Génesis 31:3 - La'qaatqa ñi qota'olec Qota'olec & Qota'olec Novita Na Qomyipi

³ Co'na'le, ca' ñi qara'gaxala' 'naaco' queso Jacob: —Pillitegue da la'aate' caua qata'alli' yí'maq neeta'ñi yi qauochi' laseripi, ca' ỹim iỹaatac ma'le qami'.

Génesis 31:3 Iomraidhean Croise

Génesis 13:15

Ná'ogue najo 'laua 'ajñisac ỹim saanem aqami', ca chaqa'ma' ralamaxarichi' chaqai ca qachaalaxai'pi.

Génesis 21:22

Ca' quesauajo na'xata', na' so Abimelec quepegue' ỹahotaque quiyim retaxaỹa'pegue' so Abraham, liỹaatac so Ficol, lashi so nalliripi. Ca' so Abimelec 'naaco' queso Abraham: —Qomi' seuanaxa quiyim ñi qota'olec ỹotauantac qami' quená'ogue ná'maq 'viichi'sac.

Génesis 26:24

Ca' queso pe, ca qanachaxana so'maxare quiñi qara'gaxala'. Ca 'naaco': Ỹim ná'maq ỹim qota'olec queso qataa'i' Abraham. Qaica ro'chiraque; ma' qami' iỹaatac. Ma' chicqochigui nqaishin so ilaatec Abraham, ca 'xoic da iqouagaxa ma'le caqami', chaqai 'xoic nqaishin ca qachaalaxai'pi.

Génesis 28:13

Qai'neeta iuano' ñi qara'gaxala' nachaatetañi reloqotalec so'maxare. Ca 'naaco' quen: —Ỹim ná'maq ỹim na'gaxala', ỹim qota'olec queso qapichi' Abraham, chaqai so qataa'i' Isaac. Qami' chaqai na qachaalaxai'pi saanem ma'le najo 'laua ná'maq vi'sa'ñi.

Génesis 28:15

Ca' ỹim iỹaatac qami' scochi'sapegaxaua' quecanchaqai 'itegue, chaqai yapilaxata qami' ma'le najo 'laua. Se salachi'sac chaqai somachichigui dá'maq sachaxantac quiyim saanem qami'.

Génesis 28:4

Chaqai quiyim ỹaanem qami' chaqai ca qachaalaxai'pi qai'neeta ca lqouagaxa ỹachaxanem na'le so Abraham, qaiyi ralamaxarichii na 'laua senqatalec nagui, shinqatari' ca ỹoqa'a ca chicqa'gue, ma' ñi'maxare ỹachaxanapeguem quiyim ỹaanem so Abraham.

Génesis 30:25

Ca' aso Raquel co'na' ime ne'qaañi so llaalec José, ca' so Jacob 'naaco' queso Labán: —Ñaq yashiñiterec quiyim sopil quecá'maq ỹalamaxaret ỹa'a'.

Génesis 31:13

Ỹim ná'maq ỹim qota'olec nachaxana qami' na'le quiyi Betel. Ca' yí hua'ñi na' cochirelec ca qa' queca aceite, ca' 'ỹaañirec da ra'qaachiqui'. Nagui, ca' raqamqai' ne'laxachirishiguim, oquire'e na ñi'sa'ñi, pillita ca 'laua ne'xaỹoqsoqochi'.

Génesis 31:2

Ca so Jacob ra'ỹo'ot qai'neeta so Labán, ca' ỹoqa'a na lashic, mesqai 'nejem na' ñaqai 'aueta.

Génesis 31:4

Ca' so Jacob roỹaxana'a aso Raquel chaqai aso Lea quiyim querepegue' quiyi no'ueenaxa yí'maq neeta'ñi aso lalo qagretaipi.

