' so Jacob 'naaco': —Sahotaque quiyim yi'xoriñi'.

Génesis 47:25

Ca saua'maxare 'neraco': —Ỹaatqajam qami' qouagaxanqachaqaic coqomi', ma' ¡nca'laxachirec qomi' queso nqopaaxa! Ca' nagui, ca qomi'o' la'aqa ñi Faraón.

2 Samuel 16:4

—Ajá'a, ỹa'maqachiguiñi —'naaco' so nashi—, ca' nagui, ca ná'ogue qatooỹaqui' na louenqaipi na'le so Mefi-boset. Ca' so Siba 'naaco': —¡Saxanchi' se neme da rqouagaxa'e' caỹim, qami' ỹashi! Ca ỹa'chi'iño' naua le'cootal reloqo'tot so nashi David.

Lucas 12:45

Qam quecajo 'neetapega quiyim sqaua' novi' ca na'co', ca' ỹouaxantac na liỹaripi nelaatqaipi chaqana nelaataipi, ime, ca' quelec da lqui'ỹaxac, chaqai da ne'taxac quena lataxa,

Rut 2:2

'Uo' so na'xa'a, ca' aso Rut 'naaco' caso Noemí: —'Maxariñite' quiyim se'palaxanec, sha'apiguito' quiyim 'ue cá'maq mashic raqataxan ỹa'maxarenta quiyim chi sco'uaataxanta, ñi'palatac ana ni'ỹoqote la na nanecsec. Ca' aso ni'ỹoqoro 'naaco': —Ajá'a, mo'e', ỹaalole.

1 Samuel 1:18

—Ỹaatqajam 'xoic ña'aachic —'naaco' aso'maxare. Ca co'na' ime, ca' aso Ana pilegue cá'maq chicqa'gue, ca' que'e, ca' tot qaica ma' liỹa quet rachicota.