Génesis 31:53 - La'qaatqa ñi qota'olec Qota'olec & Qota'olec Novita Na Qomyipi

⁵³ Ca' chaqai ỹoiquena'pe qomi' ñí'maq qota'olec quesó'maq qapichi' Abraham chaqai so ỹapi' Nacor. Co'na'le, ca' so Jacob nallitalta' ỹaanot da la'qaatec ñi qota'olec queso leta'a Isaac, ñí'maq nqouagaxaintacot.

Génesis 31:53 Iomraidhean Croise

Génesis 11:31

Co'na'le, ca' so Taré ca'e yi Ur na'ñi yi caldeo laseripi. Ca' quepegue' yi 'laua Canaán, ỹauec so llaalec Abram, chaqai so laual Lot, chaqai aso late Sarai. Qam co'na' ỹovijta yi na'a' Harán, ca' chaqa'ma' nera'ñi.

Génesis 14:22

Qam so Abram 'naaco': —Ỹaatqajam saanot da ỹa'qaatec ñi ỹa'gaxala' ñí'maq qaica 'nejem qota'olec, lo'ueenatec na 'laua chaqai na piguim,

Génesis 16:5

Ca co'na'le, ca' aso Sarai 'naaco' queso Abram: —¡Qami' rasauaxashichi' quiyim añi Agar tot nqo'chiiua'! Shaaco' ỹim saanem qami' quiyim roua'e'. Ca' nagui ma' sham 'ue ca llaalec, ca' 'neetapigui lauel quiyim ỹapacauec caỹim. Ca' ñi qara'gaxala' ỹa'xat cá'maq 'ue ca lasauaxaset, ỹim loqo'm qami'.

Génesis 17:7

Dá'maq ña'maqataxac caqami' chaqai quecá'ogue ca qachaalaxai'pi ma'le quiyim chaqai 'neetari' ỹim qota'olec caqami' chaqai ỹim nqota'olec cá'maq qachaalaxai'pi.

Génesis 28:13

Qai'neeta iuano' ñi qara'gaxala' nachaatetañi reloqotalec so'maxare. Ca 'naaco' quen: —Ỹim ná'maq ỹim na'gaxala', ỹim qota'olec queso qapichi' Abraham, chaqai so qataa'i' Isaac. Qami' chaqai na qachaalaxai'pi saanem ma'le najo 'laua ná'maq vi'sa'ñi.

Génesis 31:42

Quetqai sqai sento'oto' ñi qota'olec queca Abraham, ñi qota'olec ñí'maq nqouagaxaintacot ñi ita'a Isaac, ca' peeta'a sqaca quet aca nañaañi' queta' yilachirec. Qam ñi qota'olec iuana da ỹachicoxo chaqai dá'maq ñigui da ỹo'ueenataxanaxac. Ca' squepe, ca retaxaỹa'a qami'.

Génesis 31:52

Ca' chaqaida dá'maq i'taxajñi coqomi'. Ca' qami' chaqaỹim se seshitaq ñapacqalec quiyim ca 'óna ỹo'uet ca se no'uen queca liỹa.

Génesis 47:31

Ca' so leta'a Israel liỹo' pilalec da la'qaatec, 'naaco': —¡'Ỹaañirec, 'taxachiriñi ca ra'qaachiqui'! Ca' so José ỹaanot da la'qaatec ñi qota'olec. Co'na'le, ca' so Israel nanaqachiguiñi nqai'en na lqahic quena lo'xaiqa' so lomala'.

Éxodo 3:6

Ca lotqai liỹo' 'naac: —Chaqaỹim ná'maq ỹim qota'olec quesó'maq 'auaxaic qata'i'llipi. Aỹim qota'olec quesaua qapirilli' Abraham, Isaac chaqai so Jacob. Ca' so Moisés ỹapoquio' na lashic, ma' no'cho' quiyim ra'ỹo'ot ñi qota'olec.

Éxodo 5:21

Ca' qohinapegalo': —Ñi qara'gaxala' ỹa'ajanta'pe qamiri chaqai quiyim ỹouaxane' qamiri queda 'ñii'tegue. Ma' rasauaxashichii quiyim ñi Faraón chaqai na lotauaripi ỹaatqajam qa'viỹa'que qomi' chaqai ỹaan na lo'goxonqateripi, qaiyi qaralauat.

Deuteronomio 6:13

Nqouagaxaiñitacot ñi na'gaxala' qota'olec caqamiri, qaiñiita 'ueenataxañitacot. Ca quiyim ỹovirelec quiyim 'ỹaañiuec ca ra'qaachiguii pacqajñichigui, qam quiichigui nqai'ñii da leenaxat ñi qara'gaxala'.

Josué 24:2

Ca 'naac quesá'ogue so qomyipi: —Da la'qaatec ñi qara'gaxala', ñí'maq qota'olec quena Israel, 'neetasa': Nallaaqo' quesaua 'auaxaqa qata'allii Taré chaqai saua llaalqa Abraham chaqai so Nacor neeso'ot na lahi aso lachiugue Eufrates, nqouagaxainsacoto' quen na nashiilqaipi.

1 Samuel 20:23

Ca' dajo qara'qaatec mashic saqatqajanqauec quiyim sqaica lqodoc, da'maxare mashic 'qaachigui ñi qara'gaxala'.

1 Samuel 24:12

¡Ca' ñi qara'gaxala' imite' qomi' ma'le, ca ñi'maxare ỹo'uet ca nouaxanaxashichi' sauaxat aỹim! Ca quena' ỹim qaica ma' sahotaque quet quiyim 'ue ca shine'tegue qami', ma' qami' qarashi.