Génesis 31:7 - La'qaatqa ñi qota'olec Qota'olec & Qota'olec Novita Na Qomyipi

⁷ Qam ñi'maxare chi yayintac chaqai ỹadalaxat añi ỹauegue. Qam qaiyiita ñi qota'olec sqai ỹaxanegue quiyim ỹo'uet ca se ỹa'maxañi caỹim.

Génesis 31:7 Iomraidhean Croise

Génesis 15:1

Ca co'na' ime dajo, ca' ñi qara'gaxala' retaxaỹa'pegue' so Abram, viichigui nqai'en so leuanaxanaxac. Ca 'naaco': —Qaica ro'chi'raque, Abram, ma' ỹim squepaqataxanteguelec qami'. Ỹaatqajam 'xoic lecaic ma'le aca nishivichi'i'.

Génesis 20:6

Ca' queso le'guemataxac, ca' qohinapego' quiñi qota'olec: Ỹim sa'deenta quiyim qaica ca vi'saque na' 'viichi' dajo. Vichiguiño' sqai saxanegue quiyim vichira'guit añi 'aalo, qaiyi qaica ca rasauaxashichi' caỹim.

Génesis 29:25

Ca' na' richiguiñi queso liỹa na'xa'a, ca' so Jacob ỹa'den quiyim so'maxare lapaata'ñi' aso Lea. Ca 'naaco' queso Labán: —¿Negue' cá'maq 'neeto' dá'maq 'ñitetegue aỹim? ¿Mesqai so'ueenataxanot qami' sahinteguelec ada Raquel? Ca' ¿chi'neco' ma' yayiñi'?

Génesis 30:28

'Ñirapiguiỹa' ỹote' acá'maq vi'saque ravigui'i', ca' ỹim seshiueten ma'le caqami'.

Génesis 31:24

Qam queso pe ñi qota'olec nachaxana so Labán só'maq arameo le'ec queso le'guemataxac. Ca 'naaco': —Ñaq na'xaỹaxañi', 'neeto' sqai 'maxachira'gue ca 'xachi' ma'le quiñi Jacob.

Génesis 31:29

Ỹim ỹa'maqachiguiñi quet quiyim so'uet ca se ỹa'maxañi caqamiri. Qam squepe netaxaỹa'ña aỹim ñí'maq qota'olec queca qataa'i'. Ca 'naapiguiỹa': Ñaq na'xaỹaxañi', 'neeto' sqai 'maxachira'gue ca 'xachi' ma'le quiñi Jacob.

Génesis 31:41

Veinte ñaxari senta'ñi yi ra'aachi', ca nauajo nauá'maq sovirau'alo: so'ueenataxantac catorce ñaxari sahinteguelgoto naua dos qachaalli'; ca' quena qalo'e', ca' seis ñaxari so'ueenataxantacot aqami'; qam chita'gue quen lotqai dalaxachi' aca ñishiuete.

Nehemías 4:12

Qam ná'maq judioipi quená'maq lauoraripi, na'maxare nanac quiyim ra'qaataxanalo qomi' quiyim sojo qomyipi sqa ỹaataq ca chicqo'tegue ma'le quiyim queu'alo qomi'.

Job 1:10

Ma' qami' qaica ca ỹoviro'ot nqai'ñi'; 'ootaxañiseguelec ñi'maxare chaqai na llaalqaipi. Ca' qaica ca ỹovira'a, chaqai no'ueenaxachi' ná'ogue ná'maq ỹo'uet. Chaqai ñi'maxare paguec nesallaxanec nqai'ñi' quena lalo quená'ogue na 'laua.

Job 19:3

Ma' pillitailec quiyim quiitapiguiỹa'; ca ¿qaico' ca rayiloxohi quiyim 'ñiita'gue dajo caỹim?

Job 19:8

Ñi qota'olec ỹapo'ñigui so ỹic, qaiyi sqa shique'tegue; ca' se re'xogue nqai'en so ỹic quena napalaxa.

Daniel 1:20

Ca' quená'ogue nanchaqaina quená'maq ỹouen ca na'deenec chaqai da nco'ỹaxaric quesó'maq renataxanegue na'le so nashi, ca ỹa'den quiyim qaica ca nalo'guita quesá'ogue so liỹaripi, ỹaatqajam ỹapaquerauec quesá'ogue so pi'xonyipi chaqai ná'maq richaauec nqai'en nanchaqaina, quená'ogue na lauo' so nashi.