Génesis 32:10

Ỹaatqajam sqa saiguit quet quiyim 'ue quet ca rqouagaxa'e' caỹim, chaqai quiyim paquiterelgoto naua ra'qaataxahi' quedá'maq 'ñi'sa'gue aỹim. Ma' ỹim na' ñapacta najo lachiugue leenaxat Jordán, qaica ca liỹa i'ỹaac, qanaata ana ỹashilete. Qam nagui sovirqata'a quiyim dos naua qalapooqote'.

Génesis 32:5

Chaqai 'ue ana ilo huaca, 'ashinyipi, qagretaipi, ilaatqaipi, ilaatallipi. Selata qami' da ỹa'qaatec, qami' ỹa'gaxala', sahotaque sa'deenta quiyim yi'xoriñi'.

Génesis 32:9

Ca na' ime, ca' nqouagaxain, 'naaco': —Qami' ỹa'gaxala', qami' qota'olec queso ỹapi' Abraham chaqai ca ita'a Isaac, ma' 'ñirapiguiỹa' quiyim yapila na ña'laua chaqai na iuo' laseripi, chaqai quiyim 'ñirac no'ueenaxachi' ca ỹicyaxac.

Génesis 35:1

Ñi qota'olec 'naaco' na'le queso Jacob: —Ne'laxachirishiguim, ca' qui', ca ñira'ño' ma'le yi Betel. Ca' quiyi ma'le, ca' no'xoñirishiguim aca ncopatoxonaxalate quiyim ỹovita nqouagaxaiñitot ñi qota'olec ñí'maq nauanchiguit na' 'iichisa'piguit ca rqaỹa'e' Esaú.

Génesis 35:3

Se ñaỹaloxonaq quiyim saxague da Betel, ma' queda ma'le, ca' so'uet aca icopatoxonaxalate quiyim ñqouagaxainot ñi qota'olec ñí'maq yotauan na' yiuocqotac chaqai ycoỹaretegueñi quecá'maq seueta'gue.

Génesis 50:24

Ca 'uo' so na'xa'a, ca so José 'naaco' queso lqaỹaripi: —Tot qaỹaloq yileu. Qam ñi qota'olec rotauañii ma'le, naqata'alo qamiri ma'le quenajo 'laua, ca i'xate' qamiri ma'le quiyi 'laua ỹachaxan na'le, ỹahotaque ỹaanema saua qarapiri Abraham, Isaac chaqai so qareta'a Jacob.

Salmos 46:1

Ñi qota'olec quepaqataxanteguelgoto qomi' chaqai qarquesaxanaxa; chaqai quena' 'ue da qareuogoxo, ca' qarotauan.

Salmos 50:15

Ca ỹaxañita ỹim quiyim 'ue ca reuogoxo'e'; ca ỹim so'ootaxanlec qami', ca qami' yimaqachiñi' ma'le.

Salmos 90:15

Ladoc nqai'ñi' da qanachaalataxac, ỹocane' nqai'ñi' saua ñaxari qare'xoyaxaqui'.

Éxodo 3:12

Ca ñi qota'olec 'naaco' queso'maxare: —Ñauequeta'pegue' qami' ma'le. Ca' dajo dá'maq retanqui' quiyim chaqaỹim selachi': Ma' naqachira'a quiyi Egipto yi ỹalamaxareteripi, ca qamiá'ogue nqouagaxaiñiỹot aỹim ma'le canajo qa' ladocai.

Isaías 41:10

Totaxan ro'chi'i', ma' qami' iỹaatac; se ro'chi'i', ma' ỹim qota'olec caqami'. Ỹim sa'ue ca rquesaxanaxa'e', ỹim sotauañi', ỹim ñolliitañi qami' queda iqai'laxat huegaxanaxai.

Hebreos 13:5

Chaqai 'neeto' pacqajñiỹauec aca plata; ta'ta'a quiyim netooñita'gue cá'maq 'ue caqamiri. Ma' ñi qota'a 'naaco' quen: “Se iuanapega quiyim ñoỹootec caqami', chaqai se salachi'sac.”