Génesis 32:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca 'ne'teco'yi da la'qaatec: —'Ñiỹapego' ma'le ca ỹopiichi Esaú: Na rqaỹa'e' Jacob ỹahotaque quiyim 'xoriñi', vichiguiño' nela' da la'qaatec 'naacsa': Aỹim sento'ot ñi qaneteesqo' Labán saua'que saua ñaxari.

Génesis 32:4 Iomraidhean Croise

Génesis 23:6

—¡Nañaañi' rqouagaxa'e', qami' qara'gaxala', na'xaỹaxañiroxoua'! Qami' lca'acsec ñi qota'olec quiyim lliquisauguilo qomi'. Nca'a'iraque acá'maq paguec no'uen napal lahi' coqomi', ca' shiñiri'ñi aca roua'e', ma' coqomi' qaica quet cá'maq ỹollitapeguem aca lahi'.

Génesis 25:30

Ca 'naaco' queso Jacob: —Qouaquiric, vite ca noq quena reuooshqui' toc, ma' yalauat na iqopaaxa. (Vichiguiño' so Esaú qai'neeta qaỹa'den quiyim qohinac Edom, loqo'm toc.)

Génesis 27:29

Chaqai 'xoic ca qomyipi ro'ueenataxanot qami' ma'le; chaqai na ỹoreta'oguit qomyipi ỹa'dooto qami' ma'le naua le'cootal. Ca 'viiquiñi'sac ma'le na rqaỹachi'ipi; ¡chaqai ỹa'dooto qami' naua le'cootal! Cá'maq ishiuen qami', ca' qaỹa'ue ca nouaxanaxaset, qam cá'maq re'xoriñi', ca' qai'xoren.

Génesis 27:37

Ca' so Isaac 'naaco' queso'maxare: —'Anta, mashic saanem so Jacob quiyim so'maxare ỹapacauec caqami', chaqai saanem quiyim lelaatqaipi ná'ogue na lauo' laseripi, chaqai sahotaque quiyim 'xoic ma'le ca trigo chaqai ca lataxa queso'maxare. Ca ¿negue' queto' cá'maq shinta'gue caqami' nagui, ỹaalcolec?

Génesis 31:41

Veinte ñaxari senta'ñi yi ra'aachi', ca nauajo nauá'maq sovirau'alo: so'ueenataxantac catorce ñaxari sahinteguelgoto naua dos qachaalli'; ca' quena qalo'e', ca' seis ñaxari so'ueenataxantacot aqami'; qam chita'gue quen lotqai dalaxachi' aca ñishiuete.

Génesis 32:18

ca' qami' 'ñiraco': Chi name caqami', qami' ỹa'gaxala' Esaú, chicqo'ot ca relaachiqui' Jacob. Ca na'maxare co'uaatetalgoto qomi'.

Génesis 32:5

Chaqai 'ue ana ilo huaca, 'ashinyipi, qagretaipi, ilaatqaipi, ilaatallipi. Selata qami' da ỹa'qaatec, qami' ỹa'gaxala', sahotaque sa'deenta quiyim yi'xoriñi'.

Génesis 33:14

Paguec la'maxa quiyim 'avite' quenajo relaachiqui'. Ca' ỹim chi ñqo'neeta'co'da ma'le, ñimootaxanta na iseripi scoỹaretalec chaqai na ñaaqaipioqui', vire'to' ma' ñiuanaqta' quiyi Seir.

Génesis 33:8

Co'na'le, ca' renataxano' so Esaú: —¿Negue' ca vi'saque 'viichi' quesó'taq iseripi sauareta'piguit? Ca' so Jacob 'naaco': —Sahotaque quiyim yi'xoriñi'.

Génesis 36:8

Ca' vichiguiño' so Esaú na'aamataxat da Edom quepegue' yi 'laua leenaxat Seir, ca' naalec. Quesojo 'laua 'xoic ana qa' ladocai.

Génesis 36:9

Ca' najo ná'maq llaalqaipi so Esaú só'maq chigoxougui na edomita laseripi ná'maq neetalec yi 'laua Seir, yí'maq huaalec ana quemaralec qa' ladocaipi.

Génesis 4:7

Quetqai 'viichi'saco' ca ỹa'maqachiguiñi, ca' nedaañichirishiguim quet. Qam ma' sqai 'viichi', ca yí'maq rasauaxashichi' nauaantaque cá'maq la'maqa' quiyim qami' loxonec. Qam qami' quet ná'maq qadoxonqui' quet da'maxare.

Éxodo 32:22

Ca' so Aarón 'naaco': —Qami' ỹa'gaxala', totaxan 'o'iriua'. Qami' 'yiiñite' najo qomyipi ỹaatqajam nqo'ta ỹo'uet da se no'uen.

Proverbios 25:15

Da la'ñaxac neuel taauec nqai'en ca nonogoxonaxac; naua ỹolaauete' na'qaatqa iuagaxatac ca neuel.

Lucas 14:11

Ma' cá'maq chi ỹauaaque ca lecaic, ca' se qaimaqachin, chaqai cá'maq neneequesenta, ca qaimaqachin.

1 Pedro 3:6

Ca' chaqaida 'neeto' na'le aso Sara, ma' ỹaatqajam na'xaỹaxane'ta so Abraham. Ca co'quena' roỹaxana, ca 'naaco' quen “ỹa'gaxala'”. Qamiri qai'neeta viriỹau'a ma'le quiyim 'ñiita aso'maxare, no'm 'viichii ca ỹa'maqachiguiñi chaqai qaica ca ro'chiỹaque.