Génesis 30:43 - La'qaatqa ñi qota'olec Qota'olec & Qota'olec Novita Na Qomyipi

⁴³ Ca chi ỹovireto'o' quiyim ỹaatqajam nesallaxanec so Jacob, chaqai vire'to' na' 'xoic aso lalo qagreta, chaqai so lelaatqaipi, chaqai aso lelaataipi, chaqai lalo nauaanaxanaxa late'ellipi, chaqai 'ashinyipi.

Génesis 30:43 Iomraidhean Croise

Génesis 12:16

Ca' chicqochigui aso Sarai quiyim so nashi nqo'ta so Abram. Ca' ỹachit, ỹa'ue lalo qagreta, chaqai ana huaca, chaqai ana nauaanaxanaxa late'e, chaqai so 'ashinyipi, chaqai so la'aquipi 'aallipi chaqai so ỹalliripi.

Génesis 13:2

Ca' so Abram ỹaatqajam nesallaxanec, 'ue ana lam 'óro, plata chaqai 'xoic so laloipi.

Génesis 24:35

Ca' ñi qara'gaxala' ỹaatqajam nqouaguegue ñi ña'co', nesallaxanec nqai'en, ỹa'ue ana lalo qagreta, huaca, 'oro, plata, chaqai na lelaatqaipi chaqai na lelaataipi, chaqai na lalo nauaanaxanaxa late'ellipi chaqai na 'ashinyipi.

Génesis 28:15

Ca' ỹim iỹaatac qami' scochi'sapegaxaua' quecanchaqai 'itegue, chaqai yapilaxata qami' ma'le najo 'laua. Se salachi'sac chaqai somachichigui dá'maq sachaxantac quiyim saanem qami'.

Génesis 30:30

Ma' sqo vito'olli' caua qalohi' na' saqa' ñovi', chaqai quiyim chaqa'ma' nqo'neuec na' ñovi', ca ñi qara'gaxala' nqouaguegue qami', qam ¿laquio' chi so'ueenataxanlgoto nauá'maq ỹalamaxarete' ỹaalqa?

Génesis 30:42

Qam co'quena' noviraxasom ná'maq ỹapo'ota iseripi, ca' se ỹa'chi'iñi saua qo'pa'. Ca' vichiguiño' ná'maq iseripi paguec po'xoic, ca lalo so Labán.

Génesis 31:1

Qam so Jacob ỹa'deeno' quiyim so llaalqaipi so Labán 'naaco' quen: Ñi Jacob icona ná'ogue na na'aateteripi ñi qareta'a, ca chaqaina ná'maq resalligui.

Génesis 31:42

Quetqai sqai sento'oto' ñi qota'olec queca Abraham, ñi qota'olec ñí'maq nqouagaxaintacot ñi ita'a Isaac, ca' peeta'a sqaca quet aca nañaañi' queta' yilachirec. Qam ñi qota'olec iuana da ỹachicoxo chaqai dá'maq ñigui da ỹo'ueenataxanaxac. Ca' squepe, ca retaxaỹa'a qami'.

Génesis 32:10

Ỹaatqajam sqa saiguit quet quiyim 'ue quet ca rqouagaxa'e' caỹim, chaqai quiyim paquiterelgoto naua ra'qaataxahi' quedá'maq 'ñi'sa'gue aỹim. Ma' ỹim na' ñapacta najo lachiugue leenaxat Jordán, qaica ca liỹa i'ỹaac, qanaata ana ỹashilete. Qam nagui sovirqata'a quiyim dos naua qalapooqote'.

Génesis 32:14

doscientos aso quetaq, chaqai veinte quetaq loua', chaqai doscientos aso qagreta, chaqai veinte saua qagreta louaari,

Génesis 32:5

Chaqai 'ue ana ilo huaca, 'ashinyipi, qagretaipi, ilaatqaipi, ilaatallipi. Selata qami' da ỹa'qaatec, qami' ỹa'gaxala', sahotaque sa'deenta quiyim yi'xoriñi'.

Génesis 33:11

Vichiguiño' 'ue da ipagaxallic quiyim coñichiguit ná'maq ỹame ñoda'a qami', ma' ñi qota'olec chicqo'ot da quiyim ỹim nesallaxanec, ca' qaica ca souentaque. Ca' so Jacob ỹaatqajam 'ue da lepagaxallic, vire'ta na' so Esaú icoñiguit so neme.

Génesis 36:7

Ma' mashic ỹapaguelec só'maq na'aateteripi saua'maxare, ca' tot ỹa'maxañi quiyim neralec cá'ogue ca 'laua. Chaqai quecá'maq 'laua tot nalolec cá'maq iseripi quiyim que'eelec.

Eclesiastés 2:7

chaqai seshiujnaxanque na ilaatqaipi chaqai ana ilaatallipi, chaqai 'ue na ne'xaỹa'ñi yi ỹa'a'; chaqai 'ue ana ilo huaca chaqai qagreta, ỹapacauec aso ilo queso 'auaxaic nashillipi quena Jerusalén.

Lucas 12:45

Qam quecajo 'neetapega quiyim sqaua' novi' ca na'co', ca' ỹouaxantac na liỹaripi nelaatqaipi chaqana nelaataipi, ime, ca' quelec da lqui'ỹaxac, chaqai da ne'taxac quena lataxa,