Génesis 31:42 - La'qaatqa ñi qota'olec Qota'olec & Qota'olec Novita Na Qomyipi

⁴² Quetqai sqai sento'oto' ñi qota'olec queca Abraham, ñi qota'olec ñí'maq nqouagaxaintacot ñi ita'a Isaac, ca' peeta'a sqaca quet aca nañaañi' queta' yilachirec. Qam ñi qota'olec iuana da ỹachicoxo chaqai dá'maq ñigui da ỹo'ueenataxanaxac. Ca' squepe, ca retaxaỹa'a qami'.

Génesis 31:42 Iomraidhean Croise

Génesis 11:5

Qam ñi qara'gaxala' renotec ỹa'ajan ca na'a' chaqai aso naue ỹo'ueetetac so qomyipi.

Génesis 16:11

Ca nagui qami' 'manaxai, ca 'ue ma'le ca qachaalqui'. Ca leenaxat nqai'ñi' ma'le Ismael, loqo'm ñi qota'olec 'qaa, ma' ñi'maxare iuana da re'xoriqui'.

Génesis 16:13

Ca' aso Agar na' ime retaqata'pegue' so nelaatec piguim le'ec, ca ỹanco' Ñi qota'olec ñí'maq reuanaxan, ma' 'naaco': Ñi qota'olec iuañiua', qam ñaq yca'leetauec.

Génesis 27:33

Ca' so Isaac ỹaatqajam 'uo' da le'laxa. Ca co'na' retaqa, ca i'loxola'ueque naua la'qaatqa: —Ca ¿nega'ỹo' só'maq eeco' reparaxan, ca nodouo so anoq? Ỹim sa'ic sá'ogue na' saqa' novichiro, ca' saanem da iqouagaxa. Ca' nagui so'maxare no'ueeno'ot da qouagaxa.

Génesis 29:32

Ca' aso Lea 'man, ca 'ue so llaalec só'maq ỹanegue leenaxat Rubén, loqo'm 'anta ỹaalec, ma' 'naaco': —Ñi qara'gaxala' iuana da ỹachicoxo, ca vichiguiño' nagui nqo'chiiua' ñi ỹoua ma'le.

Génesis 31:12

Ca' so nelaatec 'naapiguiỹa': Ỹaatqajam 'ajñite', ca' huañita ma'le quiyim ná'ogue ná'maq quetaq louaaripi nodaachiguiñi 'ue ana lete chaqai 'vii naua lachi' chaqai teulaxaic, ma' yitan dá'ogue dá'maq 'ne'tegue qami' ñi Labán.

Génesis 31:24

Qam queso pe ñi qota'olec nachaxana so Labán só'maq arameo le'ec queso le'guemataxac. Ca 'naaco': —Ñaq na'xaỹaxañi', 'neeto' sqai 'maxachira'gue ca 'xachi' ma'le quiñi Jacob.

Génesis 31:29

Ỹim ỹa'maqachiguiñi quet quiyim so'uet ca se ỹa'maxañi caqamiri. Qam squepe netaxaỹa'ña aỹim ñí'maq qota'olec queca qataa'i'. Ca 'naapiguiỹa': Ñaq na'xaỹaxañi', 'neeto' sqai 'maxachira'gue ca 'xachi' ma'le quiñi Jacob.

Génesis 31:5

Ca 'naapegalo': —Yitan quiyim ñi qataa'i totqai 'ne'tegue aỹim cá'maq quesom. Qam ñi qota'olec quecá'maq ita'a se yayaxanec sqo ỹoxe'oga.

Génesis 31:53

Ca' chaqai ỹoiquena'pe qomi' ñí'maq qota'olec quesó'maq qapichi' Abraham chaqai so ỹapi' Nacor. Co'na'le, ca' so Jacob nallitalta' ỹaanot da la'qaatec ñi qota'olec queso leta'a Isaac, ñí'maq nqouagaxaintacot.

Génesis 32:9

Ca na' ime, ca' nqouagaxain, 'naaco': —Qami' ỹa'gaxala', qami' qota'olec queso ỹapi' Abraham chaqai ca ita'a Isaac, ma' 'ñirapiguiỹa' quiyim yapila na ña'laua chaqai na iuo' laseripi, chaqai quiyim 'ñirac no'ueenaxachi' ca ỹicyaxac.

Génesis 35:3

Se ñaỹaloxonaq quiyim saxague da Betel, ma' queda ma'le, ca' so'uet aca icopatoxonaxalate quiyim ñqouagaxainot ñi qota'olec ñí'maq yotauan na' yiuocqotac chaqai ycoỹaretegueñi quecá'maq seueta'gue.

Génesis 46:1

Co'na'le, ca' so Israel na'maxajñi quiyim eec i'xat sá'ogue só'maq hueeto'ot. Ca co'na' ỹovita yi Beerseba, ca' ỹa'ue so lachitaxanataxanaxat ỹavigaxat, ca ỹaanot ñi qota'olec queso leta'a Isaac.

Salmos 31:7

Da re'xorenataxanaxa'e' ỹo'uet da ñitoonaxac chaqai da ỹa'maxa. Qami' huañichirigui da ỹachicoxo, chaqai 'yiiñite' naua ñi'guenaxaco.

Éxodo 3:7

Qam ñi qara'gaxala' queetalco' dá'maq ỹa'xatetac, 'naaco': —Ỹim ỹaatqajam seuanchigui da le'xoric yi ỹalamaxareteripi neeta'ñi yi Egipto. Sa'qaatapega quiyim se nqo'ta dá'maq qohinta'gue quená'maq neloxoỹaq quena no'ueenataxanaq, chaqai sa'deenta dá'maq le'xoric.

Deuteronomio 15:13

Qam quiyim ỹovita 'xañirec, mese chi lauaróle nqai'ñi', qaica ca 'ỹaañitem.

Judas 1:9

Qam só'maq lashi na nelaatqaipi piguim laseripi, leenaxat Miguel, co'na' reloquita'pegue' so na'ỹaapec, ro'ootaxanteguelec so loshicmaxa so Moisés, se ishit quiyim inaxalec ca nouaxanaxaset ỹahota'ahi naua la'qaatqa. Ta'ta'a quiyim 'naac: “Ñí'maq qara'gaxala' nelaxa qami' ma'le.”