Génesis 31:1 - La'qaatqa ñi qota'olec Qota'olec & Qota'olec Novita Na Qomyipi

¹ Qam so Jacob ỹa'deeno' quiyim so llaalqaipi so Labán 'naaco' quen: Ñi Jacob icona ná'ogue na na'aateteripi ñi qareta'a, ca chaqaina ná'maq resalligui.

Génesis 31:1 Iomraidhean Croise

Génesis 30:43

Ca chi ỹovireto'o' quiyim ỹaatqajam nesallaxanec so Jacob, chaqai vire'to' na' 'xoic aso lalo qagreta, chaqai so lelaatqaipi, chaqai aso lelaataipi, chaqai lalo nauaanaxanaxa late'ellipi, chaqai 'ashinyipi.

Génesis 31:2

Ca so Jacob ra'ỹo'ot qai'neeta so Labán, ca' ỹoqa'a na lashic, mesqai 'nejem na' ñaqai 'aueta.

Génesis 31:43

Co'na'le, ca 'naaco' so Labán queso Jacob: —Naua rouachi' ỹaatqajam ỹalamaxarete ỹaale, chaqai na llaalqaipi chi iuaripi, chaqai na qagretaipi chi iloipi. Ca ná'ogue najo 'ajñi'sac ná'ogue ỹalamaxaret. Qam ¿negue' cá'maq shinta'que quet nagui naua ỹaale chaqai ná'maq llaalqaipi naua'maxare?

Génesis 45:13

'Qaataxañim ca ita'a quedá'ogue dá'maq shintari' quena Egipto, chaqai quená'ogue ná'maq huañiỹa quenajo. ¡Se naỹaloxoriñii, mohi, naviguii ca ita'a!

Ester 5:11

Ca' retaqatecto ỹa'xatetac da lesallaxa, chaqai quiyim 'xoic na llaalqaipi, chaqai quiyim so nashi ỹapacqajnauec quesá'ogue so liỹaripi so'maxare, chaqai ỹaanem yi paguec lecaic loma' ỹapacauec nqai'en quena liỹa lotauaripi so nashi.

Eclesiastés 4:4

Seuana qai'neeta quiyim 'xoic ca no'ueenataxanaxac chaqai quiyim nqo'neuec ca no'ueenataxanaxac chicqochigui quiyim 'ue ca npa'guenta'ta', ca' dajo qai'neeta qaica quet cá'maq 'negue, chaqai 'ec qaỹahotaque neconecsec ca nonot.

Isaías 5:14

'Ec ca toxonaxai ỹauatetagui na lap ma'le añi napal lahi', ỹahotaque ỹaqanañi ma'le na ỹalamaxareteripi liỹaata'ñi' na lashillipi, ná'maq qomyipi qaidaata da lishiquiaxac chaqai da leuallaxaviaxac.

Ezequiel 16:44

'Ue ná'maq ỹa'den ỹo'uet ca lliguec la'qaatec, ca 'naac caqami' Jerusalén: Dá'maq no'ueenataxac aso late'e ỹaatqajam 'nejem dá'maq 'neetari' aso llaale.

Mateo 4:8

Ca' so na'ỹaapec lotqai liỹa ỹauega so Jesús ada quemaralec qa' ladocai. Ca' ỹachaxanalo naua'que naua na'aate' hueesalec ana 'laua chaqai ná'ogue na lemaqachic na'maxare.

1 Timoteo 6:4

ca' cajo qom nemaqajnaxai, qam qaica ca ỹa'den. Vichiguiño' lqo'itaxat quiyim nco'uaataguilo naua na'qaatqa, ma' 'eco' 'ue da ralolaxa. Ca' dajo chaqaida dá'maq chicqaugui da pa'guenaxac, co'uaxac, shiuenaxac, chaqai quiyim tot qoyiuelec ca liỹa,

Tito 3:3

Ma' qomi' qai'neete' quesom qaica ca sa'deenaq, ca' se ña'xaỹaxanaxalo naua la'qaatqa ñi qota'a. So'maqatajlec chaqai qolqata'pegue' da qarqo'itaxanqachic chaqai da qaramaanaxanqachic. Seuqataugui da se no'uen chaqai da npa'guenaxanaxa. Qomi' noquiiqate' chaqai chi ñoquiaaqata'ta'.

1 Pedro 1:24

Ma' daua naneresañi na'qaatqa 'neracsa': Ná'ogue na ỹoreta'oguit qomyipi 'nejem ana peue, chaqai da lemaqachic 'nejem aca peue lenoỹaxai. Aca peue ỹaso, chaqai najñi aca lenoỹaxai,