Génesis 32:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Ca co'na' qaisoota nodaatec so Jacob, ca anaco' so ỹale. Ca' reloquita'pegue' so'maxare pelom, chi ỹovireto'o' na' richiguiñi.

Génesis 32:24 Iomraidhean Croise

Génesis 18:2

Ca co'na' so Abraham nedaanashiguim, ca' saua tres ỹale' reloqoso'ot so'maxare. Ca co'na' iuane'talo, ca ne'laxatashiguim quelola'pegueto, ca nqai'guiñi ỹoviraqta'guit na latap na 'laua.

Génesis 30:8

Ca' aso Raquel 'naaco': —Najo noctoqui' leenaxato' Neftalí, loqo'm iloquiaxac, ma' ỹaatqajam 'xoic na iloquiaxac cañi ỹopilete, ca' mashic ỹoxona.

Génesis 32:23

liỹa'ta nqai'en sá'ogue so na'aateteripi.

Génesis 32:25

Qam so ỹale co'na' ỹa'den quiyim se ishit loxonec so Jacob, ca' ỹouaxañigui ana liỹegue. Ca so Jacob sogui ana liỹegue na' ñaq reloquita'pegue' so'maxare.

Génesis 32:28

Ca só'maq ỹale 'naaco': —Tot qadeenaxachi' nagui da Jacob. Ca dá'maq qadeenaxachi' nagui 'neetasa': Israel, loqo'm qota'olec leloquiaxaua, ma' loquisa'pegue' ñi qota'olec chaqai na qomyipi, qam sqaica lovi' nqai'ñi'.

Génesis 32:30

Ca' so Jacob ỹanegue leenaxat Penuel, loqo'm qota'olec lashic, yijo 'laua, ma' 'naaco': Ỹaatqajam seuanchigui na lashic ñi qota'olec, qam qaiyiita ñaq yca'leetauec.

Génesis 48:16

ñí'maq qota'olec lelaatec piguim le'ec, ñí'maq ro'ootaxanteguelec aỹim quená'ogue na se no'uen, ñi'maxare no'ueenaxat ca llicyaxague' nauajo ñaaqolqa. Chaqai quiyim chicqochiguilo naua'maxare quiyim se qaicoua'e da ỹeenaxat chaqai da leenaxat so ỹapi' Abraham chaqai so ita'a Isaac. Chaqai quiyim 'xoic ca llaalqaipi naua'maxare quena 'laua.

Éxodo 14:27

Ca' so Moisés ỹachaxanshiguim da lqai'laxat, naloqojnejlec aso huaaxai. Ca na' mashic richiguiñi, ca pilta' so huaaxai, ca' ipaquichigui dá'maq chaqai'en 'neetari'. Ca co'na' so Egipto laseripi ỹahotaque llic quiyim 'eet, ca' natena'guit so huaxaỹaq caso huaaxai. Ca' da 'neeto' na'le na' ñi qara'gaxala' iyinñi nqai'en so'maxare.

Lucas 13:24

—Nquipichiỹa'pegue' quiyim noxoñiho quiñi cocho'qui' lasom, ma' ỹim shinac quiyim ỹaatqajam 'xoic ma'le ca ỹahotaque inoxono, qam se ishit.

Lucas 22:44

Ca co'na' paguec da le'xoric, ca lotqai noquigaxatec da lquesaxanaxa da nqouagaxainaxac, chaqai na nenoxoỹaxa naquetac, 'ec naua leuo' ñitetañi quena 'laua.

Romanos 15:30

Ñi'xoresentouguilo qamiri ỹaqaỹa' queso qara'gaxala' Jesucristo chaqai queda ne'xorenataxanaxa chicqo'ot so Espíritu Santo ỹaanema qomi', quiyim yotauañii queda iloquiaxac, nqouagaxaiñitalec aỹim quiñi qota'a.

1 Corintios 15:47

So 'auaxaic qom qaỹachigoxotaugui na 'laua, ca so'maxare 'lauasec. Qam só'maq co'uaataxanta qom, só'maq qara'gaxala', so'maxare chicqo'ot na piguim.

Efesios 6:12

Ma' se seloquiaqata'pegue' ca chaqai qom qara'aajshaxaua, ta'ta'a ná'maq lquesaxanaxa se re'xogui na se no'uen hueeto'ot na piguim, ná'maq relaataxanac chaqai 'ue da lquesaxanaxa, chaqai ỹoiquentac ná'maq ñaqai hueetaugui na napalaxa quenajo 'laua.

Efesios 6:18

Qam nqouagaxaiñii quiyim 'viichii dá'ogue dajo. Se neme ne'xorishiñitacot ñi qota'a, qam quiichigui nqai'ñii da rashiilaxanaxaguii so Espíritu. Ỹaatqajam nelohitec, qaiyi shichii 'viichii dajo. Se reuallitegueñi, chaqai nqouagaxaiñitalec ná'ogue ná'maq lalamaxaret ñi qota'a.

Colosenses 2:1

Ma' sahotaque quiyim 'yiiñii quiyim ỹaatqajam ña'ñaxat seloquiteguelgoto qamiri, chaqai quená'maq neeta'ñi yi Laodicea, chaqai quená'ogue ná'maq se iuanapiguiỹa'.

Colosenses 4:12

Ilatalo qamiri da liquinaxanaxac ñi Epafras. Ñi'maxare qai'neeta lelaatec so Jesucristo, chaqai qai'neeta chicqotouguilo qamiri na'le. Ñi'maxare ỹaatqajam se neme nqouagaxainteguelgoto quen qamiri, qaiyi qaica ca se no'uen ra'deenataxanaxaguii. Ta'ta'a quiyim ỹaatqajam nañaañita quiyim 'viichii cá'maq ỹahotaque ñi qota'a.

Hebreos 5:7

Co'na' so Cristo hueetalec najo 'laua ỹaatqajam nelamaxaren nqouagaxaintac, chaqai rashiilaxantac, noỹento'ot ñí'maq 'ue da lquesaxanaxa quiyim se ỹovira'a nqai'en da nelauaxa. Ca ñi qota'a na'xaỹaxana so'maxare, ma' so'maxare ỹaatqajam nomatalta' nañaanot ñi'maxare.