Génesis 31:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca' 'uo' so na'xa'a co'na' na iseripi ỹovire'oga quiyim pa'e, ca' 'ue so i'guemataxac. Ca' queso'maxare, ca' seuana na quetaq loua' quena' renojlec ana loua nodaachiguiñi na 'vii naua lachi', chaqai na 'ue ana lete, chaqai teulaxaic.

Génesis 31:10 Iomraidhean Croise

Génesis 20:6

Ca' queso le'guemataxac, ca' qohinapego' quiñi qota'olec: Ỹim sa'deenta quiyim qaica ca vi'saque na' 'viichi' dajo. Vichiguiño' sqai saxanegue quiyim vichira'guit añi 'aalo, qaiyi qaica ca rasauaxashichi' caỹim.

Génesis 28:12

Ca 'uo' so le'guemataxac, ca iuano' so naviaxala' na'deetañi quena 'laua, ca ỹoviro'ot na piguim. Ca' queso'maxare, ca na lelaatqaipi ñi qota'olec naqueta'ñigui so'maxare, ca' lotqai pilshiguim.

Génesis 31:11

Ca' quesojo i'guemataxac, ca' 'ue so qota'olec lelaatec roỹaxañiua' queda ỹeenaxat. Ca' ỹim sasaachiguit, shinac: Aỹim seuete'e najo.

Génesis 31:12

Ca' so nelaatec 'naapiguiỹa': Ỹaatqajam 'ajñite', ca' huañita ma'le quiyim ná'ogue ná'maq quetaq louaaripi nodaachiguiñi 'ue ana lete chaqai 'vii naua lachi' chaqai teulaxaic, ma' yitan dá'ogue dá'maq 'ne'tegue qami' ñi Labán.

Génesis 31:24

Qam queso pe ñi qota'olec nachaxana so Labán só'maq arameo le'ec queso le'guemataxac. Ca 'naaco': —Ñaq na'xaỹaxañi', 'neeto' sqai 'maxachira'gue ca 'xachi' ma'le quiñi Jacob.

Génesis 31:9

Ca' chaqaida dá'maq 'neeta quiyim ñi qota'olec rouootaxana'gue na laloipi, ca' nañaañim.

Génesis 37:5

Ca 'uo' so na'xa'a, ca' so José 'uo' so le'guemataxac, ca ra'qaataxanalo' saua lqaỹa'. Qam saua'maxare nqo'neuco' da loquiiqa' queso'maxare.

1 Reyes 3:5

Ca 'uo' so pe quiyi Gabaón, ca' ñi qara'gaxala' nachaxana so'maxare, viichigui nqai'en so lelaxac. Ca 'naaco': —Ỹaxañiraque nagui cá'maq viñisaque, ca' saanem qami'.