Génesis 31:34 - La'qaatqa ñi qota'olec Qota'olec & Qota'olec Novita Na Qomyipi

³⁴ Ca aso'maxare iconalo' caua nqolaqa, ca illauguilo saua laualate' caso lañaxalate, ca' icanlgoto saua'maxare. Ca' so Labán imitetapougui sá'ogue so lauo' na'daañi, qam se ỹanatalo saua lqolaqa.

Génesis 31:34 Iomraidhean Croise

Génesis 31:17

Ca' so Jacob na'maxajñi, ỹahotaque pilegue da Canaán yí'maq neeta'ñi so leta'a Isaac. Ca' renotqajñishiguim saua llaalqa chaqai saua loua' quesaua nauaanaxanaxa late'el, ca' iconot sá'ogue só'maq lalamaxaret. Ca eec, liỹaatec sá'ogue so na'aateteripi só'maq icoñiguit ỹachigoxotaugui da lo'ueenataxanaxac quiyi Padan-aram.

Génesis 31:19

Ca co'na' so Labán ñaqai ỹoqa'a da hueeta'gue repetegaxantac caso lalo qagreta, ca' aso Raquel rocachalo' saua lqolaqa so leta'a.

Génesis 31:33

Ca' so Labán inoxonougui so lauo' na'daañi so Jacob. Ime, ca' lotqai so lauo' aso Lea chaqai saua lauooto' saua dos nelaata, qam se ỹanatalo caua lqolaqa. Ca co'na' nenoxonec queso lauo' na'daañi aso Lea, ca inoxonougui ca neetaugui aso Raquel.

Génesis 31:35

Co'na'le, ca 'naaco' aso Raquel: —Qami' ita'a, totaxan o'iriua' quiyim se ñi'laxashiguim, qam ma' ỹim la'aaxai, vichiguiño'. Ca ma' so Labán imitetapigui caua lqolaqa, qam se ỹanatalo.

Oseas 3:4

Ma' mashic shi'gom ma'le da 'neetari' na Israel llaalqaipi qaica ca lashi chaqai ca la'gaxala', qaica ca lachitaxanataxanaxat chaqai ca imaqachin qa', qaica ca looỹac na netaxaỹaxanqajanqaipi chaqai ca lashiilec na ni'iquipi quenaua la'aate'.

1 Samuel 15:23

Ma' ỹaatqajam 'ue ca lasauaxaset cá'maq sqai huelec ñi'maxare, ca 'nejem cá'maq napaxaguintapega cá'maq idaanau'a cá'maq se re'xogui; ca nqouagaxaintacot na nqolaquipi, ca 'nejem ca se na'xaỹaxana ñi'maxare. Ca' qami' ma' se na'xaỹaxañi' quedá'maq qohinac caqami', ca' nagui ñi'maxare ro'yirauec quiyi romachi' quiyim qami' nashi.