Génesis 30:27 - La'qaatqa ñi qota'olec Qota'olec & Qota'olec Novita Na Qomyipi

²⁷ Qam so Labán 'naaco' queso'maxare: —Qouaquiric, ro'viiñirañi, chaqai 'ñi'sari' ñiiso'ot aỹim, ma' mashic senataxanteguelec qami', ca' sa'den quiyim ñi qara'gaxala' 'ue da lqouagaxa caỹim chicqochigui qami'.

Génesis 30:27 Iomraidhean Croise

Génesis 12:3

Ca' ỹim se'xoren cá'maq re'xoriñi', chaqai se se'xoren cá'maq se re'xoriñi'; chaqai chicqochigui qami' ma'le quiyim yqouaguegue ná'ogue na qomyipi quena 'laua.

Génesis 18:3

Ca 'naaco': —Qami' ỹa'gaxala', sashiila'e' quiyim sqaua' qui'.

Génesis 26:24

Ca' queso pe, ca qanachaxana so'maxare quiñi qara'gaxala'. Ca 'naaco': Ỹim ná'maq ỹim qota'olec queso qataa'i' Abraham. Qaica ro'chiraque; ma' qami' iỹaatac. Ma' chicqochigui nqaishin so ilaatec Abraham, ca 'xoic da iqouagaxa ma'le caqami', chaqai 'xoic nqaishin ca qachaalaxai'pi.

Génesis 30:30

Ma' sqo vito'olli' caua qalohi' na' saqa' ñovi', chaqai quiyim chaqa'ma' nqo'neuec na' ñovi', ca ñi qara'gaxala' nqouaguegue qami', qam ¿laquio' chi so'ueenataxanlgoto nauá'maq ỹalamaxarete' ỹaalqa?

Génesis 33:15

Ca' so Esaú 'naaco': —'Maxariñite' quiyim 'vii caua ño'ueenaqterañi quena ỹalliripi ñauequeta'pegue'. Qam so Jacob 'naaco': —'E', yi nalootañi dá'maq rquelolaxa'e'.

Génesis 34:11

Ca' so Siquem 'naaco' queso leta'a chaqai quesaua lqaỹa' aso Dina: —'Ue da ipagaxallic, ca ni'xoresentouguilo qamiri quiyim coñiguit aỹim. Ca cá'maq ỹaxañiỹaque, ca' ỹim sa'ue.

Génesis 44:5

só'maq ỹaatqajam ne'taxaqui ñi ña'co', chaqai louena quena' ỹahotaque ra'iuec canchaqaica. ¡Qamiri ỹaatqajam se ỹa'maxañi dá'maq 'ñii'tegue!

Génesis 47:25

Ca saua'maxare 'neraco': —Ỹaatqajam qami' qouagaxanqachaqaic coqomi', ma' ¡nca'laxachirec qomi' queso nqopaaxa! Ca' nagui, ca qomi'o' la'aqa ñi Faraón.

2 Samuel 6:11

Ca' aso lahite' saua naqataxaco ỹovi' tres shiriguiri neeta'ñi yi la'a' so Obed-edom. Ca' ñi qara'gaxala' ỹaatqajam nqouaguegue so'maxare chaqai sá'ogue so llaalqaipi.

Nehemías 1:11

Ca ñi'xoresene'tot qami' nagui quiyim na'xaỹaxañita da nqouagaxainaxac chaqai da lashiilaxanaxac najo relaachiqui', ma' qaica ca liỹa ỹahotaque, qaidaata quiyim remaqachiñi'. Chaqai sashiila'isac quiyim seshit da sahotaque quiyim taachigui lauel nqai'ñi' ñi nashi quiyim nqouaguic. Ỹim ñaqaỹim ne'taxaqui lo'o na'le so nashi Artajerjes.

Nehemías 2:5

Ca' shinac na'le queso nashi: —Qami' ỹashi, no'm 'maxariñite' da ỹa'qaatec, no'm chaqaiyi quiyim rqouaquitegue aỹim, ca' sashiila'e' quiyim yilachitegue da Judá yí'maq na'a' huera'ñi yaua ita'al, ma' sahotaque quiyim liỹa ño'xonshiguim.

Salmos 1:3

Cajo qom 'ec aca qo'paq neeto'ot na lahi aca lachiugue, ca' se napacalec yi laloqo' quiyim 'ue aca la chaqai se ỹaso ana laue. ¡Chaqai quená'ogue ná'maq ỹo'uet ỹaatqajam ỹa'maqachiguiñi!

Isaías 6:13

Chaqai no'm sqo vito'olqai' caua no'ueendañi quenajo qomyipi, qaiyiita qanalauajñi ma'le, 'ec quena' qaỹouaxanlec aca qo'paq roble loqo'm aca encina, ca' qacaata aca loỹo no'ueenañi. (Ca acá'maq dalaxai llaxataxai aca loỹo, ca lalamaxarete ma'le ñi qota'olec.)

Isaías 61:9

Na llaalqaipi ỹaatqajam choxoraic quena ỹoreta'oguit qomyipi; ná'ogue ná'maq iuana chaqa'ma' ỹa'den quiyim ñi qara'gaxala' no'ueenaxat da no'ueenataxac.

Daniel 1:9

Qam ñi qota'olec ỹo'uet quiyim so lashi so nelaatqaipi na'yiiñiguit so Daniel.

Hechos 7:10

Ca' quepaqataxanteguelec quená'ogue na ne'guenaxaquipi, chaqai ỹaanem da la'deenaxanaxa, ca vire'ta qanqo'ta queso nashi quiyi Egipto, leenaxat Faraón. Ca' chaqaiso só'maq nashi Faraón ỹana'ñi quiyim so José lpa'axaua nashi, chaqai idaanlec cá'maq la'a' so nashi.

Rut 2:13

Ca 'naaco' aso Rut: —Ỹaatqajam 'ue da re'xorenataxanaxa'e' caỹim, chaqai naua ra'qaataxahi' ya'ñaxate', ma' ỹaatqajam yichirite' quena' taxahi' caỹim, 'eno'm sqaỹim qachaaqainata'e'.

1 Samuel 16:22

Ca' so Saúl ila' so la'qaatec queso Isaí, ne'xoresene'tot quiyim so David chaqa'ma' le'neetari' neeto'ot so'maxare, ma' mashic ỹaatqajam nqo'ta.