Génesis 30:41 - La'qaatqa ñi qota'olec Qota'olec & Qota'olec Novita Na Qomyipi

⁴¹ Ca co'quena' ná'maq isecỹac paguec 'uegaxasaq renojshiguim quiyim ỹa'ue ca llaalec, ca' so Jacob ỹa'chi'iñi saua qo'pa' quena lahi so ne'taqa', qaiyi quiyim renojshiguim, ca' reloqo'toto saua qo'pa'.

Génesis 30:41 Iomraidhean Croise

Génesis 30:38

Ca co'na' ime cola', ca' ỹa'chi'iñi quena lahi so ne'taxanataxanaxaqui dá'maq reloqota'co' quena' ne'et quena huaxaỹaq so neloipi. Ca' quiyi hua'ño' quena' na louaaripi renojlec ana loua, qam ma' co'quena' renojlec ca reloqoto'ot saua qo'pa' ncola, ca co'quena' ne'qaañi na llaalec, ca' 'vii naua letee, loqo'm naua lachi' chaqai teulaxai.

Génesis 30:40

Ca' so Jacob ỹoỹoote'ogo' quen ana isecỹac 'vii naua lachi' chaqai ana laueraxai cana lalo so Labán. Ca' chaqaida 'neeto' na'le so Jacob na' ỹo'uet asó'maq chi lalo ỹoỹooteta'oga caso lalo so Labán.

Génesis 30:42

Qam co'quena' noviraxasom ná'maq ỹapo'ota iseripi, ca' se ỹa'chi'iñi saua qo'pa'. Ca' vichiguiño' ná'maq iseripi paguec po'xoic, ca lalo so Labán.