Génesis 32:31 - La'qaatqa ñi qota'olec Qota'olec & Qota'olec Novita Na Qomyipi

³¹ Ca' so Jacob ca'e yi Penuel co'na' nenoxonshiguim aso ra'aasa. Qam chisqata'pegue' sauaxat sogui aso liỹegue.

Génesis 32:31 Iomraidhean Croise

Génesis 16:13

Ca' aso Agar na' ime retaqata'pegue' so nelaatec piguim le'ec, ca ỹanco' Ñi qota'olec ñí'maq reuanaxan, ma' 'naaco': Ñi qota'olec iuañiua', qam ñaq yca'leetauec.

Génesis 19:15

Qam co'na' mashic sham richiguiñi, ca' saua nelaatqa piguim lase' 'neraco' queso Lot: —¡Riỹalli'sac! Ñirishiguim, 'xachi' quenajo añi roua'e', chaqai naua qachaalli', no'm sqai 'maxariñi' quiyim rillivi'. Ma' sahoqe ca nouaxanaxaset najo na'a'.

Génesis 19:23

Ca co'na' mashic richiguiñi, ca so Lot ỹovito' yi Zoar.

Génesis 32:25

Qam so ỹale co'na' ỹa'den quiyim se ishit loxonec so Jacob, ca' ỹouaxañigui ana liỹegue. Ca so Jacob sogui ana liỹegue na' ñaq reloquita'pegue' so'maxare.

Génesis 32:32

Vichiguiño' vire'ta nagui na llaalqaipi so Israel se ỹa'ic só'maq la'at quiichigui ana liỹegue na isecỹac, ma' chaqaiyi yí'maq qaỹouaxanchi'ño' na'le queso Jacob.

1 Reyes 12:25

So Jeroboam liỹa no'xonshiguim yi na'a' Siquem hua'ñi yi 'xoic ana quemaralec qa' quiyi Efraín, ca chaqa'ma' na'anyi. Ime, ca' lotqai no'xonshiguim qai'neeta yi na'a' Penuel.

1 Reyes 18:26

Ca' so qomyipi ỹacona'a só'maq huaqui llaalec qoỹaanem, ca ỹa'maxajñi. Ca' queso nete'eta, chi ỹovireta'a so na'xa'a lavinñi ỹaualqatacot ỹashiilatac so Baal, 'naaco' quen: —¡Baal, saachichiguita qomi'! Ca 'uo' quen na nenojshiguim, ỹaqaletentac aca lo'ueenata ncopatoxonaxalate, qam qaica ca qara'xaỹaque na'qaatec.

Éxodo 24:10

Ca' quiyi, ca iuanto' só'naq qota'olec queso Israel. Quecá'maq co'ueeta'ñi, ca' 'ue ca co'ueetalec qashilec 'ec na qa' leenaxat zafiro, chaqai richaañi 'ec na piguim.

Éxodo 24:11

Ca' ñi qota'olec qaico' ca 'negue na'le queso qomyipi nca'acseripi queso Israel llaalqaipi. Ca' so'maxare iuana ñi qota'olec, ca' na'le, ca' so qomyipi que'e chaqai ne'et.

Isaías 6:5

Ca' da ỹa'deenataxanaxac 'neetasa': ¡'Xoraicolec aỹim; nagui, ca' yileu! Ma' mashic seuana quenaua ñqote' ñi nashi, ñi qara'gaxala' sqaica lqalanec; ma' ỹim qom, ca' se no'viiñi naua ỹa'qaatqa, chaqai salequetaugui na qomyipi se no'viiñi naua la'qaatqa.

Malaquías 4:2

Qam caqamiri ma' yimaqachiñitac, ca' da ỹa'maqataxanaxa naviguec ma'le caqamiri, 'ec da lauaq añi ra'aasa, ca' queda lauaq chicqaugui da nca'laxa. Ca' qamiri nenochishiguim ma'le queda netoonaxaguii, 'ec ca huaqui llaalec quena' nenoxonec cañi lahi'.

2 Corintios 12:7

Ỹaatqajam chalego lecaic dajo iuanaxanaxac. Qam qaiyi sqai paguec ca ñimaqajnaxac, ca' qaỹa'ue so iueetaxanaxa mashic 'ec aca le qaỹa'deho quena ỹoshicmaxa na' noviriua' so lo'ueenataxanaxat so na'ỹaapec, ma' ỹahotaque quiyim ya'axat.

2 Corintios 12:9

Qam so qara'gaxala' 'naac caỹim: “Da i'xorenataxanaxa mashic viisaxauot, ca' qaica quet cá'maq liỹa viñisaque. Ma' dá'maq iquesaxanaxa re'oq quena' cá'maq qom qaica ca lquesaxanaxa.” Ca' vichiguiño' ñitoon ma' ỹim sqaica ca iquesaxanaxa, qaiyi re'oq caỹim da lquesaxanaxa so Cristo.

Jueces 6:22

Ca' so Gedeón co'na' retan quiyim retaqata'pegue' so nelaatec piguim le'ec, ca 'naaco': —¡'Xoraicolec aỹim, qami' ỹa'gaxala'! ¡Ỹaatqajam ñiuane'e' ya'i'tot so relaachiqui' piguim le'ec, qami' ỹa'gaxala'!

Jueces 6:23

Qam ñi qara'gaxala' 'naaco' queso'maxare: —Totaxan ro'chi'i', ma' se rillivi'. 'A, coñichiguit da iuagaxa.