Génesis 32:30 - La'qaatqa ñi qota'olec Qota'olec & Qota'olec Novita Na Qomyipi

³⁰ Ca' so Jacob ỹanegue leenaxat Penuel, loqo'm qota'olec lashic, yijo 'laua, ma' 'naaco': Ỹaatqajam seuanchigui na lashic ñi qota'olec, qam qaiyiita ñaq yca'leetauec.

Génesis 32:30 Iomraidhean Croise

Génesis 16:13

Ca' aso Agar na' ime retaqata'pegue' so nelaatec piguim le'ec, ca ỹanco' Ñi qota'olec ñí'maq reuanaxan, ma' 'naaco': Ñi qota'olec iuañiua', qam ñaq yca'leetauec.

Génesis 28:19

Chaqaiyi yi'maxare 'uo' na'le so 'auaxaic na'a' leenaxato' Luz, qam so Jacob ỹoỹooto'o' da leenaxat, ỹanco' Betel, loqo'm qota'olec la'a'.

Génesis 35:9

Ca co'na' so Jacob chicqota'gue da Padan-aram, ca' lotqai qanachaxana quiñi qota'olec. Ca' ỹaanem da no'uen llicyaxac,

1 Reyes 12:25

So Jeroboam liỹa no'xonshiguim yi na'a' Siquem hua'ñi yi 'xoic ana quemaralec qa' quiyi Efraín, ca chaqa'ma' na'anyi. Ime, ca' lotqai no'xonshiguim qai'neeta yi na'a' Penuel.

Isaías 6:5

Ca' da ỹa'deenataxanaxac 'neetasa': ¡'Xoraicolec aỹim; nagui, ca' yileu! Ma' mashic seuana quenaua ñqote' ñi nashi, ñi qara'gaxala' sqaica lqalanec; ma' ỹim qom, ca' se no'viiñi naua ỹa'qaatqa, chaqai salequetaugui na qomyipi se no'viiñi naua la'qaatqa.

Isaías 9:5

Re'qoota nqai'en da lelamqa' naua lapelate' na nouaataxanaq, ca' naua lapelate' chaqai naua loho leuore'teguelo qaỹavigaxate', ỹasoote' nqohine' ma'le queca norec.

Juan 1:18

Ñi qota'olec qaica iuanapega, qam so 'oonoqui' llaalec só'maq ỹaatqajam neeto'ot ñi'maxare ñí'maq leta'a, chaqaiso só'maq ỹa'deenaxanaxanque qomi' ñi qota'olec.

1 Corintios 13:12

Ca' chaqaida 'nejem nagui 'ue ná'maq seuanaxa, qam napalalec 'ec aca na'ỹoxolate quiyim i'telqatalec. Qam ma' ỹovita ca na'xa'a, ca seuanaxa ỹaatqajam ná'ogue re'qojlec. Ca' nagui saqa' nalogoñi dá'maq sa'den, qam ma'le ma' ỹaatqajam ná'ogue sa'deenta, 'nejem quiñi qota'a ỹa'den aỹim.

2 Corintios 3:18

Vichiguiño' qomá'ogue mashic tot qaica ca lapooque' na qarashic, ca shinqatari' aca na'ỹoxolate quiyim re'qoota na lauaq so qara'gaxala', ca' ñoquiicqatauec quiyim shinqatam so Cristo, ma' noquiiquetauec dá'maq lauaq so'maxare coqomi'. Qam dajo ỹo'uet só'maq qara'gaxala', ma' Espíritu Santo.

2 Corintios 4:6

Ma' ñi qota'a ñí'maq nela' aso lcoỹeraxanaxaqui quiyim naviguec na'le queso napalaxa, chaqaiñi ñí'maq naviguec nqai'en aso lcoỹeraxanaxaqui cañi qare'taxanata, qaiyi seuanaxa da lauaq ñi qota'a quena' naviguec quena lashic so Jesucristo.

Gálatas 1:6

Ỹaatqajam chalego da i'laxa quiyim chita'gue chaqa'ma' sham lachii ñi qota'a, ma' chaqaiñi ñí'maq roỹaxanalo qomi', ỹachigoxochichigui da le'xorenataxanaxa so Cristo coqomi', chaqai quiyim quiita'pegue' dá'maq ỹoqa'a na'qaatec qohinac chicqaugui da nca'laxa.

Efesios 1:17

Sashiilatac ñi qota'olec queso qara'gaxala' Jesucristo, ñí'maq chalego lecaic qareta'a, quiyim ỹaanema qamiri ca na'deenaxanaxa chicqo'ot nqai'en so Espíritu, qaiyi 'yiiñii cá'maq ỹachaxañiỹaxarom chaqai quiyim ỹaatqajam 'yiiñichigui dá'maq 'neeta ñi'maxare.

Deuteronomio 34:10

Qam qaica ma' 'ue quet ca liỹa letaxaỹaxaqui ñi qota'olec 'nejem so Moisés quiyi Israel, quiyim ñi qara'gaxala' reloqota'guit quiyim retaqata'pegue',

Colosenses 1:15

Ñi qota'a ñí'maq qaican iuana, ñi'maxare hueetaugui da re'qoochigui no'ueenataxac na'le so llaalec, só'maq 'auaxaico' na'le na' saqa'leca ná'ogue nanchaqaina.

2 Timoteo 1:10

Ca' dajo le'xorenataxanaxa ñi'maxare ỹachaxan nagui, qam quiichigui nqai'en da loviraxac so qarca'laxaqui Jesucristo, só'maq napacalec da lquesaxanaxa so nelauaxa. Chaqai ỹachigoxochichigui da na'qaatec chicqaugui da nca'laxa, ca' chaqaida dá'maq re'oq nqai'en da nca'laxa tot ishit quiyim qaỹosogui.

Hebreos 11:27

Ma' 'uo' da lpi'ỹaxac so Moisés, ca' ca'e yi 'laua Egipto, se no'cha'a da lonogoxonaxac so nashi. Ỹaatqajam queetalec dá'maq chi no'ueenataxac, 'ec ra'iito'ot ñi qota'a ñí'maq sqaica iuana.

Jueces 13:17

Ca co'na'le, ca' so Manoa 'naaco' queso nelaatec piguim le'ec: —Qam choxochitema qomi' ca qadeenaxachi', qaiyi ma' ỹovirelec quiyim ipaquichigui dá'ogue dajo, ca' saanqatacot qami' ca qana'aachic.

Jueces 13:18

Qam so nelaatec piguim le'ec 'naaco': —¿Chi'neco' ma' vi'saque 'yiiñi' da ỹeenaxat? Quiyim da'maxare ỹaatqajam se re'xogui chalego loyac.