Génesis 31:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca' so nelaatec 'naapiguiỹa': Ỹaatqajam 'ajñite', ca' huañita ma'le quiyim ná'ogue ná'maq quetaq louaaripi nodaachiguiñi 'ue ana lete chaqai 'vii naua lachi' chaqai teulaxaic, ma' yitan dá'ogue dá'maq 'ne'tegue qami' ñi Labán.

Génesis 31:12 Iomraidhean Croise

Génesis 31:10

Ca' 'uo' so na'xa'a co'na' na iseripi ỹovire'oga quiyim pa'e, ca' 'ue so i'guemataxac. Ca' queso'maxare, ca' seuana na quetaq loua' quena' renojlec ana loua nodaachiguiñi na 'vii naua lachi', chaqai na 'ue ana lete, chaqai teulaxaic.

Génesis 31:42

Quetqai sqai sento'oto' ñi qota'olec queca Abraham, ñi qota'olec ñí'maq nqouagaxaintacot ñi ita'a Isaac, ca' peeta'a sqaca quet aca nañaañi' queta' yilachirec. Qam ñi qota'olec iuana da ỹachicoxo chaqai dá'maq ñigui da ỹo'ueenataxanaxac. Ca' squepe, ca retaxaỹa'a qami'.

Salmos 139:3

¡'Yiiñi' naua'que naua ỹouoxoco, 'yiiñi' ná'ogue ná'maq so'uet!

Éxodo 3:7

Qam ñi qara'gaxala' queetalco' dá'maq ỹa'xatetac, 'naaco': —Ỹim ỹaatqajam seuanchigui da le'xoric yi ỹalamaxareteripi neeta'ñi yi Egipto. Sa'qaatapega quiyim se nqo'ta dá'maq qohinta'gue quená'maq neloxoỹaq quena no'ueenataxanaq, chaqai sa'deenta dá'maq le'xoric.

Éxodo 3:9

Ỹim sa'qaatapega da lachitachic na Israel llaalqaipi, chaqai sedaanta'a quiyim na Egipto laseripi 'xoic da lqa'viic quena'maxare.

Eclesiastés 5:8

'Neeto' re'laqaita quiyim 'ue ca 'laua qaica ca qaỹauaaque na 'xoraic chaqai quiyim se qaỹa'maxata'gue dá'maq no'uen ñicyaxac, ma' ná'maq lodegaxat nashi qoshiilec cá'maq liỹa nashi paguec lecaic, chaqai ná'maq paguec lecaic qoshiilgoto nauá'maq liỹa' paguec sqa lote'.

Levítico 19:13

'Neeto' sqa 'maxachira'gue ca riỹa'e', chaqai sqai huootaxañira'gue ca louenec. Chaqai sqai viraqchira'guit ca liỹa nete'e quiyim shivichiñi' aca lauegue cá'maq ro'ueenataxantacot aqami'.

Hechos 7:34

Ma' ỹim seuana da nqa'viic yi ỹalamqateripi neeta'ñi yi Egipto, sa'xaỹa da laualaxac. Ca vichiguiño' yinotegue'sop, sahotaque ñaqata'a. 'Anta, ma' selachitegue ma'le da Egipto.”

Efesios 6:9

Chaqai qamiri ma' qamiri 'cooro', qai'neeta denaxachiichigui dá'maq 'neetari' na relaataxahipi, sqai yiñitalec. Ñaqai 'yiiñi'a quiyim qamiri chaqai na'maxare viito'ot ñi qara'gaxala' ñí'maq neeta'gue da piguim, chaqai quiyim ñi'maxare qaica ca ỹapacqajnauec, ná'ogue naloqojne'ejta'.

Deuteronomio 24:15

Ta'ta'a quiyim chaqa'ma' shivichiñii ca lo'ueenataxanaxac queca na'xa'a quiyim saqa' inoxonñi aca ra'aasa. Ma' 'xoraic chaqai ỹouen acajo lauegue, qaiyi 'ue ca loq. Ma' ca'maxare sqoue quiyim ỹashiila ñi qara'gaxala' sauaxat dá'maq 'ñiitari', ca' qamiri 'ue ma'le ca rasauaxashichii.