Génesis 31:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' quesojo i'guemataxac, ca' 'ue so qota'olec lelaatec roỹaxañiua' queda ỹeenaxat. Ca' ỹim sasaachiguit, shinac: Aỹim seuete'e najo.

Génesis 31:11 Iomraidhean Croise

Génesis 18:1

Ñi qara'gaxala' lotqai nachaxana so Abraham quiyi loma' ana qo'paq leenaxat encina na'ñi so ỹale leenaxat Mamre, co'na' so Abraham nqa'xantañi quiñi lasom ñi lauo' na'daañi na' mashic 'uo' ca na'xa'a lavinñi.

Génesis 18:17

Co'na'le, ca 'ñiichiquio' lauel ñi qara'gaxala': Nagui sa'qaataxanem na Abraham quedá'maq shim so'uet.

Génesis 22:1

Ca co'na' 'vii saua ñaxari, ca' ñi qota'olec i'gueno' da lpi'ỹaxac so Abraham. Ca roỹaxano' da leenaxat, ca' so'maxare 'naaco': —Aỹim.

Génesis 22:11

ca' so lelaatec ñi qara'gaxala' roỹaxan, 'maqot na piguim, 'naaco': —¡Abraham! ¡Abraham! Ca 'naaco' so Abraham: —Aỹim, seuete'e najo.

Génesis 22:15

Ca' so nelaatec piguim le'ec liỹa roỹaxana so Abraham.

Génesis 31:10

Ca' 'uo' so na'xa'a co'na' na iseripi ỹovire'oga quiyim pa'e, ca' 'ue so i'guemataxac. Ca' queso'maxare, ca' seuana na quetaq loua' quena' renojlec ana loua nodaachiguiñi na 'vii naua lachi', chaqai na 'ue ana lete, chaqai teulaxaic.

Génesis 31:13

Ỹim ná'maq ỹim qota'olec nachaxana qami' na'le quiyi Betel. Ca' yí hua'ñi na' cochirelec ca qa' queca aceite, ca' 'ỹaañirec da ra'qaachiqui'. Nagui, ca' raqamqai' ne'laxachirishiguim, oquire'e na ñi'sa'ñi, pillita ca 'laua ne'xaỹoqsoqochi'.

Génesis 31:24

Qam queso pe ñi qota'olec nachaxana so Labán só'maq arameo le'ec queso le'guemataxac. Ca 'naaco': —Ñaq na'xaỹaxañi', 'neeto' sqai 'maxachira'gue ca 'xachi' ma'le quiñi Jacob.

Génesis 31:5

Ca 'naapegalo': —Yitan quiyim ñi qataa'i totqai 'ne'tegue aỹim cá'maq quesom. Qam ñi qota'olec quecá'maq ita'a se yayaxanec sqo ỹoxe'oga.

Génesis 37:5

Ca 'uo' so na'xa'a, ca' so José 'uo' so le'guemataxac, ca ra'qaataxanalo' saua lqaỹa'. Qam saua'maxare nqo'neuco' da loquiiqa' queso'maxare.

Génesis 46:2

Ca' queso pe ñi qota'olec retaxaỹa'pegue' so Israel, viichigui nqai'en so lelaxac, roỹaxana queda liỹa leenaxat Jacob. Ca so'maxare saat, 'naaco': —Aỹim seuete'e najo.

Éxodo 3:4

Ca co'na' ñi qara'gaxala' qota'olec idaana'guit so Moisés quiyim nqo'neuo, ỹahotaque ỹa'ajanta, ca' ñi qara'gaxala' roỹaxan 'maqatougui aso qo'paqo'lli', 'naaco': —¡Moisés! ¡Moisés! Ca' so Moisés 'naaco': —Aỹim.

Isaías 58:9

Ca noma' ỹaxañiraque aỹim, ca' ỹim sasaachiguit qami'; chaqai no'm raualqe' ỹaxañisaque ca notaanaxaqui', ca' ỹim shinac ma'le: Aỹim seuete'e najo. No'm na'laañi nqai'ñi' ná'ogue na npataxasoxonaxac, no'm sqai quira'a ca liỹa chaqai se na'majñirelec,

Mateo 27:19

Ca co'na' so Pilato ñaq nqa'xantalec so lo'ueenataxanqa', ca' aso loua 'uo' so nelaro la'qaatec, 'naaco': “'Neeto' lotqai 'iisapegueu'a so ỹale huagaxaraic, ma' squepe chalego lichic so i'guemataxac sauaxat so'maxare.”

1 Samuel 3:16

Qam so Elí roỹaxana so'maxare, ca 'naaco': —¡Qami' ỹaalcolec Samuel! Ca so'maxare 'naaco': —Aỹim, seuete'e najo.

1 Samuel 3:4

Co'na'le, ca' ñi qara'gaxala' roỹaxanegue da leenaxat so'maxare, 'naaco': —¡Samuel! —¡Aỹim, najo seueta'ñi! —'naaco' so'maxare.

1 Samuel 3:6

Qam ñi qara'gaxala' lotqai liỹa roỹaxana, 'naaco': —¡Samuel! Ca' so Samuel ne'laxashiguim, ca quepegue' so Elí, ca 'naaco': —Ỹim ñovira'a qami'; ¿negue' ca vi'saque ma' ỹaxañiriua'? Ca' so Elí 'naaco': —Ỹim se soỹaxana qami', qami' ỹaalcolec; pilliriri' nenañiriñi.

1 Samuel 3:8

Qam ñi qara'gaxala' na' ỹovi' quiyim tres roỹaxana so Samuel, ca so'maxare quepegue' so Elí quiyim 'naac: —Ỹim seuete'e najo; ¿negue' ca vi'saque? Ca' so Elí retan quiyim chaqaiñi ñi qara'gaxala' ñí'maq roỹaxana so ne'nec.